السلام عليكم ورحمة الله وبركاته
طبعا قرب موعد العام الدراسي ومع بدايه كل عام اتم مضايجه وشالة هم العيال 
المهم لين قبل كمن يوم وانا مخليه اعيالي في نفس مدرستهم الا انه يا اعلان وحصلته في صندوق البريد عن مدرسة (( العمداء الدولية )) Deens international School وطبعا قريت انه لها فرع في دبي وشويه اطمنت
اتشجعت وايد مع انه فرق في الرسوم وايد ما بيين المدرستين القديمه واليديده بس قلت كله والا الدراسه وبعدين شفت عندهم منهج امريكي وطبعا الصغاريه في Grade 1 – Grade 2
ما اعرف شيء عن المدرسه الا من خلال محادثتي مع مدير المدرسه وهو لبناني وماشاء الله مثقف
بس طبعا اللي يعرف او سمع عن ها المدرسه بيفيدني اكثر !
وطبعا دايما اذا يحيرني موضوع احب اناقشه وياكم واللي يعرف اي شيء عن ها المدرسة يفيدني اكثر لو سمحتو
والله يوفقكم ويوفق اعيالكم ان شاء الله 
أحيج على الروح الرياضية ياعبلة كامل
وحياتج أحسن من جنقل أسكول مافي ……………….. حلاته يكون مشاغب عسبت أطرشه يضرب عيالج هههه خليني أعرس أول وآخذ هذيج الحرمه القشره عقب أفكر في تعليمهم .
ههههههه تصيحين على دمار مستقبلهم …… تراهم كيجي ون شو بيدمرهم …. بعده المستقبل جدااااام لاتحاتين …. شو يعلمونهم في هذي المرحلة غير اللعب في الطين ههه ذكريات حلوة
بخصوص الملغ لاتدفعين غير ماتتأكدين ….. طول الفتره ساكته واليوم فكرتي تسألين هههه دوااااج كليها
بس أعتقد في مدارس أحسن منهم
الله يخس سوالفك صدق كان مضايجني ها الموضوع من الصبح وراسي داير وضحكتني على ردك بخصوص الحكومه والخاصه لا طبعا انا غاسلة ايدي من المدارس الحكومية والسبب 60 ياهل في نفس ال class و Miss لين اخر السنه ما اتعرف اساميهم …وبعدين فوضى وعلى قولتك يطلع جنقلي وايدوخ وراء المدرسة من غير الحركات اللي يتعلمها من الطلاب الراسبيين والكبار يعني الواحد خاطلة شنب وهو في صف ثاني لا مافيني …
طبعا اهمال واضح في اللغه الانجليزيه ومواد ما منها فايده
المدارس الخاصه اتاسس وتهتم شوي وبعدين من غير عندهم نشاطات اطور الياهل ومخيلته يعني ما يطلع بليد
المشكلة اني سجلتهم والوالده الله يطول بعمرها يالسه البارحه ويا حريم وقالولها انه المدرسه فيها اهمال بخصوص اللغه العربيه
همممممممممممم بتخبل خلاص
ما خبرتكم العام في بدايه العام الدراسي يالسه في السياره واصيح هههههههه اخاف اكون ظلمتهم في اختيار المدرسه
بس ودي حد يفيدني بها المدرسه لاني دفعة رسوم التسجيل وهي غير مسترده واليوم المفروض ادفع 5000 درهم كدفعه اولى
اخاف اتورط !!
وعقبال ما يعورك راسك في اختيار الافضل لابناءك المشاغبين
بخصوص الدراسة …. ماعرف ولا أقدر أفيدج …. عليج بالمدارس الحكومية ((جنقل أسكول)) وببلااااااش …. على الأقل بيتخرجون ريايل ههه أما مال المدارس الخاصة كلهم مايعين ((هوبي المالي)) ….
بعدين المدارس الحكومية كشخه … تحسين أنهم طلاب … كل يوم عنده مشكلة ويا الأدارة وكل يوم مطرود ومره شارد ومره ماسكينه يدوخ ومره صابغ اليدار كاتب المدير بوكرشه … وعلى هذا الموال لين آخر السنه راسب وبأمتياز بإذن الله هههه
أن شاء الله بفيدونج الأعضاء … ولاتاخذين بكلامي تراني أسولف هههه عليج بالخاصة تراهم أحسن من الحكومة ..
والله يبارك لج في عيالج وينور طريجهم .. بس تابعيهم أول بأول مب تقولين صغار خلاص
سلملم
الله يخليكم حد يفيدني والله ترى راسي داير
Deans International School