السلام عليكم
اخواني
ملينا من مشاريع السيارات والتزويد ……. الخـ
فـ
قررت اخذ عدة واصنع بدي خاص ويكون اوف روود
يعني بالاصح ( بقي ) وبسقط على المكينة الي في راسي ^_^
دورت في النت لكن ما حصلت موقع يساعدني في بناء جسم البقي
فياليت اي حد يعرف مشروع جاهز لبقي مع المقاسات وكل شي يساعدني
لاني في البداية بشتغل على مشروع جاهز
لكن ان شاء الله واذا الله سهل علي ووفقني
بشتغل بـ فكره من راسي
وادور شخص فاهم يقدر يساعدني
حتى لو اعطيه معاش لين ما اخلص من المشروع
وطبعا
افكر في مكينة 6 ولا 8
وابي ارتب 4 ركاب
والميزانية مفتوحة ان شاء الله
واهم شي تكون Made in my house ^^
حصلت كم ترتيب وعيبني شرات هاي
YouTube – my custom long travel mini buggy
افكر اركب عليها مكينة لكسز صالون 8 سلندر موديل 99 ولا قريب منهن
ونصحوني بقير فوكس فاقن يقولون يتحمل
وبخصوص المحرك
انا في خاطري يكون في الخلف
وابي ارتب ترتيب حلو للاكس ال
لانه عندي حاليا بقي لكن الاكس ال ال متعبني
وانا حصلت كم موقع لكن حسيتها غالية حبتين
مثل
Mini Rail Plans Go Kart Parts & Off-road Go Karts
انا ما عندي مشكلة حتى لو اشتريت التصميم بفلووس
لكن ما حصلت الموقع المطلوب
طبعا حصلت كم موقع عيبني فيه سوالف
http://www.dunebuggyplans.com/
CoRock Fabrications LLC: Homepage – Project Rocktober Buggy
الي يقولي سير اشترى وحده جاهزة
بشتري وبعدين ؟؟
انا ابا اسوي شي في وقت فراغي ليش ما اشتغل برووحي
بخصوص الادوات بنشتريهن
لكن شرات ما قلت فيه كم شي صعب
مثل
الشاصي
الاكس ال
الجامبينات
الستيرنق
وبس
فالي عنده فكره ولا شي
يخبرني والي يعرف ناس شغيله في هالموضوع يخبرني
للعلم انا من العين وحياااكم
رجاء لا حد ايي ويحبطني
ويقولي ليش كل هالتعب خذ جاهزه
ولا يقولي ما تقدر ولا مدري شو
ترا حتى لو خلصت عقب 10 سنين عادي عندي
المهم شي سويته بايدي
مشكور اخوي
بس اذا قصدك الباكستاني تراني اعرفه واتعامل وياه من زمان لكن لك عليه شوي
ابا بسوي كراج في بيتنا وبسوي الشغلة من 0 لين 100 ان شاء الله
مرحبا الساع الطيب في كراج في هيلي كراج ربيعي انا روحي شفت البقيات الي عنده نفس الامريكيه والله ماتنعرف لانه شغله كله امريكي بس الشارصي لانه هو يصنعه في الكراج المهم هو بيساعدك انا كلمته وبيسويلك الشاصي بس صراحه غالي شغله بس شي عدل ومرتب الشاصي روحه يباه 40000 درهم واذا حاب تمر وتشوف البقي الي عنده مر عادي وشوف بعينك في امريكيات وفي تصنيع محلي
الفكرة + المقدرة المالية + الصبر + لحام ومكانيكي محترفين + توفيق من الله سبحانه وتعالى
وبالتوفيق ان شاء الله
alla ywafg inshalla
اخوي الغالي ادخل مواقع الانجليزيه مثل اي بي eBay – New & used electronics, cars, apparel, collectibles, sporting goods & more at low prices واكتب كتلوجات للبقي او بقي وبتحصل كتيبات تنباع فيها المواصفات والقياسات وكل شي ونوع موفق بإذن الله … لك مني أجمل تحية .