السلام عليكم اشحالكم ؟
ابا مساعده و بليييييز لا تنقلون الموضوع لقسم لسياحه والسفر احس حد يدشه
ثاني العيد مخططين نروح البحرين بالسياره..و اول مره بنسير بالبر فابغي بعض المعلومات ولاجابات
1- شو المطلوب عند الحدود السعودية والبحرينية؟ ويطوفون بالهويه الحين ولا لازم الجواز؟
2- عند الحدود السعودية لين نوصل البحرين عادي انا اسوق ولا ممنوع لازم ريال اللي يسوق؟…والسياره لازم تكون باسمي ولا عادي باسم اخوي..؟…ولو مرهونه للبنك عادي ولا لازم رسالة من البنك؟
3- البشكاره الاندونيسية يحتاجون تاشيرة لدخول السعودية والبحرين واكلا ؟
4- بنت خالتي عمرها 20 جوازها يمني ..تحتاج تأشيره؟..وبيطوفونها في حدود السعودية بدون محرم وياها؟ ولا يبون صورة جواز ابوها ورسالة موافقه خطيه منه مثلا؟
5- اذا احتاجوا التاشيرة وين نسويها من السفاره هني ولا على لحدود؟
6- كيف خط السير من دبي للبحرين؟
7- شو احسن شقق فندقيه للعوايل تكون 4 نجوم اقل شي…يعني مكان نظيف ومرتب للعوايل؟
هالاسئله في بالي الحين….اذا عندي زود بسال عقب واللي بيزود في المعلومات يزاه الله خير
حياج بتيين عزبتنا في دربج ,,,
مسوين مزاينه
وبتلاحضين وايد ارقام بوظبي في المنطقه
بين الهفوف والحدود القطريه
المشي في النهار طيب ,,
والي وياج يطووفنهم
البنت اليمنيه والخدامه لازم كفيلها وياها
بدون كفيلها بيلعزونكم شوي ويمكن يطوفونكم لو الضابط طيب
التامين اذا كان اقل من مدته وانتي في البحرين يدفعونكم مره ثانيه
والسعودية اقل شي عندهم اسبوع ب 70 واذا اسبوعين ب 100 درهم
زعتر تسلم خيو باجر بتصل استفسر..
..
العين….شوووكرا خيووووووو كفيت و وفيت
ودرب بني ياس والغويفات امره سهل ..دومي مخمسه في بني ياس خخخخخ
ما عليك اخاف على سيارتي حدي 140 ههههههههه
جيه يمعت اغلب المعلومات
باقي موض
وع الفيز …شوووكرا
نفس ماقال اخويه
تطلعين من دبي متجهة لـ ابوظبي ومن ابوظبي اتروحين صوب بني ياس وبتحصلين منفذ الغويفات
وخط الغويفات تقريبا يباله 3 ساعات لين توصلون الحدود
بالنسبه للسياره اذا بأسم اخوج ومرهونه عادي اتطوووف بس يكون عندكم واذا بأسمج ومرهونه بعد اتطوف
بس اذا بأسم حد ثاني من عايلتكم لازم اتسون توكيل من المحكمه
….
بالنسبه للبشكاره وبنت خالتج اظن عادي بس اللهم ياخذون رسوم عنهم
والمرور طبعا بجواز السفر
…………
طبعاً التأمين حول 70 أو 80 درهم لمدة أسبوع عشان الدخول للأراضي السعوديه
============
من عقب ماتطلعون تقبضون الخط
عليكم بالنفجيتر
لين ماتوصلون جسر البحرين
طبعا بيكم جوازت السعوديه واجراءات روتينيه
ومن بعدها تدخلون عالجسر تقريبا تدفعون 20 درهم من بعد الجسر تدخلون على جوازات البحرين
ويتخذون الاجراءات الروتينيه … وتدفعون التأمين .. على ماذكر بـ 60 درهم او أقل
=========
وبكذا بتدخلون للاراضي البحرينيه
ورحله موفقه خيتوو