مرحبا شباب سوري اول شي لان الموضوع بيكون طويل بس لازم تقرونه عسبت تعم الفايده واللي يقرا الموضوع بعد ينشره بين اهله عسبت الخير يعم*
الموضوع يخص مصرف ابوظبي الاسلامي وطريقته للتمويل وطريقته السياسية لجذب العملاء وبرامجه الاسلاميه اللي الكل يبي يتجه لها عسبت مايدخل فالحرام والربا*
المهم واحد من الربع ماخذ تمويل 700 الف درهم وبفايده 7 بالمية يعني 49000 سنويا*
على 13 سنه وبتطلع عليه المرابحه 597258 درهم
ويدفع اقساط شهريه 8348 درهم ودافع لحد الان 15 شهر يعني 125220 درهم*
ويوم راح للبنك يبي يدفع السداد المبكر يتفاجا بانه يدفع مبلغ وقدره 840 الفد درهم وهو المبلغ اللي خذه من عندهم 700 االف درهم يعني 840 *ناقص 700 = 140 زايد 125 الف اللي دفعهم في 15 قسط بيطلع دافع فوايد للبنك 265الف *درهم فسنه وربع*
المصرف يحسب المرابحه بطريقة خاصه له والمركزي لا يحاسب ولا يراقب اللي هي 700 زايد 597258 =1300000 درهم*
بعدين ينقص اللي انت دفعته اللي هو 1300000 ناقص 125220 = 1174780 درهم*
بعدها المصرف ينقص من المبلغ المتبقي واللي قدره 1174780 – 700000مبلغ التمويل =474780 درهم*
ويقولك بناخذ من المبلغ 30 بالميه يعني =142434
واجمع 700 الف مع 142434 بيطلع 840000 درهم تقريبا
يعني *ربيعي اللي دفعه فسنه وربع راح للمرابحه 100 بالميه*
والمفروض المرابحه تنحسب بهذي الطريقة اللي وهي
القسط الشهري 8348 درهم ضرب 12 شهربيطلع الناتج 100176سنويا*
يتم تنقيص 49000 درهم للمرابحه اللي متفق عليها و 51176 لمبلغ التمويل
ويوم واجهة مدير فرع لمصرف ابوظبي وقتله عن الموضوع سكت وقالي بكلمك بالتلفون وخذ رقمي وما اتصل وقتله لو *الريال دفع لمدة اربع سنوات وياكم يبي يدفع سداد مبكر بتقوله ادفع 700 الف صح كلامي ول لا لان البنك ياخذ فوايده 100 بالميه ومارام يتكلم يوم قتله انابحط موضوع فالانترنت وفالجرايد انبه المواطنين من طريقة حسابكم للتمويل قالي لا مايحتاي وقالس ارجعله بعد كم يوم * *
ومارجعتله يعني المصرف اذا تبي تطلع من عنده او تسدد سداد مبكر ياخذ فوايد5 سنوات جدام
وين دور المصرف المركزي*
وحسبتها مع بنك ربوي 700 بفايده 11 بالميه بتطلع الفايده 77000 درهم والقسط 8348 درهم بيطلع مجموع الاقساط فسنه 100000 درهم تقريبا – 77000 الفوايد =23000 درهم بتروح للقرض
700000-23000 =677000 درهم
المبلغ المتبقي
واذا تبي تسدد القرض بعد مرور سنه تدفع 3 بالمينة من المبلغ المتبقي واللي هو20310 درهم*
المجموع 697310 درهم*
يعني البنك الربوي افضل من الاسلامي اللي مدعي *انه اسلامي
ما ادري ليش هذا الهجوم على البنوك الاسلامية
اولا : البنوك الاسلامية لديها مرابحات وليست فوائد
وهناك فرق بينهما
المرابحة : يبيع لك بضاعة ويأخذ ثمنها بأجل هذا الاجل تم تحديده مسبقا وتم الاتفاق بين الطرفين وتم تحديد بداية الدفع ونهايته.
ولا يحق لاي طرف اخلال بهذا العقد.
لا يستطيع البنك الاسلامي ان يزيد عليك درهم واحد على القرض اذا اجلت قسط او اكثر حتى ولو اجلت عشر سنوات.
