فحبيت – من بعد إذن المشرفين – إني أطرحه في هالقسم وبعد ما ياخذ حقه من التفاعل والمشاركه ننقله لقسم الأسره حتى الكل يستقيد لأنه بصراحه اعتقد انه واحده من المواضيع اللي ننواجهها في حياتنا اليوميه..
يا جماعه أنا حبيت أطرح هالموضوع لأنه بصراحه وايد منتشر في هالزمن عند بعض الناس من حولي ويمكن من حولكم أيضاً
وهو.. مزاجية الرجل 
يعني في وايد رجال بسبب ضغوطات ومشاكل الحياة يصبحوا مزاجيين وطبعهم حاد، ومرات يجرحون بالكلام ومرات تطلع منهم تصرفات فعلا تحسس الطرف الثاني (الزوجات) انه ماعاد يحبها أو انه يدور مشكله حتى تكون السبب في انفصالهم
ياريت نتفاعل بهالموضوع ونحاول انه نلاقي حل أو اسباب المشكله لأني وايد اسمع عن انفصال الأزواج بسبب هالمشكله واكيد تاليها الندم لأنه الزوج بقول ماكان يقصد والزوجه تقول طفح الكيل وينتهي فيهم الوضع بكلمة “ياريت” لأنهم يحبون بعضهم..لكن “ياريت” المزاجيه ما دخلت بينهم وفرقتهم عن بعض..
الموضوع له اكثر من وجه ولكن له نفس السبب.. المزاااااااااااجيه
كل ما تسأله سؤال عن السبب سواء ليش يعاملها جي أو ليش رفض أو ليش و ليش وليش..ما عنده غيييييير جواب وااااااااااحد:
كيفيييييييي …. مزاااااجيييييي … إنتي ما تفهميييييييييين اففففففف 
مع العلم انه الزوجه مسكينه مو مقصره وياه وصابره..بس شو الحل؟
يلا يا شباب شاركونا..ترى الشباب يفهمون أطباع بعضهم
شو السبب؟ وليش المزاجيه تأثر فيكم وتقلبكم 180 درجه؟ شو الحل؟ شو أنسب طريقه للتفاهم تقدر تتبعها الزوجه؟ أحسن ما تبقى كاتمه في قلبها وتتفادى تتقرب منه لأنه اذا تكلمت بحرف..ياويلي..بينفجر فيها..ترى والله مو سهله عليها تكون مصدومه وتقول مو هذا الإنسان اللي أنا تزوجته واللي يحبني واللي كان ينضرب فينا المثل بالتفاهم والانسجام والحب والرومانسيه.. وفجأه تلاقي نفسها صارت جاريه بعد ماكانت “الملكه” في حياته…يا ترى هالشي أزمه أو موجه أو مثل ما بقولون غيمه سوداء وتروح؟ هل تستاهل انه الزوجه تصبر عليه على أمل أنه كل شي يرجع طبيعي؟ ولاّ انه فعلا تغير وأصبح انسان ثاني لا يطاااااق وصعب التفاهم معاه
على الهامش..ترا كثرة المشاكل هذي والله تخليني أخاف من الزواج خصوصا واني مخطوبه والحمد لله انا وخطيبي سمنه على عسل ومتفاهمين، معقول كل هالشي يروح بسبب المزاجيه؟؟؟؟؟؟؟؟!!!
بس هذا ما يمنع اني استفيد من تجارب غيري
السموحه على الإطاله وأتمنى ألاقي التفاعل بهالموضوع من الجميع لأنه احنا مسلمين ونساعد بعضنا على فعل الخير ونشر التوعيه
وبارك الله فيكم وجزاكم كل خير
والسموحه منكم يا المشرفين 
أختي (سلبت الروح) تسلمين على مرورك
بس المشكله انه هالحاله لما تصيب الرياييل تستمر معهم فتره طويله لحد ما يزول المسبب لهذه المزاجيه وحتى الكلمه الحلوه ما تنفع ما تلاقينهم غير ينفجرون بالغضب ويقولون يلاّ عن هالكلام..فكينا..ترا مالي مزاج…الخ
والمسكينه مالها غير الصبر
دوام الحال من المحال .. والانسان سواء ذكر او انثى قابل للتغير مع الوقت
لكن بالنسبه للازواج انصح الطرفين بالتمسك بشعرة معاويه .. والتي يقول فيها لو كان بيني وبين الناس شعره لتمسكت بها فان شدو رخيت وان رخوا شددت
وعلى الزوجه ان تعرف مداخل الزوج .. وللزوجين ان يتمثلا قول النبي صلى الله عليه وسلم
” لا يَفْرَكْ مُؤْمِنٌ مؤمنه إن كَرِه منها خلقاً رضي منها آخر “
تسلم أخوي على مرورك بالفعل الموضوع مهم وبصراحه حصلت مع أزواج من حولي وهالشي سبب لي عقده نفسيه .. إنه معقول بلحظه أو أيام كل شي يتغير؟ مثل ما يقولون .. زمن أول تحوّل !!
والله حرام .. والله يعينا على مواجهة ضغوظات الحياة النفسيه بكل أشكالها من غير ما نجرح أحد
هو يعتمد عالريال
وكيفية التعامل وياهم
ساعات يطلعون الحرمه عن طورها … >> شراتي
ولكن بلكلمه الطيبه تكسبينه
وطبعا لو الريال مزاجي
الريال مثل المويه
كلمه توديه وكلمه تيبه
وطبعا مب كل ريال
خخخخخخخ يعني شيبتيه لا كلمه توديه ولا تيبه … اوامر عسكريه
اهم شي عندي يوم يكون مزاجه متعكر اسكت عنه لمده
وبعدين اتكلم ^^
موضووع مميز ومهم وان شاء الله الاخوان الي عندهم خبرة في هالموضوع بيتجاوبون وبيشاركون فيه وبأذن الله تلقون حلول او بالاحرى طرق لتفادي المشاكل وعدم حدوثها
والسموووحة