السلام عليكم
اخواني
ملينا من مشاريع السيارات والتزويد ……. الخـ
فـ
قررت اخذ عدة واصنع بدي خاص ويكون اوف روود
يعني بالاصح ( بقي ) وبسقط على المكينة الي في راسي ^_^
دورت في النت لكن ما حصلت موقع يساعدني في بناء جسم البقي
فياليت اي حد يعرف مشروع جاهز لبقي مع المقاسات وكل شي يساعدني
لاني في البداية بشتغل على مشروع جاهز
لكن ان شاء الله واذا الله سهل علي ووفقني
بشتغل بـ فكره من راسي
وادور شخص فاهم يقدر يساعدني
حتى لو اعطيه معاش لين ما اخلص من المشروع
وطبعا
افكر في مكينة 6 ولا 8
وابي ارتب 4 ركاب
والميزانية مفتوحة ان شاء الله
واهم شي تكون Made in my house ^^
حصلت كم ترتيب وعيبني شرات هاي
YouTube – my custom long travel mini buggy
افكر اركب عليها مكينة لكسز صالون 8 سلندر موديل 99 ولا قريب منهن
ونصحوني بقير فوكس فاقن يقولون يتحمل
وبخصوص المحرك
انا في خاطري يكون في الخلف
وابي ارتب ترتيب حلو للاكس ال
لانه عندي حاليا بقي لكن الاكس ال ال متعبني
وانا حصلت كم موقع لكن حسيتها غالية حبتين
مثل
Mini Rail Plans Go Kart Parts & Off-road Go Karts
انا ما عندي مشكلة حتى لو اشتريت التصميم بفلووس
لكن ما حصلت الموقع المطلوب
طبعا حصلت كم موقع عيبني فيه سوالف
http://www.dunebuggyplans.com/
CoRock Fabrications LLC: Homepage – Project Rocktober Buggy
الي يقولي سير اشترى وحده جاهزة
بشتري وبعدين ؟؟
انا ابا اسوي شي في وقت فراغي ليش ما اشتغل برووحي
بخصوص الادوات بنشتريهن
لكن شرات ما قلت فيه كم شي صعب
مثل
الشاصي
الاكس ال
الجامبينات
الستيرنق
وبس
فالي عنده فكره ولا شي
يخبرني والي يعرف ناس شغيله في هالموضوع يخبرني
للعلم انا من العين وحياااكم
رجاء لا حد ايي ويحبطني
ويقولي ليش كل هالتعب خذ جاهزه
ولا يقولي ما تقدر ولا مدري شو
ترا حتى لو خلصت عقب 10 سنين عادي عندي
المهم شي سويته بايدي
وعليكم السلام ورحمة الله وبركاته
موفق بإذن الله … لك مني أجمل تحية .
اخوي لو تروح كراج الكوس ف صناعيه هيلي وتاخذ فكره عندهم ما ضنتي يقولوون لا ويساعدوونك بشي لنه هم يسوون بقيات
موفق بإذن الله … لك مني أجمل تحية .
والله طموحك تعجبني بس نصيحتي لك لا تسوي الشاصي بنفسك ولا تشتري من اي قراج
الشاصي يباله مهندس و مب اي حد يسويه, لازم يكوان متوازن من كل الجهات ولا عقب بتشوف بروحه ياخذ يمين ولا يسار
و لازم يكون مصمم بطريقة تحمي الركاب لا سمح الله حصل اصطدام
لازم يكون تلحيم محترف, يعني واحد عنده خبره عشان ما يتفكك مع الوقت و يكون السبب تلحيم اي كلام
لازم القياسات تكون بالملي و اي خطاء يعرض حياتك للخطر, على سبيل المثال لو واحد من الجمبينات ماخذ شوي عل يمينيسار يسهل عملية الانقلاب لا سمح الله
انا احترم طموحك و تفكيرك المبدع يعجبني لكن انا رايي تاخذ شاصي جاهز و تسو باقي الاشياء بنفسك لحاظ على سلامتك
شوف هل موقع , عندهم كل شى بتحتاجه من الالف للياء و اسعارهم حلوه
https://chassisengineering.com/shopD…&ProductId=993
بس نفس ما قلت لك الشاصي اهم شى و لو تدفع شوي زيادة بس يكون شغل عدل توكل على الله و قبل لا تشتري اتاكد من الشكره سو بحث عل اسم في قوقل ادخل مندتيات امريكيخ مختصه في هل سوالف و اسال
منتدى بقيات
MiniBuggy.Net: The Ultimate Off-Road Buggy Community
Dune-Buggy.com – Your online source for Offroad Dune Buggies
و ان شاء الله كلامي ما ضايقك بس لمصلحتك والله
و بخصوص المكينه لو 8 سلندر
LS2 مكينة لومينا اس اس و كورفيت
6 سلندر
VQ35HR الي هي مكينة الانفنتي و الزد موديل 2008
الكراسي و حزام الامان انصحك ب حق الريس مثل سباركو و برايد
اسمحلنا عل طاله
موضوع طيب يوم الشباب يتناقشون عن شي يفهمونه ويعلمون الناس عن امور صغيره مهمه بطريقه غير مباشره .مثلا عن نوعيه الحديد اللي يستخدم في الصناعه و القطع الامريكيه ….. الله انشالله يوفقك و توصل للي تريده
بس الغالي خلك ع مكاين امريكيه احسن وتراهن رخاص وايد و متوفرات …انا لو اييني واحد عنده بقي مكينه استيشن ولا فلكس مستحيل افكر اني اشتريها it should be POWERD by LS1