وين تنصحوني اركب مخفي

انا جد امركب مخفي لمسات ب 800 درهم وكديته 4 سنين ما اخترب بس كنت احس بالحراره مع ان كان عازل حراري

شكرا

6 thoughts on “مخفي مخفي مخفي”

  2. مشكورين وما قصرتوا

    شو رايكم بـمخفي 3m ؟

    وين يركبون مخفي لمسات في دبي ؟

    اخووي مخفي لمسات احسن من مخفي 3m

    وما احيد محل لمسات في دبي

    الفرع الرئيسي في بوظبي شارع الدفاع والفرع الثاني في العين هذا اللي احيده وما احيد انه عنده فروع ثانية ..

    مخفي لمسات زين وانا مركبنه على الفتك الذهبي 1200 درهم ضمان 5 سنوات

    وجربت مخفي تيتانيوم اللي في الدفاع (( بوظبي )) على موتر البيت ب 1000 درهم ضمان 8 سنوات وتيتانيوم رافع عدد سنوات الضمان عشان الناس اتركب من عنده والاّ خبرني الحين من بيخلي سيارته في هالزمن 8 سنوات او حتى لو عاشت معاه 8 سنوات من بيخلي المخفي عليها 8 سنوات

    وجربت ماجيكت تاتش على الفتك الأسود .. ب 700 درهم ضمان خمس سنوات

    والامور طيبة اهم شي لون المخفي ووضوحة وشغل التركيب وماعليك من باقي الامور حراره ومادري شو الحراره موجوده بكل انواع المخفي ولكن المخفي الاصلي يخفف الحرارة بنسبة بسيطة جداً عن المخفي العادي ..

  4. مخفي لمسات حلو و و الأحلى معاملتهم الي فوق الممتازه … مره كنت مركب مخفي عندهم .. و في اليوم الثاني لقيت شعره صغيره بين المخفي و الجامه …. رديت عندهم و شاف المسؤول الشعره و بدون أي نقاش دخل السياره داخل .. و قال حق الفلبيني بدل مخفي هالجامه .. و تم يلف على السياره و بروحه كل ما يشوف مخفي ولو داخله ذرة رمل .. يقول حق العامل بدل المخفي … والله انه بدل 5 جامات بدون اي نقاش و بدون ما اقوله .. انا أتعامل وياهم أكثر من 6 سنين و اكثر من 5 سيارات ….. و تركيبهم نظيف .. و سعره مناسب مقارنة بالأنواع الأخرى …

  5. اخوووي الحراره في الصيف موجوده بكل انواع المخفي

    واللي يقولّك انه المخفي ماله مايدخل حراره تراه خراّط وبياّاع كلام ..

    والتجربة خير برهان

    وقّف السيارة بشهر 6 او شهر 7 بعز الصيف وقفها من الساعه 10 الصبح لين الساعه 2 الظهر وسير اركبها بتحس عمرك يالس بفرن وهذا الكلام حق كل نوع من المخفي

    المخفي الاصلي العازل هو يخفف الحراره بنسبة بسيطة جداً عن المخفي التقليد
    وفيه عازل اشعّة فوق البنفسجية وتحت الحمراء

    انا جربت لمسات وتيتانيوم وماجيك تاتش

    وربعي مركبين في كول ومادري شوو وبعد تراه نفس الشي يدخل حراره بالصيف

    انا اللي يعجبني بالمخفي الاصلي انه واضح ونظيف والتركيب يكون شغل عدل وبس

Comments are closed.