مخالفه من الفجيره وانا اصلا ما سير لفجيره؟!؟!

24 thoughts on “مخالفه من الفجيره وانا اصلا ما سير لفجيره؟!؟!”

1. نفس ماقالوا الاخوان

   اطلب صورة المخالفة اذا كانت رادار وأعتقد عليها رسوم

   أما اذا كانت مخالفة خطية فراح تكون صعبة شوي

2. يا اخوي انا مره استوت ويا ربيعي و سرنا حق ريال نعرفه في المرور و قالي شو السالفه….و هي كالتالي:
   من فتره شهرين تم ربط سيرفرات المرور في جميع امارات الدوله مع بعض و في الاول كانت مش مربوطه كان كل اماره بروحها…فالي استوا التالي انه ما قبل اللربط كان في ناس يسوون مخالفات في الامارات الثانيه يعني واحد من بوظبي يسوي مخالفه في الشارجه او عيمان او الفجيره…و يكون الريال عنده واسطه في بوظبي فيشيلها من سيرفر بوظبي….فيوم ربطو السيرفراااات المخلفات الجديمه الي على الرقم مالك يا اخوي طلعت عليك يعني بالفعل شي مخالفه بس مب انته الي مسوييها راعي الرقم الي كان قبلك هو الي مسووويها….طبعا لو بسالك متى كانت المخالفه اكيد بتكوون من سنه او سنتييين….نحن شو سوييينا يومها….المخالفه الي كانت على ربيعي كانت في ال 2003 سرنالهم في المركز الرئيسي مال المرور و دشينا على السؤوول و قلناله نبا تفسير كيف انه الخالفه مستويه في 2003 و الموتر اصلا موديل 2005؟؟؟؟؟؟؟؟
   الريال سكت و عطانا ورقه و لغو المخالفه…فانت شوف اما تطلب صوره او تثبت باي طريقه انك مب انت راعي المخالفه و بيشلونها عنك انشالله

3. اكيد بيانات السياره بتكون على المخالفه ولو خطيه

   اتصل لقسم المخالفات وخبرهم عن الموضوع وهم بيفيدونك اكثر وبيعطونك بيانات اكثر إذا كان نفس السياره او خطأ

   موفق

4. حااول تتأكد

5. سير مركز الفـجيره وقولهم ابا صورة رادار اذا كانت مخالفه رادار ..

   واذا كانت خطيه على ماعتقد صعبه شويه بس كلم المسؤول هناك ..

   وسموحه منك

Comments are closed.