السلام عليكم ..
اخواني واخواتي … الجميع سمع عن المسيرات الي تستوي بمناسبة عيد الاتحاد …
لكن الي يستوي في المسيره … شي والله العظيم يخجل يستحي الواحد يطالعه …
بنات وشباب في سياره وحده ويتراقصن … بنات مسترجلات … رجال من جنس ثالث …
والله مناظر موذيه … لا تمت بعاداتنا وتقاليدنا ولا ديننا بأي صله …
الواحد قام يستحي يسير المسيره … ولا يشل اهلها … يمشيهم في الكورنيش ..
اسمحولي يا جماعه … لكن الوضع صار صعب … ما في اي ذرة حشمه ….
كنا اول نضرب بعيال دولتنا المثل بالرجوله والاخلاق الطيبه … لكن الله يستر من القادم … ذكروني بإحدى الدول المجاوره .. الي لما تسير لها جنك في بيروت مو في دوله خليجيه …
والله عيب يا جماعه .. والله عيب
وما في اي رادع لهذي التصرفات المشينه … لا من الشرطه ولا من مكان ثاني … يعني ماخذين حريتهم ..
يا ريت تقولون رايكم ….
والله يحفظ الامارات حكاما وشعبا من كل شر
ويبعد عن اخواننا وعيانا هذا الانحطاط الفكري والاخلاقي
هذا ولا شي … واذا الله بلاك اب واحد يطلع من السيد ال 3 يبغي اليوترن … اانا تميت مبطله عيوني واتشاهد على عمري … زين ما نجلب والضربه كانت بتيني من صوب الباب … بس الحمدالله ربك ستر … خلاص اذا ما حصلت حط يعطيك انك تاخذ اليوترن سير كمل الاشاره اثانيه خذ اليوترن وارجع … ما بينقصك شي …
الشرطه ما قصرو … ولكن كم بيوقفون ولا كم بيحاسبون … لو منعو المساير والاحتفالات احتجوا … نحن شو غير عن الدول اثانيه … طيب حشمو البلاد … حفظوا كرامتها محد بيمنعكم او بيقول شي
المشكله انه هذي المسيرات كلها شباب ومراهقين وصغار وكبار
تختلط فيها الامور وكل منهم يعبر عن شعوره على حسب سنه وثقافته وحماسه فلازم بنشوف
تصرفات غير مرغوب فيها للاسف
فعلا اخوي
انا معاك في كل كلمة قلتها
في اشياء قاعدة تصير تحت مسمى الاحتفال بالعيد الوطني وماهي الا مشاهد قذرة يخجل الاماراتي انه يشوفها في بلاده ..
بنات طالعات من سقف السيارة ويرقصن !! وشباب ماتعرفهم ذكور ولا اناث !! واللي يضايق خلق الله بحركاته بالسيارة ..
الله المستعان