السلام عليكم جميعا
حبيت اعرف كيف ممكن اقدر اطرش مسج بس مش من رقمي مثل ما الي ايطرشونهن
للاعلانات
يعني باسم مثلا ام خليفه للعطور ويوصل لكل الارقام الي انا بحطها هالخدمه اتكون من الاتصالات ؟وكيف طريقتها ؟؟ولازم يكون عندي رخصه تجاريه؟؟
8 thoughts on “مسج..كيف”
Comments are closed.
شو من المواقع؟؟؟؟؟؟
بالتوفيييييييييييييييييييييييييييييق
موقع كثيرة تقدم هذه الخدمة … ولكن الشرط ان الارقام اللي تبين ترسلين عليها تكون موجوده عندج … مثلا اللي خذوا عنج قبل وتبين تخبرينهم بجديدج … ترسلين لهم مره ثانية …
والله ياأخت ام خليفه على حسب خبرتي لازم يكون عندج رخصه تجاريه واذا كنتي من دبي تقدرين اطلعين لج رخصة أنطلاق مابتكلفج وايد يمكن في حدود الـــ 1000 وعقبها اتسوين لج موقع خاص فيج على النت وبعدين اتنسقين ويا الاتصالات وطبعا كل هذا برسوم ويصير من خلاله ترسلين رسايل ودعايات عن منتجاتج ويطلع في المسج الاسم اللي تبينه يعني مايطلع رقم …
وفي طريقه ثانيه دايركت عن طريق الاتصالات بس في كلا الحالتين تحتاجين رخصه لانه على اي اساس بطرشين اعلانات وانتي ماعندج اسم تجاري مسجل في غرفة التجارة والصناعة والبلدية والدائرة الاقتصادية والدوائر الاخرى …
بس في كل الاحوال خساير في خساير خليج من خلال المواقع أحسن لج لانه هذي المواضيع تحتاي الي بيزات ومكلفه …
؟؟؟؟؟؟؟؟؟؟؟؟؟؟فوووووووق