في الموضوع السابق
تحدثنا عن “ريم” ورسالتها لـــ”فطام” تطلب منها تحويل رصيد ولا أعرف كيف وصلت هذه الرسالة لنصف شباب الإمارات !!
اليوم نتحدث عن اسلوب جديد في النصب ، أو كما يسمى شحاتة الرصيد
مكالمة من رقم مجهول
ترد على المكالمة
يأتيك صوت ناعم من الطرف الآخر :
“آلوووو ، اسمحلي أخوي مغلطة”
وبعد دقيقتين تصلك هذه الرسالة …
خمس دراهم !!!!!
لو 10 كنت بصدق ، لكن خمس دراهم !!!
حبيت أتأكد ، هل حصل هالموقف لأي حد من أعضاء المنتدى ؟
انا دوؤوم حظّي عـ الرد رقم 11 هع
ياخوي ليش معورين راسكم .؟
انتو تعرفون إن هذه عصابه و هذا نصب
اللي يوصله من هالشي يبلغ الشرطه و مع كثر البلاغات بيمسكونهم ..
ما يحتاي تعورون راسكم بهالاشيا التافهه ..
عساكم بخير،
في خدمه الحين تحت التجربه تخلّي المكالمه على حساب المستلم (إذا وافق
).
محد يسألني كيف، لأن هذي أسرار عمل. بس الخدمه بتنزل قريبا جداً.
من عقب هالخدمه، ما بيتم هندي إلا و إستعملها، رحنا فيها والله.
لا مِسد كول بعد اليوم.
توهم من يومين مطرشين حق ريلي نفس الشي
اول مسج ابا رصيد وثاني مسج السموحه مغلطه
شكلهم عصابة بنات يداد بس راسي عورني ابا اعرف شو مسميين عصابتهم لووووووووووووول
مصار عندي هالشي والحمد لله
وحده دقت علي اتقولي ” ألوو هيئة دبي للاوراق المالية ..
قلتها : كيف جيه ؟؟ الهيئة حولت رقمها علي !!
قالت لي : لاتستهبل !!!!
انا عندي اسهم بقيمة 120 الف درهم واابي ابيع
قلتها تم النص بالنص خخخخخ
ومن عقب قلتها السموحه الرصيد خلص ، وابوي مابيعطيني بيزات اشتري رصيد ..
قالت لي : اشدعوه ياحافظ عندك هالرقم ومافيه
رصيد !! خخخخخخخ