السلام عليكم ورحمه الله وبركاته

خواتي اخواني .. شحالكم ان شالله طيبين كلكم …

طبعا اغلبنا شفنا القصص اللي انعرضت بموضوع المشاريع وتفكيرها وشفنا ان افكار توصل للملايين بسهوله خياليه وانا عندي ايمان بهالشي ان دوم في افكار تكون مش طبيعيه وتوصل صاحبها للثراء السريع سواء ماليا او تجاريا

اخواني طبعا شفنا طريقة ديزني اللي قالت عنها قلب الايمان ان يكون مساحه للحالمين وبعدها للواقعين وبعدها للتنفيذ

وشفنا قصة الشباب الانجليزي اللي وصل للمليون دولار في خلال شهر من فكره بسيطه جدا ..

اخواني هالمساحه نحددها للاحلام من المشاريع ..

يعني كل واحد يقول اللي عنده من فكره غريبه او مينونه او غيره ..الى ان نطلع بفكره خياليه مثل اللي صار مع كثير من غيرنا

محد بيضحك على احد فلا تستحون … ومحد بيعلق على احد فلا تترددون … الكل بيشجع وبيقول اي شي كان يفكره فيه من الطفوله او الحين ..

الافكار اللي بهالموضوع بتتعدى كل الحدود عشان كل شخص يساعد في تشكيلها وكل فكره بيي حد ثاني وبيساعد ان يشكلها الى ان نطلع بشي قابل للتنفيذ بالنهايه …

وافكاركم كلكم راح تساعدنا .. ومانبي المشاريع اللي تكون بارباح عشرين بالميه او ستين بالميه او حتى ميه بالميه سنويا .. نبي شي خيالي بهالموضوع يعني هني راح ناخذ اقرب طياره للقمر وبنبعد عن افكار الواقع

وعندي احساس ان بنطلع بشي خيالي

وبالتوفيق ان شالله

39 thoughts on “مشاريع الملايين .. ارائكم واحلامكم بلا حدود .. للتنفيذ بارض الواقع:)”

  1. اختي ام شيخه يعطيج العااافيه على الافكار.. اي جي ابدوا عطونا من افكاركم الخياليه

    بس اختي ام شيخه عادي قلنا مافي تعليق ومافي ضحك واللي بيصير اكثر شي السوالف والغشمره والتنبيه يعني اخذي راحتج بالتفكييير والابداع

    شوفي اختي الفكره هاذي ماتصير لان الله يسلمج بتصير قمار صريح فمشكله بعدين نروح الناار

    يالله عفيه كملي من هالافكار الخياليه المبدعه ومب شرط ترتبين الفكره قبل لاتكتبينها

    هني للاحلام والابداع الكل يكتب .. والباقي يحاولون يشكلون ويضبطون سواء من شرعيتها او طريقتها

    وتسلمين على عرضج للافكار وبالتوووفيق ان شالله اختي ام شيخه

  2. شوف اخ نايف خطرتلي فكره بصراحه لكن انا نفسي لحد الحين مب قادره ارتبها عدل ومب عارفه كيف ممكن تنفذ واذا هالشي سهل والا لا……هي ما بتكلف غير ويب سايت و اعتد ترخيص للشي اللي نريد نسويه ومبلغ اكيد للدعايه……عباره عن مسابقه (يا تاخذ يا تعطي)يعني بمجرد كليك تبدا ارقام تطلع وبكليك ثاني توقف ونحن وحظنا….اذا وقف على (عليك 5 دراهم) مثلا تسحبون منه او اذا وقت على(لك درهم)تعطونه…اتمنى فهمت مقصدي….بس كيف ريقة انك بتاخذ من ماعرف…يمكن انه لازم يضيف حساب لنفسه فالموقع نفسه……وبالنسبه للمشروعيه بعد ماعرف لكن اذا كانت غير مشروعه الله يسامحني لجهلي فهالشي….ورجاء لا تعلقون عشان نقدر نكمل احلامنا بحريه

  3. صحيح ان هالموضوع لعالم من الاحلام وكل شي فيه حلمxحلم…….لكن ما نحلم لدرجه اننا ما نسأل..نحن شو بنستفيد من هالاحلام؟ ترا السالفه كلها بزنس……يعني البزنس يهمنا….يله شجعنا اخوي نايف عشان نبدع فاحلامنا وافكارنا…..

    هلاااا اختي ام شيخه

    الحلم بدوون هني بدون حدود ..وكله بزنز افاا عليج

    شوفي الله يسلمج من الاحلام بنطلع بافكار كثيره … بنحاول نشكلها باكثر شي مناسب ويكون شي رهيب من الي تكون ارباحه خياليه بفتره قصيره وبراس مال قليييل جدا …

    يعني مثل المشاريع اللي نسمع عنها وايد وتصير كل يوم بالعالم ..

    لازم يكون لنا نصيب منها

    فبهالموضوع ان شالله نحاول ان نطلع بشي خيالي وبعدها نشغله وبعدها نربح منه

    عرفتي وين الفايده .. ومثل ماتعرفين كل شي لازم يرجع لفايده تجاريه بعدين

    وبالتوفيق ان شالله وبانتظار ابداعاتكم اللي بدون حدود

    __________________

  4. صحيح ان هالموضوع لعالم من الاحلام وكل شي فيه حلمxحلم…….لكن ما نحلم لدرجه اننا ما نسأل..نحن شو بنستفيد من هالاحلام؟ ترا السالفه كلها بزنس……يعني البزنس يهمنا….يله شجعنا اخوي نايف عشان نبدع فاحلامنا وافكارنا…..

  5. فيما يبدو انها بتكون رحلة المليون السريع
    خلونا نشوف إن كان للعقل حدود
    أو لا
    الله يوفق الجميع

    تسلم اخوي على متابعتك الدايمه

    وان شالله تكون رحله مليون سريع … وبلا حدوود

    وبالتوفيق للجميع ان شالله

    __________________

Comments are closed.