تعيش مدينة العين و ضع اقتصادي صعب و خاصة العقارات و سوق مواد
النجزئة و السب باختصار ان غالبية الوافديين العامليين في مدينة
العين يسكنون في البريمي و يقدر عددهم من 15 الى 20 الف
لهذا اتمنا ان نجد حل لهذة الازمة خاصة ان الايجارات نزلت في
مدينة العين بنسبة كبيرة تصل الى 50% و غالبية البنايات و الشقق
خالية و المتضرر الاول و الاخير هو المواطن الذي استثمر جميع
مدخراتة على هذا العقار .
عمي السوق عرض وطلب
لو انا اليوم امتلك كمن بناية واشوف الناس اكثر شئ شو تحب ، ومن سياسة التجارة اني اكون انسان حذق وذكي
بشوف سبب اللي المستأجرين ليش ما يؤجرون من عندي طبعا زيادة الاسعار بسوي دعاية وبقول ارخص الايجارات عندي
شوو المانع لو انا كسبت مجموعة كبيرة من المستاجرين عن تظل شققي فاضية او اسكن مجموعة في شقة واحدة وفي
النهاية كل شئ يتدمر في الشقة
نزلوا الاسعار لان الناس يحبون الاسعار الرخيصة
لو مسموح السكن بالخيم لكنت لقيت الفلل والبنايات فاضية على هالازمة اللئيمة
خلونا نتكلم بصراحه وانا الحمدلله املك عقارات بس ما اذبح الناس والله يعلم فى عز ارتفاع الاجارات مارفعت على العالم ولا درهم لانى اخاف الله وبعدين نزل الاجار الناس بياجرون هذيل بشر مثلى ومثلك انا وانت نروح نشترى بضاعه ندور فى المحلات البضاعه الزينه وسعرها وكل واحد وامكانياته وكل مكان وسعره بس بل معقول مثلا على ذالك لى احد اصدقاء السعودين كان يشتغل فى دبى وراتبه تسع الاف وشويه ويقول بنسبه لهم هذا راتبى قوى تصدق انه كان بيرجع لسعوديه وبيشتغل بالفين او ثلاث قلتله انه مجنون قالى يا اخوى اجار ميتين الف وفوق كيف اعيش يقولى هذا المبلغ فى السعوديه اشترى ارض وابنى فيه على قد حالى ياخويه امثال وايده بصراحه احنا مبالغين فى كل شى واحد من الشباب شغال فى العقارات بانى فله فى البريمى بااثنين مليون نفس الفله بانها فى العين بخمسه مليون للعلم السمان الطابوق والحديد والاغراض اللى بنا فيها فى البريمى من العين المشكله عندنا لاحسيب ولا رقيب يرفعون الاسعار وينزلون على كيفهم التجار الله المستعان
اللي سمعته ان اللي بيمرون على الحدود يبون يسيرون عمان يدفعون مبلغ للعبور
بس مادري بصحة هالكلام
بس البريمي ارخص اجاراتها بوايد عن العين
العين تدفع فالسنه اكثر من 60 الف هذا اتعس الاحتمالات 60 الف والاغلبيه اللي اعرفهم مثلا يسوون صيانه لبيتهم يسيرون يستاجرون واحد منهم يدفع 80 الف على بيت عادي وصغير
ورواتب الوافدين مابتغطي اجار البيت اكيد بيلجاون للمكان الارخص واذا حصلوا ارخص فالعين بيسكنون
عن بوه الطمع