السلام عليكم
اخواني
ملينا من مشاريع السيارات والتزويد ……. الخـ
فـ
قررت اخذ عدة واصنع بدي خاص ويكون اوف روود
يعني بالاصح ( بقي ) وبسقط على المكينة الي في راسي ^_^
دورت في النت لكن ما حصلت موقع يساعدني في بناء جسم البقي
فياليت اي حد يعرف مشروع جاهز لبقي مع المقاسات وكل شي يساعدني
لاني في البداية بشتغل على مشروع جاهز
لكن ان شاء الله واذا الله سهل علي ووفقني
بشتغل بـ فكره من راسي
وادور شخص فاهم يقدر يساعدني
حتى لو اعطيه معاش لين ما اخلص من المشروع
وطبعا
افكر في مكينة 6 ولا 8
وابي ارتب 4 ركاب
والميزانية مفتوحة ان شاء الله
واهم شي تكون Made in my house ^^
حصلت كم ترتيب وعيبني شرات هاي
YouTube – my custom long travel mini buggy
افكر اركب عليها مكينة لكسز صالون 8 سلندر موديل 99 ولا قريب منهن
ونصحوني بقير فوكس فاقن يقولون يتحمل
وبخصوص المحرك
انا في خاطري يكون في الخلف
وابي ارتب ترتيب حلو للاكس ال
لانه عندي حاليا بقي لكن الاكس ال ال متعبني
وانا حصلت كم موقع لكن حسيتها غالية حبتين
مثل
Mini Rail Plans Go Kart Parts & Off-road Go Karts
انا ما عندي مشكلة حتى لو اشتريت التصميم بفلووس
لكن ما حصلت الموقع المطلوب
طبعا حصلت كم موقع عيبني فيه سوالف
http://www.dunebuggyplans.com/
CoRock Fabrications LLC: Homepage – Project Rocktober Buggy
الي يقولي سير اشترى وحده جاهزة
بشتري وبعدين ؟؟
انا ابا اسوي شي في وقت فراغي ليش ما اشتغل برووحي
بخصوص الادوات بنشتريهن
لكن شرات ما قلت فيه كم شي صعب
مثل
الشاصي
الاكس ال
الجامبينات
الستيرنق
وبس
فالي عنده فكره ولا شي
يخبرني والي يعرف ناس شغيله في هالموضوع يخبرني
للعلم انا من العين وحياااكم
رجاء لا حد ايي ويحبطني
ويقولي ليش كل هالتعب خذ جاهزه
ولا يقولي ما تقدر ولا مدري شو
ترا حتى لو خلصت عقب 10 سنين عادي عندي
المهم شي سويته بايدي
السلام عليكم ورحمة الله وبركاته ..
اشحالكـ الشيخ .؟
اخويه .. أنا مجرب هالشغله .. وبصراحه من افضل تصنيع بقيات .. قراج البداير في البداير (المدام ) .. وفي كذا كراج مثل ديون بايك بعد .. لايعلا عليهم ..
شوق إذا تبي قياسات صح … ولازم تعرف شوو بتسوي .. لونج ترافل ولا مد ترافل .. لازم تبني ع بدي جاهز ,, عسب ماتفرق عندك وتخرب قياساتك .. ولازم تستخدم نوعية حديد في بناء الشاصي ( نوع كرومولي ) أفضل نوع من ناحية الصلابه .. ماينكسر .. هب غش ..
وشوف اهم شي فالبقي .. ( الارمات) الي هي الوصلات الاربع الي تربط التواير مع البدي .. افضل اتيبهن جاهزات من امريكه ..
إذا جهزت الشاصي والارمات ,, بقياسات صح .. أهني تختار الهبات .. وعقب تختار الجامبيلات .. وع حسب الجامبيلات عندك من قوم بو 1000 هههـ .. لين بو 80الف .. حسب حجم البقي وارتفاعها ,, ووزنها ..
والله يوفقكـ، بس إذا تبي تشوف الشغل .. عندك كراج البداير .. وهذا موقعهم .. BSR.ae – Home
وإذا احتجت اي استفسارات انا حاضر .. بتواصلك مع الشباب اهناك ..
والله يوفقك ياخووووويه والواحد يفرح بان يشوف ناسه منه وفيه يشتغلون وعندهم اصرار .
هذي نبذه . عن البقيات الي مسوينها الكراجين .. بداير .. وديون بايك ..
ووشي بعد بس مالقيتهن الصور .. دش الموقع وبتتطمش مع الشباب ..
السلام عليكم ورحمة الله وبركاته
موضوع حلو ويبالة رفع
ومعانا شباب ماشاء الله خبرة ومواهب يديدة
ياريت كل واحد يحط صورة البقي اللي مسونها
اخوي لحد الحين ماحصلت احد يساعدك في صنع البقي
إذا تحب اساعدك ما عندي اي مانع انا صنعت من قبل 1 بقي و 3سيارات يعني تقدر تقول عندي خبره
اشكرك والله رررررروح انا معاك . راس مال الشغله بيبات ومكينة قص ولحام ….وخلصنا لو اتريد انسوي طياره سهله …حتي اسهل من البقي . تبا تعلم تحت امرك ،، بس خذ الشغله على اصول ….راسلني على الخاص .وبنتواصل انشاء الله
i will help you with best parts
steering type rack and pinion with any different size
suspantion KING
Brakes Double piston(honda
important thing tubing crome alloy 4130 يعني نوع هيكل فريم اذا انعوى يرجع مثل قبل وايد قوي وطويل العمر بس متر بيطلع عليك ما يقارب 70 دولار تقريبا الاصلي