السلام عليكم ورحمة الله
اخواني حبيت اطرح هذا الموضوع واشوف رأيكم فيه
اولا نحنا الحمدلله كل مانريد نشتري شي نتوجه الي المنتدي ونشوف الاشياء الي تنباع هنيه ونعرف ان في محلات برع تبيع ولكن نقول نريد نفيد الناس الي في النت الي هم التجار بعتبارهم ماعندهم محلات او شركات ويريدون يستفيدون بدال جلستهم في البيت..
الموضوع ان حصل واشتريت جهاز نوع GUCCI وقلت هذا الجهاز تمام اول ماشغلته طبعا انا ماريد اذكر عيوبه في الاستخدام او اصوات التشغيل المزعجه جنه سيارة مطافي جدامك ( انتقاد ) اريد اقول او ادخل في صلب الموضوع الا وهو
بصراحه ماتسوي علينا ها البيعه بعد ماتشتري التلفون من احد التجار يا يلبسك يا يعطلك يا تنحرج لمن تشتريله التلفون يا يرتفع ضغطك من كثر مايخترب وتصلح في هذا التلفون ويطلع عليك كله اغلى من بيع السوق …
والي يبط الجبد ان في المحلات برع او الاسواق السودا الي تبيع ها النوعيه من التلفونات تلاقيهم يبيعونه اب 800 وهنيه البعض يزود المبلغ الي الكيف الي يعجبه وطبعا هذا سعر تقريبي مش بالضبط
فسؤالي هنا ؟ كيف نبيع الشي بدون ضمان وكيف نبيع الشي بدون حتى ان يدلونا على محل معين لقطع الغيار او التصليح؟
انا ادري في واحد يمكن يدخل ويتبرع من نفسه بالتصليح ولكن تذكر يا اخى ان التلفونات مب بس هذا الطراز الي ينباع تجاري بعد في النوكيا 8800 السفير اعتقد .
انا اترك لكم الان المجال للرد والتعليق والتفكير قبل شراء اي جهاز او شئ غير مضمون او اصلي .
وانا اشكر بصراحه ادارة المنتدي على وضع قوانين تمنع البيع للادوات او الاجهزة المقلده ونعجز صراحة عن شكركم لتوجيهاتكم
وانا فعلا رأيت الادارة او المشرفين يقومون بقفل المواضيع الي فيها بيع اجهزة مقلدة او غير اصليه
ولكن لي رجاء ان يتم المنع على الكل وليس البعض والله يوفقكم في عملكم وفقكم الله
واترك الموضوع الان للأعضاء للتعليق على الموضوع
ولكن نرجوا من التجار عدم الانزعاج من هذا الموضوع فأنتم تريدون الربح ونحن نريد ان نحصل على الضمان لما نشتريه وتذكر اخى ان ما اشتريه ليس من فراغ بل من نقود انا كدحت حتى احصل عليها
هذا والسلام عليكم ورحمة الله
شويه مقروص من الخاطر اخوي دار زايد
المشكله التاجرين غير عن بعض ..
وثنيناتهم معاملتهم ….. خلها على الله
بصبر وبشووف اليوم اخر مهله .. وعلى الله مايطلعون لي حجج
النوكيا السفير البني اللي طبق الاصل في السوق الصيني بـ 500 درهم قبل المكاسر
وبعد المكاسر بيعطيك اياه بـ 450
وعندنا في المنتدى اسعار دبل يا ب 900 او فوق الالف درهم
الظاهر مقروص من الخاطر
^_^
جربت التعامل وشراء البضاعة التقليد مرتين بالمنتدى وبالنهاية ولا واحد منهم تم اكثر من يومين
التلفونات غش وماتنفع بالمره ومهما قالوا انها طبق الاصل راح تحصل فيها فروقات حتى لو كانت بسيطه بس بعد تراها فروقات ومابتحصل شي 100 %
بالنهاية إدارة المنتدى ما يتحمل مسؤولية الشراء والبيع وفاكين اعمارهم من صدعة الراس والقوانين المفروض تحمينا بس للأسف يمكن البعض يتجاهل هالقوانين ويطرح مواضيع مخالفه قد تمر بدون لا يشوفوها مشرفين القسم
اما بخصوص التلفون اللي خذته عطه للدريول ولا لحد تعرفه وعساك تكسب اجر ان شاء الله
والله يوفق الجميع
اولا صباح الخير اخوي ابو مكتوم ..
وثانيا كل عام وانته بخير ومباركن عيدك ^_^
وثالثا انا اليوم اخر مهله لي مع تاجرين فالمنتدى واذا ماستوى الي اتفقت وياهم عليه
راح ارجع لموضوعك واتكلم بكل صراحه عنهم ليكونون عبره لغيرهم ومحد يتعامل معاهم
لان الي قاعد يصير لي شي مب معقول
اتلومت ويا ربعي واهلي الي جمعت طلبياتهم وقلت بنفع التاجر دام انه ولد البلاد وتاخير وعدم الرد على التيلفونات كل يوم حجه الصراحه طفرت
اسعار خياليه التيلفونات برع المنتدى ارخص بوايد من هنيه !! وماشي قطع غيار
مابتكلم الحين
ولي عوده ان شاءالله اخوي بومكتوم في حال التاجرين اخلوو بالاتفاق
وبظهر الي فخاطري كله ..
ومشكور الغالي على موضوعك الي اتمنى الكل يستفيد منه ..