مذيعة برنامج سواح الـ ……….. !!

السلام عليكم ورحمة الله وبركاته ..

قبل شوي كنت اطالع برنامج سواح .. على قناة سما دبي ..

في البدايه لفت نظري البرنامج .. لنه برنامج سياحي يطوف في اهم

الاماكن السياحية .. وحلقة اليوم كانت اغلبها في دبي ..

بس الصراحه بعد دقايق من متابعتي للبرنامج لفت انتباهي ..

.. المذيعه ..

كانت تتكلم بلهجة اماراتية بحته .. عاد انا هني قلت في خاطري ..

ماقصرت سما دبي كل يوم تطلع لنا

مذيعه اماراتيه عاد احسن عن المذيعات الوافدات …

شوي انصدم بصدمه ثانيه .. (( عاد هالمره مب حلوةالصدمه ))

وهي طريقة حديث المذيعه وحركاتها الغريبة..

كانت المذيعه تتكلم بميوعه فظيييييييعه ومصطنعه ..

و في لقطه ثانيه اشوفها لابسه تنوره فوق الركبة ..

وكل شوي تمسك خصرها ..وتمشي شرات العارضات …

قلت في خاطري معقوله هذي اماراتية .. معقوله الناس الغرب

يوم يشوفونها يقولون هذيلا بنات الامارات !!!!!!!

.
.

ويلست اكمل متابعتي للبرنامج

واركز ع المناطق الي سارتلها .. لاحظت عندها جهل كبييييير في المناطق

مثلا سارت محل في جميرا يسوي خبز رقاق وعاد هي مستغربه وتقول الدكان متواضع وايد .. ترا دبي بالرغم انها تطورت بس مازالت محافظه على تراثها ..
والدليل هالدكان !!!

دكان هنود يسوون خبز رقاق وكرك .. >> اعتبرته تراث

جااااان تصدمني وتقول :

(( مشاهدينا اذا فكرتو تزورون دبي .. مابتلقون الا هالمحل يبيع خبز رقاق .. وتمت تدل على المنطقه .. ))

معقوله دبي كلها مافيها الا محل واحد يسوي رقاق !! ماشاء الله شكلها هي معدة البرنامج ..

.
.

خلاف دشت بيت الشيخ سعيد اللي الحين متحف ..دشت صوب الميلس

قلت (( اووووويه ميلسهم صغييير )) >> هذا اسلوب مذيعه ؟؟!! تعرف بالتراث ؟؟!!

.
.

عقب شوي سارت القرية العالمية … شافت المدخن الكبير ..هو منظر دوووم يحطونه عند ابواب محلات البخور ..

تمت تقول (( واااااااااااو اكثر شي عجبني فالقرية العالميه هالمدخن العود صدق تحفه امارتية ))

.
.

و بعدين سارت عند محل يبيع دخون وعطور (( حذال محل توته الحلوة ^_^ ))

قالت للريال (( هالعطور والبخور صناعه اماراتية ؟؟ ))

قالها هيه ..قالها صنع منزلي .. كأنها اول مره في حياتها تسمع هالشي ..

انصدمت قالت (( معقوووووووله )) وتمت تشم البخور .. ومستغربه انه شي

بخور اسمه فزاع ..

.
.

وسارت محل يبيعون عسل .. قالت للريال .. العسل له فوائد .. قالها العلم عند

الله .. راحت قالت (( اوووووووووووووووونه )) باستغراب ..

.
.

عاد انا هني شكيت قلت مستحيل هذي اماراتية ..

.
.

سبحان الله على طول جاوبت بنفسها على الي كان في بالي ..

جان تلقى عائله انجليز .. تمت ترمسهم .. وهم يقولون لها .. نحن من امريكا

مقيمين في الكويت .. قالت (( واااااااااااو انتو كويتين ))

وعاد ما صدقت الحرمه .. بدت ترطن بالانجليزي ..

جان تمد ايدها .. تقول (( i am rolla from lebanon ))

.
.

عاد انا هني .. يلست اضحك .. وفي نفس الوقت كانت فيني حره في قلبي ..

يعني برنامج يحكي تراث الامارات والاماكن السياحية فيها المفروض

يحطون مذيعه (( ماعندنا اعتراض تقدمه وافده )) ..

بس تلبس لباس محتشم .. عشان اذا صدقو الناس انها اماراتية

ياخذون فكره حلوة عن بنت الامارات انها محتشمه ورزينه في كلامها ..

ثانيا .. ييبون مذيعه عندها فكره بالتراث الاماراتي .. مب تنصدم يوم تعرف ان البخور صناعة منزل او العسل له فوائد ..؟!

.
.

البرنامج رائع .. لكن ينقصه مذيعه متمكنه …
ملمة بمناطق دبي وتراث دبي والامارات ككل ..

نتمنى من قناة سما دبي تدارك الامر !

.
.

حنا عرب زايد .. اذا تبغي العلم .. يا جاهل التاريخ اقرا حروفه

منقوووووووووووووووووول

وتحياتي للكاتبه اشهد انها بنت عرب