بينما البنك الربوي يرتاح كلما اجلت القسط الشهري لا ويعطيك اغرءات اكثر
مثال:
اذا اشتريت من بنك اسلامي سيارة بمبلغ 100000 وكانت المرابحة 5% في الستة بسألك البنك كم سنه بتدفع 6 سنوات يعني 72 شهر معنى ذلك ارباح البنك في السنة 5000
ارباح البنك في 6 سنوات تكون 5000 × 6 = 30000
يعني البنك باع لك السيارة بـ 130000
يعني انك بتدفع كل شهر 130000 ÷ 72 = 1805.5
لنفترض انك دفعة لمدة سنة ونصف يعني 18 شهر تكون دفعة 32500 وباقي عليك 97500
تجي انت تقول للبنك انك تريد تنهي هذه المرابحة يقولك البنك ادفع 97500
السؤال هنا هل يحق للبنك انه يطالبك بهذا المبلغ ولا لازم ينقص
الجواب من حق البنك ان يطالبك بهذا المبلغ حسب اتفاقك معه ولا ينقص اي مبلغ لانك متفق ومتعاقد مع البنك على ذلك والمسلمون عند عقودهم .
السؤال اذا فراضا لسبب من الاسباب لم تدفع اقساط لمدة سنتين كم يكون عليك تدفع لهم هل 130000 ولا اكثر؟
الجواب تدفع لهم 130000 فقط ولا تزيد ولا درهم.
نجي للبنوك الربوية :
الينك يعطيك 100000 وتشتري سيارة
ولكن شو المقابل
اولا : يقولك البنك ياخذ 8% فوائد في السنه ( فوائد يكفي انها ربا )
معنى ذلك كل يوم تتأخر ياخذ عليك فوائد ( وهو يتمنى ذلك )
اذا جيت تدفع الي عليك يحسب كم الي عليك وتدفع له لان فوائدهم يومية.
السؤال اذا تأخرت في دفع اقساط لمدة سنتين كم يكون عليك ان تدفع ؟
تدفع فوائد القسط الي عليك وفوائد القسط الي ما دفعته ( ينعني ما بتخلص معاهم )
انا لا اعمل في البنك ولا هم يحزنون
ولكن احذ اخواني الي يقول كما في قوله تعالى :
” قَالُوا إِنَّمَا الْبَيْعُ مِثْلُ الرِّبَا “
” الَّذِينَ يَأْكُلُونَ الرِّبَا لا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا فَمَنْ جَاءَهُ مَوْعِظَةٌ مِنْ رَبِّهِ فَانتَهَى فَلَهُ مَا سَلَفَ وَأَمْرُهُ إِلَى اللَّهِ وَمَنْ عَادَ فَأُوْلَئِكَ أَصْحَابُ النَّارِ هُمْ فِيهَا خَالِدُونَ “
والله يا ريت حد يشتكي عليهم
انا قصتي وياهم نفس الشي
يتيني مكرمه مساعدة سداد مديونية من بوخالد الله يطول في عمره
ب 70 الف ويوم راجعت المصرف قالوا لي فوايد ال70 ما تسقط ولازم اسدد المبلغ كامل واللي كان 115 الف
فاخذت مبلغ من عند الوالدة ربي يحفظها وسددت وما ردوا لي الا 8 الاف درهم
والمفروض بردون 30 الف عشان السداد المبكر
وربيعتي حليلها ابوهم توفى في حادث فظيع وهم البنات اكبر والشباب اخوانها دون 18 سنه ومن الصدمه والفاجعه ماقدموا شهادة الوفاة الا بعد مرور شهر من الحادث ويوم قدموها قالوا لهم ماتسقط المديونية عن ابوهم لانهم تاخروا في تقديم شهادة الوفاة علما انه المديونية تسقط في البنوك الاسلاميه في حالة وفاة العميل
الله يفكنا من المصرف بس عاجلا غير أجل
والله مدري هل أعجب من طرق البنوك الأسلامية..
ولا..
من كلامك يا اخي العزيز بتأكيدك بأن البنوك الربويه أفضل من البنوك الأسلامية !!
يوم واجهة مدير فرعةمصرف ابوظبي وقتله بفضح المصرف فالجرايد وفالاعلام عسب المواطنين يتحذروا من سياستكم اللي محد مراقبنكم عليها وتم يغير الساالفه ويقول افهم الموضوع وبعدين سو اللي تبيه قتله خلاص مايحتاي اللعبه فاهمنها صح ومابنسكت ولازم كل عميل او موظف يعرفكم عدل*
بس ابي اوصلاها للجرايد كيف طريقة المصرفي حسب مرابحاته بس ماعندي حد يوصلها اذا في حد منكم اعلامي او يعرف اعلامي يوصله المعلومهةوينشرها فالجرايـد
مشكور اخوي قدمة الشكوى