بصراحة انا محتارة احول احسابي ما بين 3 بنوك/مصارف:
-
بنك ابوظبي الوطني الفرع الإسلامي (بنك ابوظبي الوطني للتمويل الاسلامي )،
-
مصرف ابوظبي الاسلامي،
-
مصرف الهلال
اهم شي عندي ف البداية انه يكون اسلامي وثانيا تكون خدماته ممتازة .. ياليت ماعليكم امر اللي عنده خبره في هالبنوك بالنسبة
لخدماتهم ومميزاتهم وتعاملهم يعطيني شوره .. بانتظار آراءكم …
واسمووووحة 
شكرا اخوي Mr|Yasser وماقصرت … ماشاء الله كل الأراء تؤيد مصرف أبوظبي الإسلامي وان شاء الله اني بستخير وبتوكل على الله واحول حسابي لهذا المصرف المميز بحسب اجماع كل اللي ابدوا آرائهم …
كفيت ووفيت اخوي hayabusa ما شاء الله عليك شرحت تجربتك وماقصرت والحمدلله انك اتجهت لبنك اسلامي وانا تراني الا شراتك ابا اطلع من بنك ربوي لبنك اسلامي لاني احس بتأنيب الضمير كون اني لين الحين في بنك ربوي والحمدلله اني اخيرا قررت اتجه لبنك اسلامي والله يارب يسامحنا ويعفو عنا ان شاء الله … بصراحة ارتحت انه هالخدمات موجودة في مصرف بوظبي لاني كنت خايفة اني يوم احول حسابي ماتكون مثل هالخدمات متوفرة وبنفس الجودة لاني في بنكي الحالي ادفع كل فواتيري ومعاملاتي عن طريق النت وهذا الشي وايد مريحني والحمدلله انها بعد متوفرة في مصرف بوظبي الاسلامي …
ماقصرت اخوي الهامور بن سمه بس ممكن توضحلي ماعليك امر شو مميزان مصرف بوظبي الاسلامي في رايك واسباب فشل مصرف الهلال …
شكرا اخوي فقط على ردك .. لين الحين الأغلبية ينصحني بمصرف بوظبي الإسلامي .. بالنسبة لمصرف الهلال شو ظنك اللي بيخليه غير مستقبلا عن باقي المصارف او البنوك؟
مشكور اخوي al3in1999 على ردك واكيد انها ميزة حلوة انك تلقى المكاين ف كل مكان