السلام عليكم ورحمة الله
اخواني حبيت اطرح هذا الموضوع واشوف رأيكم فيه
اولا نحنا الحمدلله كل مانريد نشتري شي نتوجه الي المنتدي ونشوف الاشياء الي تنباع هنيه ونعرف ان في محلات برع تبيع ولكن نقول نريد نفيد الناس الي في النت الي هم التجار بعتبارهم ماعندهم محلات او شركات ويريدون يستفيدون بدال جلستهم في البيت..
الموضوع ان حصل واشتريت جهاز نوع GUCCI وقلت هذا الجهاز تمام اول ماشغلته طبعا انا ماريد اذكر عيوبه في الاستخدام او اصوات التشغيل المزعجه جنه سيارة مطافي جدامك ( انتقاد ) اريد اقول او ادخل في صلب الموضوع الا وهو
بصراحه ماتسوي علينا ها البيعه بعد ماتشتري التلفون من احد التجار يا يلبسك يا يعطلك يا تنحرج لمن تشتريله التلفون يا يرتفع ضغطك من كثر مايخترب وتصلح في هذا التلفون ويطلع عليك كله اغلى من بيع السوق …
والي يبط الجبد ان في المحلات برع او الاسواق السودا الي تبيع ها النوعيه من التلفونات تلاقيهم يبيعونه اب 800 وهنيه البعض يزود المبلغ الي الكيف الي يعجبه وطبعا هذا سعر تقريبي مش بالضبط
فسؤالي هنا ؟ كيف نبيع الشي بدون ضمان وكيف نبيع الشي بدون حتى ان يدلونا على محل معين لقطع الغيار او التصليح؟
انا ادري في واحد يمكن يدخل ويتبرع من نفسه بالتصليح ولكن تذكر يا اخى ان التلفونات مب بس هذا الطراز الي ينباع تجاري بعد في النوكيا 8800 السفير اعتقد .
انا اترك لكم الان المجال للرد والتعليق والتفكير قبل شراء اي جهاز او شئ غير مضمون او اصلي .
وانا اشكر بصراحه ادارة المنتدي على وضع قوانين تمنع البيع للادوات او الاجهزة المقلده ونعجز صراحة عن شكركم لتوجيهاتكم
وانا فعلا رأيت الادارة او المشرفين يقومون بقفل المواضيع الي فيها بيع اجهزة مقلدة او غير اصليه
ولكن لي رجاء ان يتم المنع على الكل وليس البعض والله يوفقكم في عملكم وفقكم الله
واترك الموضوع الان للأعضاء للتعليق على الموضوع
ولكن نرجوا من التجار عدم الانزعاج من هذا الموضوع فأنتم تريدون الربح ونحن نريد ان نحصل على الضمان لما نشتريه وتذكر اخى ان ما اشتريه ليس من فراغ بل من نقود انا كدحت حتى احصل عليها
هذا والسلام عليكم ورحمة الله
انا احس
انك تبغي تستلم 3 من التجار اهني وتطلع كل شي عنهم وهذا غير الفضائح ….
الغالي ….لو تنصح اللي تعرفه مب احسن ؟؟؟
والله لو للذنب رائحة او علامة جان كلنا افتضحنا ولكن ربنا العليم الحليم الغفار الستار يسترنا كل يوم ونحن مانتووووب
والحمدالله انه مافي رقيييب علينا الا الله هو من يراقبنا فقط ويعلم السر وكل شي فمثل ما الله رزقنا نعمة الستر
جه نحن ما نستر ع غيرنا وصدقني يا عزيزي انه لو كل واحد شارك وقال فلان الفلاني يوم من الايام غشني
وشريت منه شي وللاسف طلع ها الشي فيه جي وجي وجي بيعم الفوضي في المنتدى وكل واحد بيكره الثاني
بس بصراحة انت ماقصرت واستفدنا من مشاركتك
كفاية نغزتك وصدقني اللي يعرف انك تعرف عنه كل شي راح يترك وبيغير اسلوبه وحياته بعد
بس هال التاجر لازم يتريا انه اي فلان ويهدده بالاعلان عنه وعن جرائمه ؟؟؟ علشان يترك بعض التصرفات الغير مقبولة او تجاوزاته والحاقه الضرر للاخرين ؟؟؟
وين التجار نبغي نسمع منهم
كلنا ملاحظين ها الشي
ع فكرة لاشي يخفى ع الله وع الادارة ولكن الادارة صااااابرة عليهم وكل شي في وقته حلو وقريبا يمكن نعرف كل شي
بعضهم ما يقدرون لاني ماسك عليهم بلاوي فالرسائل الخاصة
ماتلاحظون ان تجار البضائع المقلده متواجدين فقط بدون ردود ؟؟!!
اتمنى منهم يردون على الموضوع ..
ويبينون وجهات نظرهم تجاه مايقومون فيه .. !!
واتمنى من الاداراه ايضا مشاركتنا النقاش عل وعسى ان نخرج بحلول تفيد الجميع ..
يا سلام عليك يا خوي دار زايد كلام 100 %
ومثل ما قلت التاجر ممكن يفتح موضوع ثاني عقب كم يوم بس بايد الادارة انها توقف العضو لتكرار المخالفة رغم التنبيه
ان شاء الله نقدر انحل المشاكل اللي صايرة