وحدة من الأخوات طلبت مني أحط هذا الموضوع تبا تعرف ردودكم ..
سايرة تزين سيارتها عشان عيد الاتحاد و اخوها هزبها ع أساس انه عيب البنت تزين سيارتها !
تبا تعرف كيف نظرة الناس للبنت اللي تزين سيارتها في مناسبة وطنية مثل هاذي المناسبة.
عن نفسي اشوفها لفت نظر ومب شي ..!
بعد التمحيص والتفحيص بحكم الاحتفال به تاكدت الآن بحرمانيته وانه بدعة فبحثت كثيراً عن جوازه ولم اجد
ولكن هذا يدعونا للاستغراب والتساؤل
غالبية الدول العربية الاسلامية ان لم يكن الكل تحتفل به
وتضع يوم اجازة رسمية
وتتزين الشوارع والمنشآت احتفالاً به وتقام الاحتفالات فعلياً في الحدائق والاماكن العامة من اهازيج ورقص ويولات وأكلات شعبية بالاضافة الى الالعاب النارية .
فقد يختلط بنا الامر في جواز الاحتفال بغية تعزيز الروح الوطنية كمناسبة لاتحاد الامارات السبع وما يتبعها من تاريخ وانجازات تتعلق بهذه المناسبة … وحرمانيته باعتباره بدعة وتقليداً للغرب ؟
فقط اتساءل ………. حرام ولا حلال ؟
أنا عن نفسي أشوف ما له داعي تزيين السيارات
للبنات ويروحن المسيرة….
أنا ما أرضها على نفسي…
ولا أوافق على هالشي…
ياخي والله اشوفه شي هب حلو حق البنت ازين سيارتها وعلى فكره اكثرهم مستغلين هالاحتفالات عشان يحط على سيارته صور من كل صوب يعني مثل العاكس ويسوي الفضايح فيها
والا اكثرهم ماعندهم اي وطنيه بس كلام
ينتظرون هالمناسبه عشان التفحيط والمغازله والبنات نبسه منهن يتريون هاليوم عشان يطلعون برع البيت كل وحده تقول حق هلها بنسير المسيره او الحديقه والله يعلم وين تروح حدث ولاحرج وايد سمعناا
فانا ويا الاخ الي منع اخته بصراحه ريال يغار على حرمة بيته وعرضه
الحين شو بيستفيد لو سمح لخواته يطلعون ولاسمح الله استوى لهن شي يعني تعرضوا للتحرش او اغتصاب لاسمح الله او صار لهن موقف محرج شو بيكون ردة فعله لو درت الناس ان البيت الفلاني بنتهم صار لها كذا وكذا ؟؟
بيكون عار بصراحه على هل البيت
ومانبى التفكير الي يقول متحرر خلووه حقكم نحن وعندنا عاداتنا وتقاليدناا والبنت هي شرف عائلتهاا
ولازم الاهتمام بها يكون اكبر من غيرهاا
حتى الزينة للشباب هوب شي ،، ممكن تحط اعلام فقط بدون اضافة اي شي ثاني ممكن بس هذه الخرابيط هوب حلوة والمستفيد الأول ولأخير محلات الزينة .
منقوووود….