للأسف سمعت الكثير عن اراضي منطقة خليفة ب انها ممتلئة بالكهوف …. وللأسف الملاك هم من يتكبدون خسائر البناء. بمعنى انك لو اشتريت ارض لابد وان تدفع مبلغ محترم لكشف وردم هذه الكهوف. الصور التالية وصلتني بالايميل وصراحة دهشت …. الله يعين ملاك هذه المنازل. يا ترى هل نفس الشيء يحدث في مناطق خليفة أ ومحمد بن زايد؟ وكم يكلف ردم الكهوف؟
تحياتي
كلام واقعي
للتوضيح يا خوي عندي معلومه ماحد يعرفها حد لاني تدخلت بطريقتي الخاصه في هذا الموضوع
هذي صور نشرت كثير وهي في حوض 4 في منطقه خليفه ب وللعلم ان حوض 4 لا يوجد فيه اي نوع من الكهوف او فجوات وتقدر تتأكد من بلديه ابوظبي الموضوع يرجع الى ان في بيب ماي خاص للبلديه كبير انكسر وهو للمده اسبوعين يخر ماي من تحت البنيه التحتيه واكيد بتشوفون شو الي صار
وللعلم ان الفله الي توها تنبني للسوء المقاوليين والمكتب الاستشاري هو سبب لنزول الفله ( صورة الخيرة ) وللعلم ان في فله بجانب فله الي في صورة الاخير لم يتغير فيها شي وتقدر بعد تتأكد
ياأخواني في كل مكان يوجد كهوف أو فجوات بس يوجد اكثر من طريقه
وانا عندي صديق لي عنده ارض في خليفه أ فيها كهف تحت 7 متر من ارض وصبه عليه خراسانه
وكلفا تقريبا 14 الف درهم
ونصيحتي للي يبني في خليفه ب انصح بشده انه يسوي بايلنغ احسن من يسوي اساس واختيار احسن مختبر تربه في ابوظبي
واي واحد يريد يبني يواصلني وان شاء الله ما بيخسر
وشكرااا لكم
الله يكوت في عون سكان هذه المنطقة
مش كل المناطق في كهوف..
هي منطقة معينه فيها كل هالخراب..
ولا مدينه خليفه ب صارت مليئه بالسكان والمدارس مثل المدرسة الاستراليه
وقريبا جامعه زايد ومستشفى خليفه
انصح كل من يملك ارض في مدينه خليفة ب يعمل كشف صحيح على الارض
واللي سمعته ان مدينه محمد بن زايد مشكلتها اسوء بكثير عن مدينه خليفة ب
الله يعين سكان هـ المنطقه