السلام عليكم ورحمه الله وبركاته
خواتي اخواني .. شحالكم ان شالله طيبين كلكم …
طبعا اغلبنا شفنا القصص اللي انعرضت بموضوع المشاريع وتفكيرها وشفنا ان افكار توصل للملايين بسهوله خياليه وانا عندي ايمان بهالشي ان دوم في افكار تكون مش طبيعيه وتوصل صاحبها للثراء السريع سواء ماليا او تجاريا
اخواني طبعا شفنا طريقة ديزني اللي قالت عنها قلب الايمان ان يكون مساحه للحالمين وبعدها للواقعين وبعدها للتنفيذ
وشفنا قصة الشباب الانجليزي اللي وصل للمليون دولار في خلال شهر من فكره بسيطه جدا ..
اخواني هالمساحه نحددها للاحلام من المشاريع ..
يعني كل واحد يقول اللي عنده من فكره غريبه او مينونه او غيره ..الى ان نطلع بفكره خياليه مثل اللي صار مع كثير من غيرنا
محد بيضحك على احد فلا تستحون … ومحد بيعلق على احد فلا تترددون … الكل بيشجع وبيقول اي شي كان يفكره فيه من الطفوله او الحين ..
الافكار اللي بهالموضوع بتتعدى كل الحدود عشان كل شخص يساعد في تشكيلها وكل فكره بيي حد ثاني وبيساعد ان يشكلها الى ان نطلع بشي قابل للتنفيذ بالنهايه …
وافكاركم كلكم راح تساعدنا .. ومانبي المشاريع اللي تكون بارباح عشرين بالميه او ستين بالميه او حتى ميه بالميه سنويا .. نبي شي خيالي بهالموضوع يعني هني راح ناخذ اقرب طياره للقمر وبنبعد عن افكار الواقع
وعندي احساس ان بنطلع بشي خيالي 
وبالتوفيق ان شالله
أخوي نايف ..
عندي فكرة بسيطة ..
شراء سيرفر من احدى الشركات التي تقدم السيرفرات ..
ورعايه الموهوبين في الخليج العربي من مصممين ومبرمجين مقابل رسوم تشغيليه بسيطة 50$سنوياً .. مع ضرورة الاستفادة من هاذي الكفاءات مستقبلا …وتكوين فريق متكامل للخدمات التكنلوجية ثم تستمر مسيرة صقل الموهوبين من خلال مواقعهم ويتم اختيار مجموعات للعمل ضمن طاقم شركة معينة لخدمات الأنترنت مقابل راتب جيد يحصل عليه .
اخويه نايف ممكن سؤال عشان نعرف شو هي الحدود اللي ممكن نحلم فيها…..هل انت محتاج مشروع تقريبا تكاليفه معدومه او بسيطه او حتى لة كانت تكاليفه وايد كبيره وبالملايين؟؟لانه لو عادي انه يكلفك ترى فكرة اننا نسوي منتجع او حتى مركز بس يكون نسائي(طبعا من انصار المرأه)كل شي في يختص برفاهية وراحة المرأة……حتى عاملات النظافه يكونن حريم….والسيكيوريتي بعد حريم….ممممم افظل يكون فالعين….لانها هاديه ومريحه…..صالة العاب…مسبح….كوفي….نادي صحي…مطاعم…..سينما…..حتى لو صالة تزلج بعد….صالون…ترا الحريم يفتقدن هالاشياء..بس اكيد يكون شي متكامل وفخم….
السلام عليكم ورحمه الله ويركاته
يا حيك والله اخوي نايف ومشكور على طرح الموضوع اللي يشمل افكار جنونية
انا الصراحة عندي فكرة ماصارت ولا ستوت بالإمارات
وتوقعات كل شباب وبنات الدولة يكونون الكستمر حتى الصغار والشواب
بس انا ماقلت لحد هاي الفكرة غير اللي بداخل البيت بس صعب تنفيذها والله يكون بالعون
وحاط ببالي اطرحها في مؤسسة محمد بن راشد ..
بس سؤال والله مب قصدي شيء كيف تبانا نقول الفكرة الجنونية اللي ماصارت ولا ستوت بالإمارات ونحلمها ونحن يهال بكل سهولة وجدام الكل ؟؟ يمكن أي ضيف يسرق الفكرة بكل سهولة !!
اخوي تسلم على مرورك واهتمامك
والقصه بتلقاها الله يسلمك في الوصله المرفقه من اخونا تريدنج
الشكر لك اخوي ترايدنج على متابعتك الدايمه وتبيين مكان القصه لاخونا مشروع
وبالتوفيق للجميع ان شالله وشكرا لكم
__________________