السلام عليكم ورحمة الله وبركاته

انا مب عارف من وين ابدأ كلامي لشدة حزني على صديق لي عالعموم هو حامل لفيروس الايدز هو واخته وبعض من عائلته بسبب نقل دم ملوث فالخارج كانو مسوين حادث. هم اصلا فيهم انيميا فتم نقل لهم دم ملوث. عالعموم الريال يبا يتزوج واخته كذلك تريد تتزوج .لي يعرف حد مصاب بنقص المناعة ويبا يتزوج سواءا بنت او ولد الرجاء ارسال ئيميلكم عالخاص حقي. والسموحه عالاطاله .الله يشفي جميع المسلمين يارب ويصلح حالهم

39 thoughts on “مرضى الايدز”

  1. اخي الكريم مشكور على الجهد الطيب…بالنسبه لهذا المرض تراه موجود سواء المصابين به مواطنين او وافدين واذا كانت النسبه تقارب ال6 الاف تراهم موجودين في مجتمعنا…ورغم التحذيرات المستمره في الاعلام بس الله يهدي شبابنا اللي البعض منهم يسببون مب بس على عمارهم لا بل على اسرهم بعد لان البعض ما يعرف انه فيه او ما مخبر مثلا زوجته وبالتالي ينقله لزوجته وابناءه وفي حالات سمعنا عنها وايد…فمن هذا المنتدى اود انصح كل شاب ان يتقي الله في نفسه اولا ويبتعد عن المحرمات وما تجره من ويلات وخسائر هو في غنى عنها..طبعا في مرضى انتقلهم عن طريق نقل دم او من ابره ملوثه … بالنسبه لصديقك واهله اللي يشفيهم ان شاء الله.. بالنسبه للزواج هذا قرار مصيري وبعد الانجاب مساله مهمه فمثل ما اتفضل احد الاعضاء ان استشاره الطبيب الثقه اللي عنده خبره امر مهم اللي هو طبيب الامراض المعديه لانه عنده عادة خبره في هذه الامور…

  2. لا إله الا الله … محمداً رسول الله .

    الله يشفيهم اجمعين وأشكر اخي دادي على المشاركة الرائعة .

  4. اخوي فيافي المستشفى ما بتشتغل خطابه ولا بيعطونك اسامي الناس وارقامهم هذي اشياء سريه

    وهم وايد حاولو ماطاعو يعطونهم ارقام المرظى وبعدين من حقهم اصلا هاي اشياء سرية تخص المرظى ما بيفظحوهم وبيعطونهم اسامي وارقام المرظى. وهالشي احسن انه المستشفى ما تعطي اسامي المرظى وجيه. الحمدلله ان الدوله جي مسوين لان نحن الناس هنيه بعدهم على بالهم اي مريظ ايدز يعني اكيد غلط فحياته ما يفكرون انه يمكن انتقله من نقل دم او وسائل اخرى. وياكم انسان غلط فحياته والله عطاه اكثر من فرصه وحفظه وستر عليه وبعده ماتاب الى الله بس وين لي يقدر كرم رب العالمين.عالعموم هب كل المرظى معزولين هالمعزولين انا ماعرف ليش عازلينهم ولا اعرف عنهم شي لي اعرفهم انا هم لي عايشين عادي ومنهم يدرس وشي منهم على رئس عمله يداوم ويروح الشغل وئيي بيتهم عادي. والله يشفيهم ويشفي كل مسلم يارب
    واشكر ام غلا على حبها لعيال بلادها وخوفها عليهم ونصيحتها لهم عالعموم يوم اختلفت معاج على مسئلةمواطن وجيه الحالات بين المواطنين 787 واعتقد الي توفى منهم مئتين او امية وخمسين والحالات اللي اكتشفوها بين الوافدين خمس الاف حاله ويمكن اكثر . يعني فرق كبير بين عدد المواطنين المرظى والوافدين عالعموم انا مب عارف الاحصائيه بالظبط كم عددهم لاكن نحن الامارات يقولون تعتبر من الدول الاقل فالعالم بنسبة مرظى الايدز اقل من غيرنا بوايد والله يهدي الشباب يارب

    عالعموم هم عيال بلادي ولازم اوقف معاهم في محنتهم. صح الدوله توفرلهم الدوا ببلاش رغم انه غالي
    بس انا وعدتهم لو لقيت حد مريظ يبا يتزوج بخبرهم والحمدلله قبل فترة قدرنا نزوج واحد منهم والحمدلله
    ونا والله اني جاد فالموظوع.المشكله نحن هب نفس السعوديه المرظى متواصلين ويا بعظ وجيه
    للاسف يمكن المتواصلين ويا بعظ ويعرفون بعظ قله قليله جدا يعني انا الحين عندي قروب مكون من عشرين مريظ ومريظه فقط لا اكثر ونتواصل فالماسنجر ولو حد جاد فالزواج نخليه يكلم الدكاتره يروحون عند الدكاتره ويخبرونهم كيف لو بيتزوجون وشو اجراءات المحكمه وجيه والحمدلله يقدرون ينجبون اطفال سليمين خالين من مرظ الايدز .

Comments are closed.