مسافر الكويت وبغيت مشورتكم

18 thoughts on “مسافر الكويت وبغيت مشورتكم”

1. اخوي عاشق العين

   سألت لك عن الشقق الفندقيه مكانها بالسالميه ( شارع بغداد ) قريبه من المرينا

   الارقام هي

   00965 مفتاح الكويت

   55551990 _______99349777

   275 للشهر للغرفه والصاله ,,, لان ماعندهم غرفتين ,,,,,,,

   _________________________________________

   شقق اخري بميدان حولي تبعد عن المارينا 3كم شارعين وانتا بالمرينا ,,

   نظام الفندقه 300 بالشهر

   66056148— 25626864

   اتمنى لك طيب الإقامه واي خدمه انا حاضر

2. مرحبا الساع باخونا فوق السحاب

   ماشالله عليك شكلك ساير وايد الكويت

   من واقع خبرتك شو افضل وقت للي يبغي يسري بالليل؟؟ وهل الطريق منار بالكامل ؟؟

   وكم ساعه خذ عليكم الدرب تقريبا ؟

   هلا ياخوي
   
   لا والله مب سايير وايد يعني كذا مرة بس والكويت مالنا غنا عنها وعن اهلها الطيبين
   

   الطريق بالعادة ياخذ 12 ساعة تقريبا ( تزيد ساعة أو تنقص )
   لا تستعيل في الطريج وخذ اقصى راحتك في كل مكان وحاول تعبي بترولك قبل لا يوصل الربـع تانكي وخل وقت التعبية هو وقت الراحة عشان تقلل من وقت الرحلة الكلي ..

   وبخصوص وقت الانطلاق يعتمد على مزاجك بشكل أول وعلى اليوم اللي بتظهر فيه هل هو يوم دوام رسمي أو لا
   لأن مثلا لو كنت ظاهر يوم الاحد على الساعة 12 بالليل راح توصل الهفوف تقريبا على وقت الدوامات في المملكة فـ بتواجه ازدحام في الطريج, تقدر تتفاداه بأنك تظهر امبجر بساعتين أو ساعة ونص من الـ12
   اتمنى فهمتني

   بالنسبة لكم , انا اقولك اشبع ارقاد وأسري على الساعة 9:30 أو 10:00 بها الطريقة راح تكون فترة الليل قضيتها وانته مصحصح وكانت في اقل الطرق خطورة واكثرها انسيابية
   وفترة الصباح بتواجهك في السعودية اللي فعلا انته فيها محتاج لضوء الشمس لان ماتعرف من وين يظهرولك في الطريق ..

   بخصوص الانارة عاد انته متشرط بزيادة
   ماعتقد الطريج كله فيه انارة والجو ظلاااام دامس أسميك بتحن للمخدة انته وتسوق

   السكن

   لا تسكن في مكان غير السالمية
   لان السالمية هي قلب الكويت وكل شي جريب عليك

   لو لا اني بعييد وايد عن العين ولا جان قتلك اخطف علي من زمان ماسرت الكويت

   تصبحون على خير ..
   
   

3. مرحبا الساع باخونا فوق السحاب

   ماشالله عليك شكلك ساير وايد الكويت

   من واقع خبرتك شو افضل وقت للي يبغي يسري بالليل؟؟ وهل الطريق منار بالكامل ؟؟

   وكم ساعه خذ عليكم الدرب تقريبا ؟

4. زعلـــتني منك يا عاشق العين !!

   على روحة الكويت مسوي الاستفتاء هذا كله

   شــوف

   أنا ياخوي ماشي في خط الكويت فـ نهاره وفـ مساه

   عليك بثلاث أشياء من وجهة نظري وامورك راح تكون باذن الله طيبة:

   1) الســـيارة

   تاكد من سلامة سيارتك ميكانيكيا و تأكد بدال المرة مرتين من سلامة الأطارات
   و
   حـط التغبـيرة ( وعاد التغبيرة أنواع بس انا انصحك تاخذلك 7 قواطي من الصناعية ترشهن على الموتر قبلها بكمن ساعة )

   2) الـسايق

   مابغي اقولك من الصعب انك تسوق بطول الخط, بس من واقع تجربتي القيادة المستمرة متعبة, فـ واحد منكم يريح في لين نص الخط تقريبا عند الهفوف ويكمل السير الثاني وعليكم بالفستق ..

   3) الطريق

   الطريق ياخوي على اخر مرة انا رايح وبنفسي سايق فيه من اوله لأخره
   بصراحة كان ممتاز وتقريبا كله مزدوج يعني شارع رايح وشارع ياي, ومعظم الشوارع يديدة, بس كانت في تحويلات خطيرة بس ركز بسواقتك وامورك طيبة
   علما باني انا سايق فيه من جريب السنة يعني اكيد راح تكون الشوارع افضل..

   الطريق
   الــــعين ( فديت العين والله ) ثم الغويفات و البطحاء ثم الهفوف ثم البقيق ثم الدمام والخبر ثم القطيف ثم الخفجي وعلى طول على الحدود الكويتية وبتمشي بعدك مسافة بعد المركز حدود النصف ساعة يلين توصل لأي طريق يدخلك على الدائري السادس او الخامس اللي بدوره بيوصلك للسالمية اللي تباها (منطقة المرينا) …

   ملاحظة: لاتدخل في مدينة الهفوف واذا ضيعت هناك اتخبر حد من الطريج ..

   ولو تبا شي انا حاضر

5. ان شاء الله بسأل لك عن الشقق وبخبر عن السعر وفالك طيب ان شاء الله

Comments are closed.