مزينة سيارتها حق يوم الاتحاد

56 thoughts on “مزينة سيارتها حق يوم الاتحاد”

1. عيب ومنقود

2. صراحه فالمسيره كل البنات
   اللي مزينات سياييرهم اشووف الشباب
   ملتمين عليهم وهم عاد مايقصرون مع الشباب
   يرشونهم بخاخات وهسوالف اخرتها رقمها وروح
   بس لو البنت مب مزينه سيارتها ورافعه الجامات
   ماظن حد يقرب صوبها يعني اعتقد هالشي يلفت
   نظررر على البنت ويحطها فموقف محرج وتلفت نظر
   الشباب …… كفو على اخوها صراحه كفا ووفا

   يسلمو عالموضوع المميز

3. اول شي نقول استغفر الله العظيم وحسبي الله على الخياس اللي مشوهين سمعة الامارات بتصرفات مشينة وحركات مخزية من كلا الجنسين ..

   والله شي مخزي نشوف بنات شابات على سقف السيارة ورافعات علم الامارات !! هذيل لا اماراتيات ولا الدولة تتشرف بهن ولا بأهاليهم ..

   الحين نرجع لموضوعنا ،، تزين السيارة والخروج بها في شوارع الدولة ،، صراحة انا اشوف انها هي الوطنية ولا كيف الاجانب اللي تارسين البلاد بيعرفون حبنا للدولة ؟؟

   طبعا شكر كبير لشرطة ابوظبي ماقصرت في خلال هاليومين ،، تنظيم مرتب في كل الشوارع ..

   الكل راح المسيرة وشاف كل شي .. الاخت اللي طالبة رأينا تشوف هي من اي فئة من الفئات اللي شفناها:

   فئة بنات مزينات سياراتهن ورافعات الجامات ولا هورن ولا تتحرش بحد ،، شو المشكلة لو كنتي مثلهن ؟

   فئة بنات طالعات مع اهاليهن ،، اخوانهن وآباءهن ،، حتى لو نزلت الجامة ماحد بيتحرش فيها ..

   فئة بنات مزينات سياراتهن وفاتحات الجامات اشوي عشان الجو الحلو ،، طيب مش مشكلة بس لمن يمر من جنبك سيارة شباب ممكن يشوفونج سكري الجامة وخلاص ..

   فئة بنات مزينات السيارة وفاتحات الجامة عشان يتونسون ،، الاغاني ع الصوت العالي ،، لا وماسكات بخاخ صابون ويرشون ع الناس !!! ممكن حد يفسر هالشي !!!!!!! هذيل نتبرأ منهن والدولة متبرأ منهن ..

   شي ثاني شو دخل حلال وحرام في الموضوع ؟؟!! الرسول – صلى الله عليه وسلم – حدد لنا عيدين وهما الاضحى والفطر ،، طيب لكن الاحتفالات اللي تستوي هي تعبير عن انجاز عالمي وهو اتحاد سبعة دول صغيرة وشو صار بعد اندماجهم في دولة واحدة ،، مب هذا تفسير قول الله تعالى ( واعتصموا بحبل الله جميعا ولا تفرقوا )

   نحن كمواطنين في كافة ارجاء الدولة لازم نظهر فرحتنا بهذه المناسبة بأي شكل من الاشكال ،، وتزيين السيارة شي مهم وواضح لكل من يشاهد ،، لاتقول حب الوطن داخل قلبك !!! هذا شي مفروغ منه اصلا ..

   تعرفون ان المواطنين في الدولة مايشكلون الا ربع او اقل من سكان الدولة !! اذا كل واحد احتفظ بحبه داخل قلبه وما اظهر شي بنضييييع ..

   والله شي جميل نشوف كل الناس حاطين اعلام على السيارات وتزيين كامل ،، خلي الاجانب يعرفون فرحتنا بيوم كهذا ،، صار العالم يحلم بإتحاد مثله .. ما هي الا بتوفيق من الله ثم من رؤية سيدي صاحب السمو الشيخ زايد الله يرحمه وأخوانه حكام الامارات الذين عملوا بقول الله تعالى ( واعتصموا بحبل الله جميعا ولا تفرقوا )

   الحمد لله على هذه النعمة ونجدد ولاءنا لأصحاب السمو حكام الامارات على ان نظل مخلصين لهذه الدولة الى ان ندفن في ارضها الطيبة ..

