مخالفات سالك !!

39 thoughts on “مخالفات سالك !!”

1. مشكورين ياشباب ع المعلومات الطيبه… ما عليكم زود

   بس للمعلومه… عندنا مخالفات سالك بقيمة 20 الف والبارحه يددنا 3 سيارات في ترخيص بوظبي ولا دفعنا سالك
   ولا حتى رمسونا عنهن…..

2. بس الحين النظام اتغيّر …

   أول ما حطوا سالك .. كانت المخالفة اتيي على اللي مركب سالك ولكن (( يوم مافيها رصيد))

   بس عقب اتطّوروا وصارت اي سياره مافيها سالك .. او مافيها رصيد على طوول تتصوّر ..

   والحين … خلاص المخالفة لو اتييك لازم تدفعها حتى لو كان رقم موترك اي رقم كان … اتيي المخالفة ..

   ولا زم تدفعها …

   المخالفة الوحده 50 درهم ….

   فالاحسن انّك اتحط سالك على سيارتك للاحتياط .. ولازم اتحط فيها رصيد …

   انا اعرف وايدين مب حاطين سالك .. ويوم اسألهم يقوول انا ما اطووف على بوابات سالك ..

   ولكن ساعات للظرووف احكام .. تضطّر انك اتطوف على سالك …

   فالاحسن اتحط بطاقة سالك حتى لو كنت ما اتسير دبي .. لانه يمكن في يوم من الايام اتسير وتنسى سالفة سالك ..

   عالاقل كل شهر حط 100 درهم لو كنت اتسير دبي على فترات متقطعة ..

   ولو كنت من اللي كل يوم يطوفون على سالك (( الله يعينك ))

   حتى تقدر اتحوّل رصيد عن طريق التيلفون .. او من محطات البترول .. او اتحول رصيد من البنك على سالك …

   يعني حط كل شهر عالاقل 50 او 100 او 200 على حسب سيراتك حق دبي …

   وبتكون مرتاح من المخالفات … ومن صدعة الراس ..

   كفانا الله المخالفات … والسلام عليكم ورحمة الله

3. ماعتقد ان شاء الله لأنة سالك محلي -خاص ب امارة دبي فقط ومالها خص باقي الامارات بهالشي ولا هية ملزومة تاخذ فلوس من الناس اللي باماراتها

   والله يوم رحت اجدد الملكية قالوا تدفع يعني تدفع

4. لين شهر تقريبا او ما ذكر ما صار ها الربط الي اعلنوا عنه وجددنا سيايرنا عليها ارقام بوظبي وما دفعنا عن سالك

   لكن معلومه قانونيه للي ما يعرف

   المخالفه تنقضي بمرور سنه

   واذا ما تمت المطالبه من قبل مرور بوظبي خلال السنه يعني بعد ما تنتهي السنه ورحت تجدد السياره وماطالبوا بدفع المخالفات مايقدرون يطالبونك بمخالفات سالك في التجديد الثاني لانه يعنبر قبول ضمني بل اعتبره صريح بعدم المطالبه عند تجديد السياره في المره الاولى وتسقط المخالفه بالتقادم

   انزين انا ماخد سياره مستعمله وراعي السياره كان عليه مخالفات سالك وقالي انها بتتحول عليه ويوم رحنا نحول السياره قالولي عن سالك بس قتلهم اني مابدفع

   والي فهمته منك اني لو رحت اجدد السياره عقب مانتهي يعني عقب سنه لو انها ماتحولت ع قولة راعي السياره القبلي انا هب ملزوم ادفعهاا ,,

   لانه مخالفات سالك مخوفتني اذا تبا الصدق

5. – ولا جنه تم الاعلان عن الربط في شهر فبراير من سنة 2009 بين نظام سالك في هيئة الطرق وبين وزارة الداخليه…
   …

   لين شهر تقريبا او ما ذكر ما صار ها الربط الي اعلنوا عنه وجددنا سيايرنا عليها ارقام بوظبي وما دفعنا عن سالك

   لكن معلومه قانونيه للي ما يعرف

   المخالفه تنقضي بمرور سنه

   واذا ما تمت المطالبه من قبل مرور بوظبي خلال السنه يعني بعد ما تنتهي السنه ورحت تجدد السياره وماطالبوا بدفع المخالفات مايقدرون يطالبونك بمخالفات سالك في التجديد الثاني لانه يعنبر قبول ضمني بل اعتبره صريح بعدم المطالبه عند تجديد السياره في المره الاولى وتسقط المخالفه بالتقادم

Comments are closed.