قبل يومين وانا يالس على مائدة الافطار
واتريا متى أمام مسجدنا ياذن
عشان اقتحم واهجم على الاكل .
وانا ويالس اجلب بقنوات التلفزيون
قناة الشارجه .. شفت مدفع وشرطه وناس متمعين .
المدفع عشان رمضان .. والشرطه موجودين عشان المدفع 
بس الي واقفين من جميع الجنسيات 
وكل حد يايب عايلته الكريمه .
والكل يأشر على الكيمرا والي يباوس والي ياشر والي يركض وين ماتروح الكيمره !! والي شال الرضيع ورافعنه فوق !!
في واحد دوم اشوفه ويقهرني .. 
كله يسوي علامة النصر بيده ومبتسم ..يومياً هناك
طبعا انا ماعندي شغله واتريا الاذان قلت بحسبهم كم واحد واقف ..وقمت احسب ويا الكيمرا من شفت الكيمرا تبدا اصور من اول صف قمت احسب .. 1..2..3..4 لين ماوصلت عند العدد 22 .شفت واحد كنت حاسبنه قبل !!.. .. المهم طوفته ..وكملت الحساب .. 22..23..24.. وشوي واشوف الحبيب هو نفسه موجود بهالمكان بعد .. لعوزني الحبيب يركض وين ماتروح الكيمرا وهو وراها 
..
وبعد شوي شفت الشرطه شاله اكياس وتوزع عليهم عاد ماعرف شوفيها الاكياس .. عاد انا موتي وحياتي حد يهديني شي ولااا يعطيني شي ببلاش .. تبون الصدق مارقد افكر شو عاطينهم 
فقررت ان اليوم الثاني لازم اكون متواجد عند المدفع وبالفعل اليوم الثاني
كنت موجود هناك ..زحمة والحاله حاله ..!! وحاولت اني اجدم جدام عشان الكيمرا اصورني بعد . بس مارمت ..
مع المحاولات قدرت اوصل الصف الثاني ..
طبعا الاهل كلهم يالسين على مائدة الافطار وانا مخبرنهم شوفوني بالتلفزيون اليوم بطلع . عند المدفع 
.
وحليلها الوالده تتحراني ويا الشرطه مسوول ولااا انا الي بنقع المدفع
..
فقلت بخاطري والله حرام لازم اطلع شي جدام الوالده ..
فلفيت من ورى الناس ورحت صوب المدفع والكيمره اصور
واخوي متصل فيني يقولي ها شو الاخبار اليوم انته بتنقع المدفع ؟
. اقوله اهم شي انا واضح بالتلفزيون ؟
يقولي هي وكلنا يالسين نطالعك .. عاد انا سامت غتره وعقال .
.
قلتله الوالده اشوفني الحين يقولي هي ويالسه تتفداك وكبرت بعينها .
طبعا انا وصلت عند المدفع ماشوف الا اثنينه شلوني فوق واحد على اليمين واحد على اليسار اقولهم دخيلكم ترى الكيمرا اصور والوالده تطالعني . ماسوولي سالفه وفروني فنص الشارع .. الصراااااااحه فضيحه 
.
اتصلبي اخوي يقولي الوالده تقولك لو ييت االبيت بتلعن صيرك 
دخيلكم اليوم قبل الاذان بخمس دقايق افتحو قناة الشارجه وشوفو واطمشو
مسكين المدفع محد مسوله سالفه
انا عندي سوال هذيل مايفطرون ؟!!
ومحد يزعل علينا . حبينا نشخبط . مثل مايقولون (الفاضي بيعمل ئاضي) 
لا أنت تابع أواخر رمضان يمكن أروووح بس أنت أتطمش هع هع هع
بيني وبينك . انا ماتريا المدفع . من ياذن أمام مسيدنا كلت
افرض والله المدفع شي ياه وتأخر . ان شاء الله تباني اترياه لين مايصلحونه ههههههههههه
المهم لاتنسى السنه اليايه . سوى علامة النصر عشان نعرفك . هههههههه
الله يكون بعونهم . صدق الغربه مشكله
بس الفكره حلوه .. كيف اكتشفو هالشي ههههههههه
لاماعليك انا قبل الفطور بنص ساعه تحصلني يالس على السفره يعني فالبيت مب برع هههههههه
ههههههههههه لاياخوي عن تصدق .
سوالف . وكله تأليف
بس يضحكوني الي يكونون عند المدفع