مساعده في الشراء من موقع Ebay.

19 thoughts on “مساعده في الشراء من موقع Ebay.”

1. انا دوم اشتري من موقع ebay..

   واجهتني مشكلة مع paypal لاني كنت فاتح حساب معاهم ومسجل عنوان ارامكس في نيويورك وبطاقتي الائتمانية عنوانها دبي..وفي مشكلة ثانية حاليا اواجهها وهي limitation اعتقد في عدد معين لاستخدامه شهريا (5 اعتقد)..الامور مب واضحة بالنسبة لي لين الحين وطرشت لهم ايميل لاني حاولت اشتري غرض و paypal تلقائيا رافض يتمم عملية الدفع..ويطلعلي مسج limitation.

   اولا:
   افتح حساب على paypal واختار الامارات وضيف بطاقتك الائتمانية صادرة من الامارات وحط العنوان الصحيح اللي استخدمته وقت اصدار البطاقة في البنك. بعد ما تحط paypal يسحبون دولار وشوي من حسابك عشان يتأكدون ان البطاقة غير مسروقة ولازم ترجع على موقع paypal وتحط كود رباعي مبين في حسابك وظاهر ينب كلمة paypal(اذا تقدر تشوف حسابك على النت بيكون افضل..ياخذ يومين الى ثلاث لين ما يظهر الكود). بعد ما تحط الكود حسابك يكون مفعًل.

   ثانيا:
   تفتح حساب على ebay وتحط عنوانك مع الارامكس في نيويورك.

   ثالثا:
   وقت شراء اي منتج من ebay يكون عندك خيار في اغلب الاحيان (بعض البائعين يذكرون انهم بيطرشون على عنوان paypal – تأكد من هذي الشغلة دايما)..بعد ما تفوز بشراء المنتج يطلب منك دفع المبلغ وتختار paypal وياخذك صفحتهم تلقائيا ويطلب منك ادخال اسم المستخدم مع الباسورد..بعدين يراويك التكلفة الاجمالية شاملة الشحن اذا وجد ويبين لك اذا كنت حاب تغير العنوان المخزن مسبقا او ابقاء نفس العنوان..بالاضافة الى ارسال رسالة الى صاحب الغرض (مب دايما على حسب نوع الغرض..بعض الاغراض يتطلب منك اختيار الوان او ما شابه ذلك فلازم تطلبه وقت دفع المبلغ). بعد اتمام عملية الشراء بيوصلك نسخة من الفاتورة على البريد الالكتروني وظاهر فيه ايميل البائع..حاول تتواصل معاه بخصوص العنوان او اي شي ثاني…

   اذا عندك اي استفسار حاضرين..

2. مشكورين على التفاعل في الموضوع … بعد قراءه كل الردود لم اجد الجواب …. قمت بالبحث في غوغل ووجدت احد الاخوه الذي وضع شرح كااامل عن طريقه الشراء

   تحياتي للجميع

3. نصيحتي لك لا تشتري شي الكتروني من اي بي لانه كلهم حراميه ، اشتريت وايد اجهزه وكلها مغشوشه ،،

   اخر مثال اشتريت موبايل ، اول ما وصلني شكيت ، لانه خفيف ، على طول وديته محل للكمبيوترات ، طلع صناعة صينيه قوم بو خمسميه ،،،

   اذا بتشتري اشتري اشياء مب موجوده في الدوله واشياء ما تتزور ونادره ،،،،

   وعن البطاقه ظهرت بطاقه مصرف دبي، البطاقه مالها اشتراك سنوي ، اشتري من البطاقه وثاني يوم اعبي البطاقه عشان ما تطلع لي اي فوايد اخر الشهر ،،

   واخوي اشتريت اشياء وصلتني في البريد العادي، المهم اتشوف طريقه التوصيل اللي البايع عارضنها،
   احيانا البايع ما ايقول ف اتناقشه وتسأله ، وغالبا ايوصلون ،

   تحياتي ،،

4. انصحك تطلع بطاقة الانترنت من دبي الاسلامي .. انا عندي اياها واشتركت بموقع ebay بشكل عادي وماطلب عنوان في امريكا او اي شي.. وافضل مافي البطاقة هي خاصية الامان اللي فيها ومحد يقدر يسرقك بمبالغ كبيرة ..

   وعند الشراء انتبه للنقطه هذي وهي توصيل الاغراض للدول .. بتحصل مكتوب تحت
   Shipment to worldwide

5. لازم تكون الفيزا كرت يا بنك سيتي بنك او البنك البريطاني او استندر شارتر عشان عندهم فروع في امريكا

Comments are closed.