السلام عليكم

يا ناس عنبو الواحد في بلادة ما يروم يحصل سكن؟؟؟؟ وين نروح؟؟؟؟؟؟؟؟؟؟

وطالعين طلعه يديده الحين.. ما نبا نأجر لمواطنين؟؟؟؟؟؟؟؟؟؟؟؟؟؟؟ ليش ؟؟؟ وانتي شو يالمؤجر!!!!!!

لا حول ولا قوة الا بالله..

صدق حسبي الله ونعم الوكيل..

على العموم..

ارجع اعرض طلبي .. بغيت فله للايجار..

في المناطق التاليه:

مردف
مزهر
الخوانيج
الورقاء 1 فقط
محيصنه اللي قريبه من المدرسة الحديثة فقط
ند الحمر..

واذا في الممزر بعد ما عندي مشكلة

5 غرف وطالع
نظيفة
ملحق خارجي اهم شي .. بمطبخ… وغرفة غسيل

ويزاه الله خير الله بييبلي طلبي…

6 thoughts on “مره اخرى… مطلوب وعاجل فله للايجار في دبي”

  1. أختي افضل طريقه

    حطي اعلان فجريدة الخليج ليومين بطلبك وانا واثق انك بتحصلين .

    الجريده اشمل وتصل للمكاتب والبيوت والملاك ايضا

    وان شاءلله تحصلين طلبك باقرب وقت

  2. السلام عليكم

    اشكرك اخوي.. وانا معاك في ناس جيه.. بس هذا مب معناته انه الكل جيه!!!!!!

    وحتى الاجانب..ترى فيهم الشين وفيهم الزين..
    وانت عاد تعرف كيف تميز بين الزين والشين..

    على العموم .. مابا اطلع عن الموضوع الاساسي..

    لي عنده بيت يا ريت يفيد..

    ويزاكم الله خير

  3. السلام عليكم.. عندي تعليق بسيط.. وأقوله على ألاغلبيه وليس الجميع

    أنا كمالك وعن خبره أقولج للأسف المواطنين اللي أجرت لهم بيوتي كلهم عندي مشاكل وياهم في محكمة اللجنه العقاريه بالبلديه.واحد مخلص ايجاره بيكمل سنه ولا يبا يدفع ولا يبا يطلع.وفوق كل هذا ما يتواصل ولا يحضر جلسات المحكمه

    والثاني مخالف البلديه ويتصرف بالفيلا بدون علم المالك.

    والثالث يكسر ويخرب محتويات الفيلا ولا يتحمل مسؤليتها ورافض ادخال الزبائن اللي حابين يشترون الفيلا من المالك حتى بعد اخطار مسبق.عكس الأجنبي متعود أكثر عالأيجار ويلتزم أكثر.و الشركه أو الجهه اللي موظفتنه تتحمل كل شي ويلتزمون أكثر بالدفع.

    فاعذروا الناس اللي تفضل الأجانب على المواطنين.

    والله المعين و الموفق وانشاءالله تحصلون مرادكم

Comments are closed.