بس حبيت أستفسر. الكثير يشتكي من شغله. خلنا نحط سالفة الراتب على جهة و نركز على العمل نفسه. هل تعجبكم أعمالكم؟ هل تشعرون بالرضى و أنتم تتوجهون للمكتب/حقل و تشعرون أنكم تؤدون عمل مهم و يقدره المجتمع؟ أم هل تشعرون أنكم لا تزيدوا أو تأخروا، أن السبب الوحيد الذي يجعلكم تذهبوا للدوام هو الراتب؟
9 thoughts on “مستانسين في أشغالكم؟”
Comments are closed.
السلام عليكم
الله أخيرا حصلت موضوع أفضفض فيه شوي عن الدوام
يمكن الأغلبية يعرفون إني في الصحافة ,, وهو قطاع مظلوم نوعا ما سواء من نظرة الناس للي يشتغلون فيه خاصة للحرمة ,, أو من حيث انه فيه اجهاد غير طبيعي نفسي وعقلي وحد يصدك وحد يردك ,, غير الظلم المادي لأن المردود ما يتناسب أبدا مع كم الاجهاد والتعب والعمل اللي يوصل أحيانا لأكثر من 12 ساعة يوميا وبالطبع لشبه انعدام الاجازات الرسمية وقلة فرص الحصول على الاجازة السنوية بسبب العمل المتواصل ,,
باختصار الصحافة فعلا مهنة البحث عن المتاعب ,,
بس هاجسي الأول والأخير في هالمهنة الحب ,, أحب عملي فعلا أحبه بكل ما فيه من قصور ونقص تقدير أو مردود مادي ضعيف ,,
ما اتخيل نفسي قاعدة في مكتب أوقع لمراجعين أو أختم أوراق ,,
ما أتخيل نفسي أدرس أطفال أو أعالج مرضى ,,
كلها مهن راقية وشريفة وجيدة جدا ,,, بس فكري ما يتجه لها
يمكن أنا تربيت إني بكون صحفية ,, أحيانا الأهل يوجون الانسان بدون ما يحسون ,, كنت أحب أقرا واااايد من يوم كنت في الابتدائي .. وفي صف سادس كتبت أول قصيدة لي ,, وفي ثاني اعدادي كتبت أول قصة .. وبديت أشارك في الجرايد من صف ثالث اعدادي
طول هالفترات لين الجامعة كنت ألاقي تشجيع ,, كان الكل يسميني الصحفية ,, وكانت أي معلومة تستعصي على حد اييون عندي <<<<< جهينة على غفلة !!!
ربوا فيني حب العمل الصحفي ,, وأول ما وصلت للجامعة اعترضوا!!!!!!!!
الوالدة اعترضت وسوت مشاكل ,, والوالد الله يرحمه قال ادررسي اللي تبينه ,, بس في نيته كان شيء ثاني !!
درست وتخرجت ,, وللأسف انعكست الامور ,, الحين الوالدة بدت تشجعني ع العمل في الصحافة ,, والوالد بدا يرفض الله يرحمه ,,,
لأني كنت أريد ومصممة عطاني فرصة ,,,
وقدمت في الجريدة وقبلوني في فترة تدريب ,,
8 شهور بدون راتب ,, ما اعتقد ولا واحد منكم بيقبل ,, بس أنا كنت أقول شيء واحد في نفسي ,, لو ضمنت لنفسي مكان في الاتحاد ,, بيكون هذا هو حصيلة تعب سنين الدراسة والجامعة ,,,
وبالفعل ضمنت لنفسي مكان ,, حبيت الجريدة ,, حبيت الجو الصحفي ,, ما اعرف اشتغل اي شيء ولا اتخيل نفسي موظفة بمكان ثاني
جو المعارض والمؤتمرات والأخبار الصحفية ,,
انك تدور صور في الارشيف أو تركض في الممر تبا تلحق على خبر قبل الطباعة
إني امشي بشنطة فيها كاميرا ,, ومسجل ونوت واقلام ,, وما فيها ميك أب !!
