السلام عليكم ورحمة الله
اخواني حبيت اطرح هذا الموضوع واشوف رأيكم فيه
اولا نحنا الحمدلله كل مانريد نشتري شي نتوجه الي المنتدي ونشوف الاشياء الي تنباع هنيه ونعرف ان في محلات برع تبيع ولكن نقول نريد نفيد الناس الي في النت الي هم التجار بعتبارهم ماعندهم محلات او شركات ويريدون يستفيدون بدال جلستهم في البيت..
الموضوع ان حصل واشتريت جهاز نوع GUCCI وقلت هذا الجهاز تمام اول ماشغلته طبعا انا ماريد اذكر عيوبه في الاستخدام او اصوات التشغيل المزعجه جنه سيارة مطافي جدامك ( انتقاد ) اريد اقول او ادخل في صلب الموضوع الا وهو
بصراحه ماتسوي علينا ها البيعه بعد ماتشتري التلفون من احد التجار يا يلبسك يا يعطلك يا تنحرج لمن تشتريله التلفون يا يرتفع ضغطك من كثر مايخترب وتصلح في هذا التلفون ويطلع عليك كله اغلى من بيع السوق …
والي يبط الجبد ان في المحلات برع او الاسواق السودا الي تبيع ها النوعيه من التلفونات تلاقيهم يبيعونه اب 800 وهنيه البعض يزود المبلغ الي الكيف الي يعجبه وطبعا هذا سعر تقريبي مش بالضبط
فسؤالي هنا ؟ كيف نبيع الشي بدون ضمان وكيف نبيع الشي بدون حتى ان يدلونا على محل معين لقطع الغيار او التصليح؟
انا ادري في واحد يمكن يدخل ويتبرع من نفسه بالتصليح ولكن تذكر يا اخى ان التلفونات مب بس هذا الطراز الي ينباع تجاري بعد في النوكيا 8800 السفير اعتقد .
انا اترك لكم الان المجال للرد والتعليق والتفكير قبل شراء اي جهاز او شئ غير مضمون او اصلي .
وانا اشكر بصراحه ادارة المنتدي على وضع قوانين تمنع البيع للادوات او الاجهزة المقلده ونعجز صراحة عن شكركم لتوجيهاتكم
وانا فعلا رأيت الادارة او المشرفين يقومون بقفل المواضيع الي فيها بيع اجهزة مقلدة او غير اصليه
ولكن لي رجاء ان يتم المنع على الكل وليس البعض والله يوفقكم في عملكم وفقكم الله
واترك الموضوع الان للأعضاء للتعليق على الموضوع
ولكن نرجوا من التجار عدم الانزعاج من هذا الموضوع فأنتم تريدون الربح ونحن نريد ان نحصل على الضمان لما نشتريه وتذكر اخى ان ما اشتريه ليس من فراغ بل من نقود انا كدحت حتى احصل عليها
هذا والسلام عليكم ورحمة الله
للرفع ^^
الموضوع عايبني وحاطنه فالفضله عندي ^^
يبرد حرتي شويه ههههه
طرح الموضوع للنقاش شي حلو وان شاء الله يطلع بنتيجة لانه فتحنا باب للكل يرمس ويتكلم عن المواقف اللي صارتلهم
والله يكون في العون
والله يا جماعة حبيت هالموضوع
يالله للرفع
يا جماعة ما تلاحظون ظاهرة يديدة و إلي هي إنه بعض التجار قاموا يبيعون أغراض تقليد على أساس إنها أصلية ؟ و دائما عذرهم المشهور (البضاعة هدية + الضمان أو الفاتورة ضاعت) ,, في واحد الله يستر عليه ,, قبل كمن يوم كان يبيع تلفون 8800 تقليد معاه سماعة واير و جرج بو حبتين (علما إنه ال 8800 الأصلي ما يي معاه سماعة واير و يي معاه جرج بو 3 حبات و ما في 8800 تصنيع فنلندا ,, كلهم تصنيع كوريا ,, حتى إلي ينباع في بريطانيا تصنيع كوريا) المهم موضوعه الأولي إتصكر ,, ألحينه رجع فتح موضوع يديد و حط صور لنفس التلفون على أساس إنه أصلي و إفتتح المزاد من 4000 درهم ,, لهاي الدرجة فلوس الحرام يحبونها ؟ (إلي على راسه بطحه يحسس عليها)