السلام عليكم ورحمة الله وبركاته

اولا احب اسلم على الجميع واقولهم صراحة والله يشهد بدون مجاملة الموقع اكثر من رائع والاعضاء اللي فيه ما شاء الله كلهم ذووق واحترام وهذا الشي شدني في إني انضم له وفوق ضغوطاتي في الحياة من مسؤولية بيتي ودوامي اسوي المستحيل عشان اتصفحه ولو خمس دقايق وذلك لقوة المواضيع اللي تشد انتباهي من الاعضاء فالله يوفق الادارة والاعضاء ويحفظكم اسرة واحدة في المنتدى…

كاني عبالي اني على الهواء مباشرة

اخوااااني واخواااتي رجاءا ثم رجاءا ثم رجاءا طلبتكم ولا تردوني بغيت مساعدة الله يعز مقداركم يا رب
الحكاية وما فيها انه يوم زواجي قرب وزوجي العزيز بيرجع قبل يومنا بيومين من السفر فطبعا اختكم مبتلشه وتفكر شنو اتييب وخصوصا انه الميزانية عندي DOWN بسبب بناءنا لمنزلنا الجديد فحبيت اتشيطر هالمرة وقلت ليش ما احاول اسحب الكلام من زوجي واعرف اهو شنو خاطره ,,,,,,,,(اوني داقه على صدري) فقمت كل دقيقة اطري شي له واهو ما يبدي اهتمام فيه على اساس انه ربيعتي تبي اتييب هدية لريلها وكانت الطامةلما قالي انا في ساعة عاجبتني ومحطي في بالي لما ارجع بالسلامة اشتريها فبطرشلج صورتها واقترحي عليها… طبعا في البداية تحمست والدنيا كانت مش سعيانيولكن لما عرفت سعرها صراحة اهو مش واايد لو كان ما عندي التزامات لكن عندي التزامات كثيرة وفوق كل هذا انا حاجزة رحلة على اليخت وهذا بروحه كلفني اهئ اهئ اهئ وقلت باخذ هدية تكميلية مع هدية رحلة اليخت لكن مثل ما قلتلكم دقيت على صدري واتفلسفت والحين دامني عرفت باللي بخاطره ما بقدر الا اييبه له لانه للامانه ولا مرة قالي ابي هالشي ولما يت الفرصة كانت صفعةوحسيت منه انه واايد عاجبته فتخيلت لما يشوفني يبتها له وااايد بيفرح وماراح يتوقع
مو كاني قاعدة اكتب سيرتي الذاتية هذه مو مساعدة طالبتها احم احم

اعتقد انكم يا اخواني وخواتي عرفتو طلبي اللي اتمنى ما تطنشوني فيه

فرجاءا حد يقدر يوفرلي هذه الساعة بسعر افضل لاني حسب معلوماتي اهي سعرها 5000 وشويه وما عندي مانع تكون مستعملة بس نظيفة الله يرضى عليكم واذا حد عنده خصم عليها فلا يستخسره فيني….واثقة من نفسي

وشكرا لكم ولمتابعتي ههههههه وعشمي فيكم كبير وانكم ما راح تردوني ورجاءا يوم زواجي بعد اسبوعين فالله يخليكم تساعدوني فاقرب فرصة والله يحفظكم ويوفقكم يا رب واللي بيساعدني او حتى تمنالي اني اتوفق فطلبي والله ماراح انساه بصالح الدعاء والحمدلله انا انسانة اقوم ليلي وماراح انساه فقيامي والله يشهد على ما اقوول

وهذه صورة الساعة من ماركة لمبرجيني وان شاء الله تطلع الصورة والسلام عليكم

9 thoughts on “مساعدة عاجلة ومضحكة لا تردوني الله يحفظكم”

  1. الله يهدين أختي الكريمة , الميزانية داااون وتفكرين بهدية قيمتها 5000 ,؟!

    فيه ساعات معروضة في المنتدى قيمتها توصل 500 درهم ومن أحلى الساعات وماركات بعد .

    على العموم الخيار لج في البداية والنهاية , ويوم زواج مبارك مقدما .

    هلا الغالية ومشكووورا جدا على ردج والله يهدي الجميع يا رب وصراحة عزيزتي والله لو انه ما قالي انه يبي يشتريها كا ما فكرت فيها بس القهر اني من زمان انطر فرصة مثل هذه انه يبي شي واييبه له انا …بس للاسف الاشياء اللي اهو يختارها واعرف انه يبيها ما اقدر اوفرها له طبعا قولي لييييش لانه ريلي مدمن سيارات وتزويدات مرة يبي كامات ومرة يبي كمبيوتر للسيارة ومرة متحير يبي توربو وشوي يقول ابي سوبر شارج آآآآآآآآآآآآآآه لعوزني
    فعرفتي ليش تعتبر هذه فرصتي كل مرة اييب له على ذوقي فأبي اييب له على ذوقه
    وشكرا عزيزتي والله يبارك فيج

  2. ماقول غير الله يوفقج ويوصل ريلج بالسلامة

    اللهم آآآآآمييين اللهم آآآآمييين اللهم آآآمييين
    جزاك الله خير يارب على هذه الدعوة واسال الله التوفيق لنا جميعا يا رب
    والله يبارك لك في مالك واهلك وحياتك يا رب
    الله يحفظك وشكرا

  3. السلام عليكم ورحمة الله وبركاته اختي
    تقدرين تطلبين الساعة من امريكا يديدة بحدود 4500 درهم واذا في اي استفسار راسليني ع الخاص وفااااااااااااالج طيب

    شكرا لك اخوي وجزاك الله الف خير على مرورك وصراحة فكرتك طيبة لكن …احم ..احم بعده المبلغ فوق الميزانية
    وثانيا اعتقد الوقت متاخر للطلب وبتطول الطلبية اكثر من اسبوعين ليما توصل ولا اعتقادي خاطئ
    في انتظار ردك الرائع والله يبارك فيك يا رب ويوفقك

Comments are closed.