إني انحط في أضيق زاوية ,, خلال 3 ساعات نبا موضوع ,, واليوم الجمعة والحين تعالي الشغل
إنك تداوم في الويك إند ,, أو تدخل الدوام الصيح وتطلع بالليل ,,
أو إنك تداوم ثاني يوم العيد ,,
كل هالتعب ,,, كل هالارهاق وإنت في النهخاية ما تتريا راتب عود ,, لأنك تدريإن راتبك يا دوبه يغطي أمورك الحياتيه ع السريع ,,
كل هذا ولاشيء صدق ولاشيء مقارنة بإني أسوي موضوع معين وايوني 12 أو 20 مكالمة ع المكتب يشكرون أو يسألون
كل هذا ولاشيء فعلا ولا شيء ,, عدتال ما تتصل بي وحدة وتدعي لي من خاطرها لأني عرضت مشكلتها وانحلت ,, أو يتصل بي واحد يدعي لي بالتوفيق بعد ما نشرت له موضوع غير حياته ,,
وكل هذا كوم واتصال ياني من حرمة تقول لي انقذتي حياة بنتي ,, بسبب موضوع الحبل السري ,, اللي سويته من سنه وقرته وسارت بنك الحبل السري ولقت عينة تطابق دم بنتها وسوت لبنتها عملية زراعة خلايا جذعية ,, بعد ما كانت البنت تبدل دمها ,,,
عقب كل هذا ,, صدقوني ,, لو راتبي يا دوب يأكلني وإنتو رواتبكم وصلت السما ,, بعدني بقول رزقي عند رب العباد ,, وبشتغل في الصحافة ,, لأن هذا مكاني
اللي ما يحب شغله ,, شغله ما بيحبه ,,
وسلامتكم
آآآآآآآآآآآآآآآآآآآآآآآآه يا زمن
خل الي فالقلب فالقلب بس لازم افضفض
طلعولنا هل التأهيل ومادري شو تأهيل فاااشل بمعنى الكلمه
مامداني اداوم سنتين ونص قالي المسؤول انت مطلوب للتأهيل الوظيفي (احسلك الدراسه)
هاي الكلمه مانسيتها (احسلك الدراسه)..
3 اسابيع من دراستي التأهيل الوظيفي جان اشوف مديري فالتأهيل الوظيفي ….
سرت له سلمت عليه وكلمته الي ما نسيتها (احسلك تدرس) تتردد في ذهني..
جان اقوله تذكر يوم قلتلي احسلك تدرس قالي هيه قلتله دارت الدنيا وانا اليوم اقولك احسلك تدرس يا مدريرنا( الحبيب ما عيبه كلامي وطلع من الجامعه معصب وانا في قمة السعاده نياهاهاهاهاااااااا)
انا مامدح نفس كنت وايد مخلص في عملي وايد اكد نفسي كلمه شكراً بارك الله فيك مهعود طيب ماسمعتها خلال فترت عملي من هالمسؤولين
نحن ما نبغي من جيبكم شي نحن نبغي الكلمه الي ترد الروح والي نسمعها وتسوى المكافأت الماديه
كلمه بارك الله فيك ماقصرت واااااايد تسوى
هذا والله ولي التوفيق
الحمدلله وصلنا لاعلى المراتب
بفضل الجد والاخلاص والتفاني للعمل
مب بس راتب والسلام
لووووووووووووول
عاد انا بقولكم الصراحة ..
هي مستااااااااااانس من شغلي وايد ومااات تتصووروووووون …؟
ولله مرات يوم اخذ اجازة سنوية .. اقول ليش ماخذ …..
اداوم ورغم ها ادرس بالجامعة الحمدلله والشكر ^_^
دوامي هو اللي يحلي تخصصي .. وتخصصي هو اللي يحلي دوامي .. تخصصي قانون ……..
وكل يوم بالدوام اتعلم شي يدييييييييييييد نفس تخصصي .. تحقيق .. متهمين .. قظايا… محاكمة ^_^ جلساااااااااااات
حلو ولله ^_^
ومافكر اني اظهر من دوامي يوم من الايام ^_^
ابغي ارتقييي فوووووووووووووووووووووووق فوووووووووووووووووق علشان اخلي بصمتي وماتنمحي يوم من الايام الانسان .. يطمح والحمدلله انا مافكر بوقتي ها .. افكر شو بكوووووووون بعدييييييين … ها انا اللي افكره .. عندي نظرة بعد … واحاول استغلهاا وانا في مقتبل العمر .. وان شاء الله اكون اصغر دكتور قانون بالدولة الامارات ^____________^
واتمنى يوم من الايااام ارد على ها الموظوع مره ثانية واحط صورتي واقولكم انا هذا .. وبتوفيق للجميييع …^_^
وكان حلمي اني اشتغل بهاي الدائرة .. والحمدلله تحقق ^_^