السلام عليكم ..
اخواني واخواتي … الجميع سمع عن المسيرات الي تستوي بمناسبة عيد الاتحاد …
لكن الي يستوي في المسيره … شي والله العظيم يخجل يستحي الواحد يطالعه …
بنات وشباب في سياره وحده ويتراقصن … بنات مسترجلات … رجال من جنس ثالث …
والله مناظر موذيه … لا تمت بعاداتنا وتقاليدنا ولا ديننا بأي صله …
الواحد قام يستحي يسير المسيره … ولا يشل اهلها … يمشيهم في الكورنيش ..
اسمحولي يا جماعه … لكن الوضع صار صعب … ما في اي ذرة حشمه ….
كنا اول نضرب بعيال دولتنا المثل بالرجوله والاخلاق الطيبه … لكن الله يستر من القادم … ذكروني بإحدى الدول المجاوره .. الي لما تسير لها جنك في بيروت مو في دوله خليجيه …
والله عيب يا جماعه .. والله عيب
وما في اي رادع لهذي التصرفات المشينه … لا من الشرطه ولا من مكان ثاني … يعني ماخذين حريتهم ..
يا ريت تقولون رايكم ….
والله يحفظ الامارات حكاما وشعبا من كل شر
ويبعد عن اخواننا وعيانا هذا الانحطاط الفكري والاخلاقي
تستاهلون والله والنعم فيكم
أشكرج …… وهذي شهادة أعتبرها وسام ….
انا البارحه كنت في الفجيره ونحن رايحين صوب خورفكان دخلت في المسيره
وصدق كانت مسيرة حلوة و راقية ونظيفه…وما كان شي غير دوريه وحده او دوريتين عشان يرتبون السير…وما شفت ولا بنت طالعه من الباب او سقف السيارة … العوايل الحريم و البنات كانن واقفات على الكورنيش يشوفون المسيره وفي حد منهم في سياراتهم بس يالسات محتشمات يطالعن.. بس الشباب طالعين و البنات الصغار ملبسينهن اثواب و طالعات من السقف ما شاء الله عليهن اشحلاتهن
لكن الصراحه الصراحه و انا اشهد و ربي يشهد انه شبابهم كانوا في قمة الاخلاق….
ما شاء الله عليهم …بالرغم من وجودنا و منزلين الجامات محد فيهم تحرش او حتى صد …وشفت بنات راكبات رنج رقم دبي و كاشخات و المكياج لاعب دور بس ما شاء الله على الشباب في خورفكان والله محد عبرهن و لا كانهن موجودات…
لو في دبي و لا مكان ثاني جان ما قصروا بعض الشباب من الترقيم و المغازل..
ونحن رادين واحد من الشباب الصغار يمكن عمره مال 18 او 20 رش على سيارتي رش الثلج وهو ياي من ورا على يساري بدوون ما يشوف منو يسوق…من شافني تم حليله يعتذر و قال السموحه الشيخه والله ما دريت انه بنت تسوق..وحلفني اوقف ينظفها لي…قلت له عادي اخوي تراها من فرحتكم و نحن فرحانين معاكم…حليله عطانا علم و راح…
لو عندنا في دبي جان سبحونا بالرش و الماي ..شرات مسيرة المنتخب…
ربي يحفظهم
اما عن اللي سمعته و صار في دبي و بوظبي الصراحه لا تعليق
صدقوني الدوريات تقدر تردع .. لكن ما شوف عقوبات صارمه
يعني لو يسحبون لياسن والملكيات … ويفتحون على السيارات مخالفات
ويكتبون السايقين تعهدات إن اذا كررها يدخل السجن او تنحجز السياره … بتشوفون تجاوب
الله يستر من المسيره اليايه شو بيستوي
شو فو شارع الكورنيش كيف استوى … اكس اووو … مخطط صح
يعني هذا بيكلف الدوله ويشوه المنظر العام خصوصا شارع مثل شارع الكورنيش الي اي واحد ييي يزور بوظبي الزم يمر عليه
انا عتابي على الجهات الامنيه …. يقدرون يشوفون حل للموضوع … واذا خلينا الامور سايبه … الناس بتتمادى … وشو باقي عشان يسوون … ما خلو شي
الله يستر بس ..
انا ماسرت مكان ولا شفت حد
ما ادري شو السالفه