تصدقون شو اللي يالس يصير في السعوديه
شباب من الامارات كانوا طالعين من البحرين بالسياره راجعين الامارات
زخهم الرادار وكالعاده وقفوهم بس الغريب في الموضوع حجزوا سايق الموتر 48 ساعه في السجن
مادري هالقرار اللي نازل عندهم ( سجن السايق ) .في الاحساء
لا ويوم ساروله ربعه اللي كانوا معاه في السياره في السجن تعرفون شو شافوا
6 من قطر 2 من الامارات محجوزين في السجن . والشباب ما خلوا مكان ما اتصلوا ( يعني شغلوا واسطاتهم ) بس بدون فايده بالعكس زادوا السايق 24 ساعه زياده في السجن .
اناشد كل اللي يسافرون في البر ان الرادار يصور فوق 125 كم في الطرق السريعه في السعوديه
((( متى بيتفقون على انشاء جسر بينا وبين قطر . عسب ما اندش السعوديه خير شر )))
حسبي الله ونعم الوكيل
ها الي يقهر اخوي الحين انا ناوي اسير عمره بالسيارة..
كيف اتم طول الطريق على 120 ؟؟؟
والله شي يقهر ومتعب بعد وما فاليد حيله .
اذا بسوق بسرعة 120 كلم مسافة 2500 كلم
كم يبالي لين أوصل ؟
متعود اسافر ويا الأهل في الصيف الى سوريا والأردن
وبعد ما سمعته هونت عن السفر وبدورلي على
بلد أجنبي ابرك بعد ما كنت ضد السفر للدول الغربية
اذا زخني الرادار وحطوني في السجن وين بخلي
الأهل ؟؟؟؟!!!!!!!!!!!!!!!!!!!!
تخيل نفس هالسايق بسبب سرعته الزايدة ادى في حادث تسبب في وفاة الي وياه
هي يات على الرادار
انا بطلت اروح البحرين والكويت وقطر والسبب معاملة افراد شرطة السعودية القذرة
واسلوب وقيادة شباب سعودية اللي تعرضك انته واهلك للموت في اي لحظة
وفوق هذا لا شوارع ولا انارة ولا شي
الحل الوحيد للي يبا يعتمر يروح بالجو
والسلام
والله ياخي الرادار القصد منه الربح المادي فقط …..
وبعدين اذا هم زايغين على البشر خلهم يجوفون الشاحنات شو تسوي واكثر الحوادث بسبة الشاحنات
ونحن ناكل العقوبات لاننا صغار .
انا احسن شي اشتري شاحنة وريح عمري والي يزعجني اعفس بطنه ولا رادار ولا هم يحزنون