السلام عليكم يا اخوان
بغيت استفسر بخصوص التمويل في بنك ابوظبي التجاري يقولون ادفع 6000 درهم . 1000 ياخذونها عموله وال 5000 يصيرن 25000 درهم يعني تقدر تكتتب في اسهم الابار, بس سوالي هو نحن نعرف ان في رسوم اصدار وهو 500 اوكى…بس من يدفعهن البنك ولا يوم يرجعون المبلغ المتبقي يخذونها بعدين؟
لان كثير من الناس فتحو حسابات جديده في البنك وحطو فيها 6000 درهم فقط, هل يعني ان طلبهم سوف يلتغي لانهم ما حطو 6500 درهم؟ اريد اعرف ضروري يا اخواني الكرام وبالسرع وقت

5 thoughts on “مساعدة بخصوص التمويل”

  1. قال صلى الله عليه وسلم ” درهم ربا يأكله الرجل وهو يعلم ، أشد عند الله من ستة وثلاثين زنية ” [أخرجه أحمد في مسنده والطبراني في الكبير عن عبد الله بن حنظلة وصححه الشيخ الألباني ـ رحمه الله ـ في صحيح الجامع (3375) ]

  2. النصيحة واجبة ….البنك ربوي
    الرجاء الابتعاد عن المال الحرام…………… اللهم أغنني بحلالك عن حرامك

  3. alqassab مشكور يا اخوي علي هالرد الي اعتبره اهتمام منك لنك قمت وتعنات واتصلت فيهم وجزاك الف خير بس طال عمرك ما سئلته ليش هالخرده 375 لانهم ما قالولي كذا يوم كنت اكتتب عندهم…صدقني يا اخي العزيز كل موظف يقول كلام غير عن الثاني والله ما عرفنا وين الصح وانا اريد اعرف الخبر اليقين وخاصتا من الناس المجربين…المهم انتا ما قصرت وجزاك الله خير

  5. أخوي الطيب أنا الحين أتصلت بموظف في بنك أبوظبي التجاري وهو مسؤول عن عمليات التمويل لسهم آبار وقال إنك تفتح حساب وتحط فيه 6375 درهم والباقي عليهم يعني الـ500 مال رسوم الإصدار عليهم بعد، كله من ضمن 6375 بيروح منها 1000 عمولة البنك وبيبقى 5375 يضربونها بخمسة وبشترولك الأسهم .

    مثل ما وضح لي الموظف
    إذا حاب تتأكد أتصل باجر الصبح بالبنك
    072332552 (( ظهور))

Comments are closed.