السلام عليكم اشحالكم ؟
ابا مساعده و بليييييز لا تنقلون الموضوع لقسم لسياحه والسفر احس حد يدشه
ثاني العيد مخططين نروح البحرين بالسياره..و اول مره بنسير بالبر فابغي بعض المعلومات ولاجابات
1- شو المطلوب عند الحدود السعودية والبحرينية؟ ويطوفون بالهويه الحين ولا لازم الجواز؟
2- عند الحدود السعودية لين نوصل البحرين عادي انا اسوق ولا ممنوع لازم ريال اللي يسوق؟…والسياره لازم تكون باسمي ولا عادي باسم اخوي..؟…ولو مرهونه للبنك عادي ولا لازم رسالة من البنك؟
3- البشكاره الاندونيسية يحتاجون تاشيرة لدخول السعودية والبحرين واكلا ؟
4- بنت خالتي عمرها 20 جوازها يمني ..تحتاج تأشيره؟..وبيطوفونها في حدود السعودية بدون محرم وياها؟ ولا يبون صورة جواز ابوها ورسالة موافقه خطيه منه مثلا؟
5- اذا احتاجوا التاشيرة وين نسويها من السفاره هني ولا على لحدود؟
6- كيف خط السير من دبي للبحرين؟
7- شو احسن شقق فندقيه للعوايل تكون 4 نجوم اقل شي…يعني مكان نظيف ومرتب للعوايل؟
هالاسئله في بالي الحين….اذا عندي زود بسال عقب واللي بيزود في المعلومات يزاه الله خير
زعتر
العرج خيو العرج ههههه
خوال ابوي من البحرين …بس ما اعرفهم هههههه
..
توصل بالسلامه يا رب و هالله هالله في الدرب
هذا قبل لاتسيرين البحرين تتكلمين بحريني
عيل كيف بحد ما تردين
على العموم تروحين وترجعين بالسلامه
وانا بعد باجر رايح نفس الخط بس بالبر
خلااااص الحمدلله تم حجز الفووووندق وحجز التذووووكر
باااااسييير بالطيوووووووراااااااه…موووو يسوى عااالينا هالتعقيدووووووت في سيرة السيووووووراااااه
وباااانشوف لنا سيوووووووراه اجااااار هنووووكيييي
..
مااااشكوووووريييين شووبوووب وباناااااات على الموووساااعده
مووو قصااارتووووا والله
وان شاء الله بس ارجااااع بااااحط لكوووووم التقرير والصور للسفرررره >>>> ملقووفه شو اسوي سير البحرين بعد 20 سنه خخخخخ
ههه حشا بوزي استوى وووووو هههه
على طاري المسافة تاخذ 9 ساعات اذا ماشين 120 – 160
كنت رايح مع ربيعي عنده كورفت و كان على الخط طول الوقت فوق 220 وصلنا في 6 ساعات تقريباً على ما اذكر..
بس في الرجعة رجعت في طيارة ههههه ما يسوى أموت في الطريج.