   ارجع اقول ان تزين السيارة واجب وطني ،، اما التخميس والرقص اللي تستوي من اشوية ناس ناقصين عقل لازم ما نعممها على الجميع ..

   وكل عام ودولتي الامارات الحبيبة وحكامها وشعبها في رخاء ونعمة يارب ..

4. الوطنية مب بالاعلام والاستيكرات
   الوطنية قول وفعل

   قبل ساعه كنت ساير لميناء بوظبي ماخذ طريق الكورنيش وصراحه إنذهلت من المنظر اللي شفته.

   كل 5 أمتار آثار التواير واضحه على الشارع بشكل فظيع جدا -تذكرت على طول حادث الضباب على طريق دبي – كله بسبت المسيره البارحه ,سبحان الله.

5. هذا رأيي ولا تزعلون …

   الشباب والبنات في المسيرة هاليومين إلي شفتهم ما يمثلون المسيرة بشي

   لأني شفت بعيني الحركات إلي تستوي من الإثنين سخافه هذي موب مسيره

   شباب يتمشون ويفتحون باب السياره ويرشون هالرش على البنات

   وبنات يطلعون روسهم من فتحة السياره ويترقصن والعلم في ايديهن …

   شو هالوطنية ما شاء الله … أي انتماء للإمارات هذا ؟؟ وأي احتفال هذا ؟؟؟

   الصراحه إلي شفته مصخره في مصخره ومستحيل أروح مسيره مره ثانيه ..

   ولا أبغي أفرح وأستانس إذا كانت هذي مسيرتنا ..بس أناا نيتي أفرح وأستانس

   بس اضايجت وندمت ندم كبير على إلي شفته .. مسيرة دبي قبل البارحه

   ومسيرة الشارجه البارحه ،،، والله إن الي كانو موجودين مايستحون …

   لا غيره .. لا انتماء .. لا وطنية .. لا رقي .. ولا شي ..

   بس بعد أنا ما عم على الي كانو موجودين .. بس أخص وأخص الفئة إلي كانت موجوده

   والبارحه أبغي أطلع من هالمسيره إلي كانت على البحيره .. يوم شفت هالمناظر بعد

   في الشارجه .. على طول غيرنا دربنا وبغينا نطلع من هالأجواء بس وين نطلع .. ؟

   وين المخرج … ؟ ما شي .. الشوارع كلها زحمة ومسكرينها وما يتحرك الشارع .. وشرطة الشارجه البارحه

   كانو تعبانين .. أبداً ما شي تنظيم .. ودوريتين يمكن شفتهم بس .. وأتصل أقولهم
   طرشو دوريات

   يقول والله الحين بنطرش دورية لأن في ضرابه و ومطرشين سيارة اسعاف بعد ..

   قلت مطرش دورية وحده بس وفيها شرطيين .. قلت وين تبا إنت … هالزحمه كلها

   يبالها شرطة بكبرها … ..

   السموحه والسموحه .. وأنا ما عم على الكل لأن في ناس رايحه تستانس موب تشوف

   هالمهزله .. بس شو ذنبهم .. ؟؟

   هاذيلا ما يمثلون الشعب الاماراتي يمثلون اهاليهم وتربيتهم واخويه اليوم خبرني عن اللي صار في المسيرة البارحة مع انه ماكان وياهم بس مخبرينه الشباب عن المسخره والبنات اللي يرقصن
   انا اشوف لو كل واحد شاف وحدة ترقص يكفخها بعصا عليه علم اونه يلوح بالعلم وانه ما يدري والا ها سوا يسووونها غربلهن الله يوم بيشوفون الشباب يضحكون وياهن ومستانسين اكيد بيعيبهن وبيزيدونها
   هاذيلا مافيهن ادب وخسارة التربية فيهن ومساكين اهاليهن جان مب رايمين عليهن

Comments are closed.