السلام عليكم

الحين انا عندي مخالفات سالك أكثر من 13 مخالفة

انا من بوظبي ومب مركب سالك على الموتر

الحين طلعت المخالفات لسالك

سويت اعتراض على بعض منهن تم الرفض

وقبل شويه سويت على الباقي

ان تم الرفض بعد على الإعتراض شو الحل ؟؟؟

المشكله ما تقدر تكتب ليش إعتراضك اللهم بس تختار من اختياراتهم ولا وحده مناسبة لحالة موترنا

فاللي يعرف يخبرنا يسوي فينا خير

واللي يعرف كيف نجدد المواتر من دون ما ندفع مخالفات سالك بعد يخبرنا

دمتم بود

39 thoughts on “مخالفات سالك !!”

  1. نحن حاولنا نجدد الموتر أو نحط موتر جديد على اسم واحد

    ونجدد الليسن

    وكل ما هو يتعلق بهذه الإجراءات

    طلبوا دفع مخالفات ساااااااااااااااااااااااااااالك

  2. بس الحين النظام اتغيّر …

    أول ما حطوا سالك .. كانت المخالفة اتيي على اللي مركب سالك ولكن (( يوم مافيها رصيد))

    بس عقب اتطّوروا وصارت اي سياره مافيها سالك .. او مافيها رصيد على طوول تتصوّر ..

    والحين … خلاص المخالفة لو اتييك لازم تدفعها حتى لو كان رقم موترك اي رقم كان … اتيي المخالفة ..

    ولا زم تدفعها …

    المخالفة الوحده 50 درهم ….

    فالاحسن انّك اتحط سالك على سيارتك للاحتياط .. ولازم اتحط فيها رصيد …

    انا اعرف وايدين مب حاطين سالك .. ويوم اسألهم يقوول انا ما اطووف على بوابات سالك ..

    ولكن ساعات للظرووف احكام .. تضطّر انك اتطوف على سالك …

    فالاحسن اتحط بطاقة سالك حتى لو كنت ما اتسير دبي .. لانه يمكن في يوم من الايام اتسير وتنسى سالفة سالك ..

    عالاقل كل شهر حط 100 درهم لو كنت اتسير دبي على فترات متقطعة ..

    ولو كنت من اللي كل يوم يطوفون على سالك (( الله يعينك ))

    حتى تقدر اتحوّل رصيد عن طريق التيلفون .. او من محطات البترول .. او اتحول رصيد من البنك على سالك …

    يعني حط كل شهر عالاقل 50 او 100 او 200 على حسب سيراتك حق دبي …

    وبتكون مرتاح من المخالفات … ومن صدعة الراس ..

    كفانا الله المخالفات … والسلام عليكم ورحمة الله

    ن

    من قال 50 درهم ياليت المخالفه الوحده 400 درهم

    انا اتصلت على المرور قالت لي الموظفه عادي بدون ماتدفع لاان سالك مايظهر عندي في السستم لاني عطيته رقم سيارة ربيعي عليه مخالفات سالك وفي الفون قالوله عادي جدد بدون ماتدفع سالك يوم راح قالوله لازم تدفع يوم اتصلت اليوم كل الموظفين قالولي جدد بدون ماتدفع عادي …؟؟؟

    الصراحه شي عجيب حتى الموظفين بروحهم كل واحد له كلمه

    الاتصال على هالرقم للاستفسار اكثر

    024196666

  3. مشكورين ياشباب ع المعلومات الطيبه… ما عليكم زود

    بس للمعلومه… عندنا مخالفات سالك بقيمة 20 الف والبارحه يددنا 3 سيارات في ترخيص بوظبي ولا دفعنا سالك
    ولا حتى رمسونا عنهن…..

    اخوي متاكد؟؟؟؟

    لان في ناس متورطين وهب قادرين يجددون مواترهم بسبب سالك؟؟

  4. الموضوع الأكيد أنه اي سيارة عليها أرقام إمارة أبوظبي و عليها مخالفات سالك في دبي…يتم تجديدها عاااااااااااادي بدون السؤال عن مخالفات سالك….هي يمكن تظهر بالسسيتم صح بس مرور بوظبي ما يسأل عنها ابداً…..

Comments are closed.