مشاريع الملايين.. احلامكم وارائكم ..مرة ثانيه بابداع خيالي اكبر

9 thoughts on “مشاريع الملايين.. احلامكم وارائكم ..مرة ثانيه بابداع خيالي اكبر”

1. اخ نايف…صارت الاحلام تقريبا كلها اللي الواحد قبل كم سنه كان يحلم فيها اليوم من الواقع وكل ما نقول خلنا نحلم ونتخيل نلاقيه موجود فعلا على ارض الواقع…….ممممم اوكي خلنا مثلا نقول…وضع نظام فالسياره هو يسوق يعني مثلا حتى لو انا ماعرف اسوق عادي تكون عندي سياره…..او مثلا شفنا مترو الانفاق اللي مسوينه في دبي….ليش ما يكون على الامارات كاااااااامله وحتى بين المناطق نفسها تقل زحمة السير علاقل…….
   انزين بعدتنظيم رحلات فالبحر لكن مش على البحر لكن داااااااخل البحر رحلات جماعيه كاننا داخل باص………

2. السلام عليكم ورحمه الله وبركاته

   فكرتي ليست تجارية بدرجة الاولي
   ولكن تخدم الانسان بدرجة الاولي
   تهتم بتطوير قدرات و اكسابة الخبرات للانسان منذ الصغر
   و تعلم كل ما هو مفيد في الحياة العملية و العلمية

   أنها مدرسة الخبرة
   عبارة عن فصل دراسي” نظري” وفصل تدريب ميداني في العمل ” عملي”
   من المرحلة الابتدائية إلى المرحلة الثانوية
   بعدين بيعرف الطالب شو يبا في الحياة بحدد هدفة بضبط..
   وبخليه قريب من الحياة العملية منذ الصغر…
   واهم شيء يدرس لها الطلابة الانضباط و اشعور بالمسؤولية

   في حفظ الرحمن

3. صح تذكرت فبالي مشروع ثاني بتضحكون عليه
   مشروع الكرك مشروع صغنونو بس بفكرة مبتكرة

   عاد هذا بحتفظ فيه لاني رتبته خلاص ولو قلته سهل يطبق
   لكن بعدني ما لقيت المكان الاستراتيجي للصندقة
   أقصد المحل ^__^

   هامش:
   الكرك : شاي وحليب هندي محترم << للي ما يعرفونه

4. السلام عليكم
   عن نفسي ومن شهور كنت أفكر بالديون اللي موهقة أكثر عيال البلاد
   ولين الحين بصراحة

   النتيجة كانت هالفكرة
   كل مواطن في البلاد يدفع بأول يوم بالشهر درهم وبثاني يوم درهمين وبثالث يوم 3 لين الـ 30
   فمكان معين مضمون يحفظ حلاله بعقود معينة
   وكل أول شهر يدفع هالمكان دين من ديون المشاركين
   اللي قدرت أسويه سميت المشروع ( تعاون ) << وايد عليها
   لكن الفكرة تحت التطوير وليتني أقدر أحققها

   الفكرة الثانية يا طويل العمر تخص تاجرات الانترنت
   أفكر بمشروع يفيد التاجرة ويفيد الزبونة ويفيدني بنفس الوقت
   مرة قلت اشتري بضاعة بكمية جودتها محترمة في المنتديات وبفيد التاجرة مقابل
   حجزها لبكسل في موقع معين لاعلان يفيدها والبكسل بيكون بنص درهم<<< طبعا فكرة تطويرية للانجليزي صاحب المليون
   وبسوي مثل عضوية بـ 500 لكل زبونة تقدر تاخذ البضاعة اللي تبغيها حتى لو كانت عند الغير غالية
   او بسوي مثل حركة الصكوك <<< الافكارمزدحمة ومسببة ازمة مرورية براسي الصراحة

   ومرة قلت بييب بضاعة قرطاسية ومدرسية واسوي فيها هالحركة علشان اوفر
   للناس غلاء الاسعار والاستغلال في موسم المدارس

   واليوم فكرت بمكتب مقسم استغل فيه الهنود المكودين بلبس معين لتجميع الكراتين والحديد والاخشاب
   كلن بقسمه ولون معين وقسم للي يغسلون السيايير في الفرجان << اخاف البلاد تصير قوس قزح
   هنيه بفيد البلاد وبفيد الهنود الفقارى وبنفس الوقت بفيد نفسي
   طبعا هالفكرة يتني من موضوع الاخ طلطميس .. ^_^

   هاللي عندي ويمكن تشوفها نقاط مخربطة أو يمكن ما قدرت اوضح لك
   بس ان شاء الله أطورها وأوصل للي في بالي وأحس اني فعلا تميزت بحياتي

   لي عودة وتسلم يا اخوي على موضوعك الطيب ^_^

5. صباح الخير نايف : اتمنى ان يكون عندى سائق انسان الى ياخذنى وين ما اريد ويخبرنى مواعيدى واكيد شخص غير منافق ويخبرنى عيوبى ويقولى ما اذا افعل فى بعض المواقف ويرد على الموبايل عشان يريحنى من الصدعه واعيش حياه هادئه ويريت يعرف يحلق عشان يحلقنى ………………………………………….. ……………………شو رايكم بالحلم المينى مينى ؟؟؟

Comments are closed.