السلام عليكم ورحمة الله
اخواني حبيت اطرح هذا الموضوع واشوف رأيكم فيه
اولا نحنا الحمدلله كل مانريد نشتري شي نتوجه الي المنتدي ونشوف الاشياء الي تنباع هنيه ونعرف ان في محلات برع تبيع ولكن نقول نريد نفيد الناس الي في النت الي هم التجار بعتبارهم ماعندهم محلات او شركات ويريدون يستفيدون بدال جلستهم في البيت..
الموضوع ان حصل واشتريت جهاز نوع GUCCI وقلت هذا الجهاز تمام اول ماشغلته طبعا انا ماريد اذكر عيوبه في الاستخدام او اصوات التشغيل المزعجه جنه سيارة مطافي جدامك ( انتقاد ) اريد اقول او ادخل في صلب الموضوع الا وهو
بصراحه ماتسوي علينا ها البيعه بعد ماتشتري التلفون من احد التجار يا يلبسك يا يعطلك يا تنحرج لمن تشتريله التلفون يا يرتفع ضغطك من كثر مايخترب وتصلح في هذا التلفون ويطلع عليك كله اغلى من بيع السوق …
والي يبط الجبد ان في المحلات برع او الاسواق السودا الي تبيع ها النوعيه من التلفونات تلاقيهم يبيعونه اب 800 وهنيه البعض يزود المبلغ الي الكيف الي يعجبه وطبعا هذا سعر تقريبي مش بالضبط
فسؤالي هنا ؟ كيف نبيع الشي بدون ضمان وكيف نبيع الشي بدون حتى ان يدلونا على محل معين لقطع الغيار او التصليح؟
انا ادري في واحد يمكن يدخل ويتبرع من نفسه بالتصليح ولكن تذكر يا اخى ان التلفونات مب بس هذا الطراز الي ينباع تجاري بعد في النوكيا 8800 السفير اعتقد .
انا اترك لكم الان المجال للرد والتعليق والتفكير قبل شراء اي جهاز او شئ غير مضمون او اصلي .
وانا اشكر بصراحه ادارة المنتدي على وضع قوانين تمنع البيع للادوات او الاجهزة المقلده ونعجز صراحة عن شكركم لتوجيهاتكم
وانا فعلا رأيت الادارة او المشرفين يقومون بقفل المواضيع الي فيها بيع اجهزة مقلدة او غير اصليه
ولكن لي رجاء ان يتم المنع على الكل وليس البعض والله يوفقكم في عملكم وفقكم الله
واترك الموضوع الان للأعضاء للتعليق على الموضوع
ولكن نرجوا من التجار عدم الانزعاج من هذا الموضوع فأنتم تريدون الربح ونحن نريد ان نحصل على الضمان لما نشتريه وتذكر اخى ان ما اشتريه ليس من فراغ بل من نقود انا كدحت حتى احصل عليها
هذا والسلام عليكم ورحمة الله
وعليكم السلام ورحمة الله وبركاته
الحل بسيط اختي الكريمه اذا شريتي شي من تاجر لاتعطينه الرقم اعطيه رقم اي احد من الاهل على
شأن ما يزعج واذا عطيتيه رقمج وازعج بلغي الاداره عليه وراح تصرف ولا فضحيه على العام طلعي العين
الحمراء لهم
والسموحه منج
للرفع
للرفع
صراحه موضوع عجيب وكل اللي في خاطره شيء طلعه
طبعا ناقشوا جودة السلع واسعارها والغش والتوصيل والتعامل وغيره وغيره
بس الأهم يا اخوان أخلاقيات وقيم التاجر ,,,!!!
الكل بيقول هذي تربيته منعكسه عليه حتى في البيع والشراء ..!!
بس يوم يكون هذا البائع معروف وولد البلاد وانت تكلمه بكل احترام وصدق نيه .. يطلع لك بصدمه غير متوقعه ..؟؟
عيشوا الموقف يا أعضاء ..
تاجر عرض سلعه عجبتني وتم التفاوض والتفاهم بخصوص الشراء ..وعقب الاتفاق عطاني بياناته علشان احول له المبلغ عن طريق الصرافه وعطيته بياناتي علشان التوصيل ,,,ْ
طبعا تم التحويل وطرشت له مسج بالحواله
واستلمت الطلب وهو استلم فلوسه وانتهى الموضوع …!!!
بس الظاهر التاجر افتكر انه اشترى المشتري بعد!!!!
ياجماعه المسجات توصلني منه بسبب او بدون سبب طنشنا قلنا يمكن مغلط ,, يتصل طنشنا ,, وقلنا خير بشو تآمر ؟؟
ادخل المنتدى من يشوفني اون لاين طرش رسايل عبيطه … طنشته التفت على الموبايل اشوف مسج بعلامة استفهام ,,
استغرب ..؟
شو بيني وبينه
واقول نعم
قالي انتي ع المنتدى
وانت شو خصك
والله ماقطع لين هددته بالشرطه ..
وانا اذا عصبت اسويها عادي
صدق خلاني اكره الغرض لي خذته منه ,, ويلست الوم نفسي الاف المرات !!!
وفيه ماشاء الله عليهم شباب قمة بالاحترام والادب واتشرف اني اتعامل معاهم
فشو الحل ياجماعه ويا هالناس
يعني نكتب لهم الايمييل علشان التوصيل ؟؟؟
والسموحه ع الفضفه ..
والاطاله …
#1 (permalink)
كبير المستثمرين
الــمراقب الــعام
تنبيه للتجار : تم منـــع بيع السلع المقلدة والسلع المخالفة لقوانين الدولة
——————————————————————————–
السلام عليكم ورحمة الله
اخواني الاعضاء تقرر منع بيع :
1- الساعات و الأقلام و الحقائب المقلدة
2- مقويات الارسال المستخدمة من قبل شركات الاتصالات
3- مشوشات الارسال المستخدمة من قبل شركات الاتصالات
4 – اجهزة الإتصال اللاسلكي
5- الهواتف المقلدة
6- الرسيفرات اللتي تفتح القنوات المشفرة
7- أجهزة كاشف الرادار
وأي منتج مخالف لقوانين الدولة
وعليه
سيتم اغلاق او حذف أي من المواضيع أو المنتجات المخالفة التي لا تزال مفتوحة للحوار أو للبيع و الشراء
ومعاقبة كل من يخالف ذلك متعمداً .. بـ إلغاء عضويته
والسموحه منكم
الاداره
——————————————————————————–
التعديل الأخير تم بواسطة : كبير المستثمرين بتاريخ 12-12-2007 الساعة 09:52 PM.
لاحول ولا قوه الا بالله
تقريبا نفس المشكله الي صادفتك ياخوي ابومكتوم
شو بتقول خلها على الله ..
ناس ماتخاف ربها وهمها الفلوس والربح !!