السلام عليكم
بصراحة لفت انتباهي مسلسل في سما دبي يحطونه قبل العشا تقريبا فيه هدى الخطيب وحسن البلام وما اذكر منو بعد بس قصته عن شباب وبنات يدرسون في جامعه خاصه ويصور ها المسلسل اهر المارات ودبي خاصه انهم متحررين من كل شي يعني ها الطلاب شباب وبنات يروحون الشاليهات سوى ويا بعض ويبيتون هناك وكل هذا بموافقه ومباركة الاهل
انا ما عندي كل تفاصيل المسلسل بس اتمنى من الاخوة اضافة الباجي واتريا تعليقكم عالمسلسل
:064:

45 thoughts on “مسلسل يسيء لاهل الامارات”

  4. الصراحه مسلسل تافه بكل معنى الكلمة ..

    بعدين الممثلين والممثلات .. معظمهم غير اماراتيين.. من غير هدى الخطيب..

    المسلسل ممكن فيه بعض الحقيقة (المقصورة على فئة شاذه في المجتمع) ولكن الترويج لهذي الحقيقة هو المصيبة.. البنت تطلع بدون عباه وشيله .. ما شفتها هاي حتى على مستوى البنات المتحررات.. الام تقنع اخوها انه الغناء مافيه اي عيب والمفروض هو ما يعارض مشاركة البنت في المسابقة والمفروض انه يبارك لها.. الام تروح مع بنتها شاليهات والشباب وياهم ..ولا بعد تصفق لها وهي تغني والريايل المفروض انهم ريايل يترقصون .. يعني احين الام الاماراتيه بهذا المستوى … شو هالافكار الخبيثه.. من متى امهاتنا يفكرون هذا التفكير ؟؟

    وداد الكواري من زمان ما تعيبني.. في مسلسلاتها القطرية .. صورت العائلة القطرية عائلة متفككة معدمة متناحره ..بخيلة .. مادية .. تركض ورا الفلوس .. وصورت القطريين بشكل مقرف .. وطبعا المجتمع القطري معروف انه مجتمع محافظ .. متدين ومحافظ على عاداته وتقاليد ومكارم اخلاقه..

    والحين استلمت الاماراتين..

    منتج البرنامج هو عبدالله رويشد .. عقب ما شاب وطاح سوقه قام يشارك ويروج لبرامج ومسلسلات تافهه… لا.. ويمثل في المسلسل بعد..

    فكرة المسلسل خبيثه.. اتمنى من الجميع مطالبة قناة سما بوقف المسلسل.. مع اني اشك في الاستجابة لانه اساس المسلسل هو الترويج لبرنامج نجم الخليج اللي هو من انتاج قناة دبي… يعني الجماعه ما عندهم مشكله في الفكرة وفي الاهداف.. طبعا الهدف الرئيسي واضح .. .. عشان يزيدون عدد المشاهدين والمشاركين ويشجعونهم على الغناء .. ويزيد عدد فنانين وفنانات الخليج.. وتتخلف البلد وتواكب عالم الفن والطرب..

    حسبي الله ونعم الوكيل ..

  5. تعرفون هالمسلسل بشو ذكرني لما شفته؟؟؟؟

    بالافلام الهندية :rofl:

    بس انتوا ليش حارقين اعصابكم؟

    بصراحة المسلسل ما اشوفه واقعي ابدا و ما راح ينجح لانه بعيد عن الواقع

    و لكن هذا الشي حاصل في الجامعات الخاصة و الشلة اللي كانوا مع بعض في المسلسل من مختلف الجنسيات العربية بس ما توصل ان يطلعون مع بعض حتى في المسلسلات الكويتية ما سووها

    على فكرة عندنا في الامارات بنات ما يلبسن شيلة و لا عباة بس ينعدن على الاصابع و لا تقولون لا

Comments are closed.