غامضني المسيد,, اول بادي انقفل محد يروم يصلي فيه و عقب الاوقاف شلو المكيفات,,
دريشة غرفتي كانت مجابلة المسيد و كيف كنت ارتاح يوم اسمع الاذان خاصة الفير,,
صعب اني اتخيل بان المسيد بينهدم حسب كلام الاوقاف,, و المشكلة ما اعلنوا اذا بيبنون مسيد ثاني,,
يعني صح انه في مسيد ثاني لكنه بعيد عن فريجنا,, و مسيدنا ما عليه كلام وايدين كانو يصلون فيه و يوم الجمعة بعد ما شاء الله كان ينترس,,
كم افتقد صوت الاذان و الاقامة,,ب اتخيل بانه كان شي رئيسي في حياتي و راح,, فيني غصة و الله,,
شو اقدر اسوي عسب يردون يفتحونه و الناس اتصلي فيه,,
الله يسلمك يا الأخو,, نحن مب ضارين على هذا الوضع مع اني اصلي في البيت, نفس ما خبرتكم الحرمة ابرك لها اتصلي في بيتها,, لكن صوت الاذان و الاقامة, ما نسمعه و اهنا العوق,, اليهال اللي في الفريج,, بيكبون و هم مب متعودين على الصلاة,, الله المستعان,,
بارك الله فيك على حبك وتعلقك في دينك وبيوت الله
السلام عليكم ورحمة الله وبركاته
اخوي الي اعرفه انه
اي موقع محدد في الدوله اكون مسجد لا يبنيى عليه غير مسجد
فمابالك بمسجد كان موجود اصلا
اكيد اخوي العزيز بيكون مسجد وبتسمعل كل اذان من دريشه غرفتك
بس ممكن يتاخرون لين ما احصلون حد يبني المسجد من المحسنين ولا الهيئه تتكفل بالبناء
وشكرا