السلام عليكم
بصراحة لفت انتباهي مسلسل في سما دبي يحطونه قبل العشا تقريبا فيه هدى الخطيب وحسن البلام وما اذكر منو بعد بس قصته عن شباب وبنات يدرسون في جامعه خاصه ويصور ها المسلسل اهر المارات ودبي خاصه انهم متحررين من كل شي يعني ها الطلاب شباب وبنات يروحون الشاليهات سوى ويا بعض ويبيتون هناك وكل هذا بموافقه ومباركة الاهل
انا ما عندي كل تفاصيل المسلسل بس اتمنى من الاخوة اضافة الباجي واتريا تعليقكم عالمسلسل
:064:
45 thoughts on “مسلسل يسيء لاهل الامارات”
Comments are closed.
تابعو مسلسل راس غليص
في قناة الراي الساعة 12.40 فى الليل
عجيب مافية حيلة
خلص الدور على المسلسلات الكويتيه
و وصل الدور للامارات…
والله العالم الدور الياي على منو
شخصيا لم اشاهد المسلسل المذكور….ولكن من ردودكم وتفاعلكم مع الموضوع تكونت عندى فكره عنه…
ولكن اى عمل تلفزيونى بلا مضمون فهو فاشل……واتمنى ان تصل ملاحظاتكم الى المنتج والمخرج…
تحياتى لكم
صدق هالمسلسل وايد تافه..ومشوه صورة الامارات
اتذكر المسلسلات الكويتية قبل كانت جذيه ….اتذكر كله بيوتهم قصوووووور..
لين مره ماحصلت كويتيه وقلت لها ماشاء الله كلكم اغنياء وبيوتكم قصور..قالت هذا بس في التلفزيون..
والحين الدور علينا…….
اونه يدرسون مع بعض ورحلات…وسهراات.. والدنيا دنيا…….لاحول ولاقوة الا بالله
الي مايعرف الامارات ويشوف هالمسلسل التافه بيقول هاي العيشة في الامارات (هاي العيشة ولابلاش)
ماهقيناها من سما دبي كانت للتراث وفي رمضان انجلبت لل …. الشاطر يكمل
تطور اونه استغفر الله