السلام عليكم ..
اخواني واخواتي … الجميع سمع عن المسيرات الي تستوي بمناسبة عيد الاتحاد …
لكن الي يستوي في المسيره … شي والله العظيم يخجل يستحي الواحد يطالعه …
بنات وشباب في سياره وحده ويتراقصن … بنات مسترجلات … رجال من جنس ثالث …
والله مناظر موذيه … لا تمت بعاداتنا وتقاليدنا ولا ديننا بأي صله …
الواحد قام يستحي يسير المسيره … ولا يشل اهلها … يمشيهم في الكورنيش ..
اسمحولي يا جماعه … لكن الوضع صار صعب … ما في اي ذرة حشمه ….
كنا اول نضرب بعيال دولتنا المثل بالرجوله والاخلاق الطيبه … لكن الله يستر من القادم … ذكروني بإحدى الدول المجاوره .. الي لما تسير لها جنك في بيروت مو في دوله خليجيه …
والله عيب يا جماعه .. والله عيب
وما في اي رادع لهذي التصرفات المشينه … لا من الشرطه ولا من مكان ثاني … يعني ماخذين حريتهم ..
يا ريت تقولون رايكم ….
والله يحفظ الامارات حكاما وشعبا من كل شر
ويبعد عن اخواننا وعيانا هذا الانحطاط الفكري والاخلاقي
مره مدرس عراقي سأل الشباب قال شو هذي رقصة المعلايه …
تعرفون شو رد عليه واحد من الشباب ……
قال هذي رقصة شعبيه من تراث الامارات ….
اخاف ييي يوم وتكون هذي هي رقصة الشباب …
الله المستعان
“إن اهتمامنا بالشباب لابد أن تكون له المكانة الأولى فهؤلاء الشباب هم الجند وهم الموظفون وهم أمل المستقبل .”
الشيخ زايد بن سلطان آل نهيان
” إن بناء الإنسان في المرحلة المقبلة ضرورة وطنية وقومية تسبق بناء المصانع والمنشآت لأنه بدون الإنسان الصالح لا سمكن تحقيق الازدهار والخير لهذا الشعب.
الشيخ زايد بن سلطان آل نهيان
” الثروة الحقيقية هي ثروة الرجال وليس المال والنفط ، ولا فائدة في المال إذا لم يسخر لخدمة الشعب ”
صحيح وانا شفت بعد بعيني و واحد اونه يعزم علي بعد!!
يجاهرون بالمعصية والله ساتر عليهم …
قلت له هالكلام و رد قال يا ريال استانس …!!
ياخي اذا بليتم فاستتروا
الله يهديهم و يهدينا
بصراحه الشباب هالمره مزودينها بالمره ما شاء الله كل واحد في التنفيل متفنن و يقول الزود عندي عنبوه والله و انا وسط المسيره حاس اني في حرب الله يبعد الحروب عنا تقوول مسدسات مب سيارة بس الشي الوحيد اللي استنكرته و لغاية الحين مب قادر استوعب و شي كان اخس من رقص البنات و و و و و هو شباب وياهم قواطي خمر لا و بعد علني و محطينها فوق السيارة و يتعازمون عليها … لو اني ما شفت هالشي بعيني و سمعتهم وهم عدالنا ولا ما كنت صدقت لو مين قال
الله يهدي الجميع
و ما خفي اعظم …………المعلاية و للاسف اصبحت جزء لا يتجزاء من اي احتفال او مناسبة اماراتية !!! طبعا غير الحفلات الخاصة لي استوت و حدث ولا حرج………… الجزء الثاني ياينكم في راس السنة.