السلام عليكم ورحمة الله
اخواني حبيت اطرح هذا الموضوع واشوف رأيكم فيه
اولا نحنا الحمدلله كل مانريد نشتري شي نتوجه الي المنتدي ونشوف الاشياء الي تنباع هنيه ونعرف ان في محلات برع تبيع ولكن نقول نريد نفيد الناس الي في النت الي هم التجار بعتبارهم ماعندهم محلات او شركات ويريدون يستفيدون بدال جلستهم في البيت..
الموضوع ان حصل واشتريت جهاز نوع GUCCI وقلت هذا الجهاز تمام اول ماشغلته طبعا انا ماريد اذكر عيوبه في الاستخدام او اصوات التشغيل المزعجه جنه سيارة مطافي جدامك ( انتقاد ) اريد اقول او ادخل في صلب الموضوع الا وهو
بصراحه ماتسوي علينا ها البيعه بعد ماتشتري التلفون من احد التجار يا يلبسك يا يعطلك يا تنحرج لمن تشتريله التلفون يا يرتفع ضغطك من كثر مايخترب وتصلح في هذا التلفون ويطلع عليك كله اغلى من بيع السوق …
والي يبط الجبد ان في المحلات برع او الاسواق السودا الي تبيع ها النوعيه من التلفونات تلاقيهم يبيعونه اب 800 وهنيه البعض يزود المبلغ الي الكيف الي يعجبه وطبعا هذا سعر تقريبي مش بالضبط
فسؤالي هنا ؟ كيف نبيع الشي بدون ضمان وكيف نبيع الشي بدون حتى ان يدلونا على محل معين لقطع الغيار او التصليح؟
انا ادري في واحد يمكن يدخل ويتبرع من نفسه بالتصليح ولكن تذكر يا اخى ان التلفونات مب بس هذا الطراز الي ينباع تجاري بعد في النوكيا 8800 السفير اعتقد .
انا اترك لكم الان المجال للرد والتعليق والتفكير قبل شراء اي جهاز او شئ غير مضمون او اصلي .
وانا اشكر بصراحه ادارة المنتدي على وضع قوانين تمنع البيع للادوات او الاجهزة المقلده ونعجز صراحة عن شكركم لتوجيهاتكم
وانا فعلا رأيت الادارة او المشرفين يقومون بقفل المواضيع الي فيها بيع اجهزة مقلدة او غير اصليه
ولكن لي رجاء ان يتم المنع على الكل وليس البعض والله يوفقكم في عملكم وفقكم الله
واترك الموضوع الان للأعضاء للتعليق على الموضوع
ولكن نرجوا من التجار عدم الانزعاج من هذا الموضوع فأنتم تريدون الربح ونحن نريد ان نحصل على الضمان لما نشتريه وتذكر اخى ان ما اشتريه ليس من فراغ بل من نقود انا كدحت حتى احصل عليها
هذا والسلام عليكم ورحمة الله
او تشتري عنه بضاعه مضمونه وتساله وين الضمان يقولك اذا استوابها شي اتصلبي وبعد فتره تتصلبه مايرد او مغلق ّ!!
او تاخير في وصول البضاعه او .. او .. او ..
الغالي لك حق انك تطالب ها الانسان
لانه غير كلامه ودام انه الضمان موجود فلازم يرد عليك ……يعني هو للاسف باع ع اساس الضمان موجود وانت اكتشفت انه البضاعة بدون ضمان
يعني غش
بس للعلم انه اي بضاعة تقليد (بدون ضمان ) حتى لو تدخل اي محل في سوق نايف او الراس التاجر قبل لايبيع لك اي بضاعة يقول لك
اذا كان هندي = بابا زمان نيه انته مسؤول
وااذا كان مصري= مفييييييش ضمان يا غالي واوووع تزعل منننا اصل كل الناس زعلانه هههههههه
واذا كان التاجر صيني = او مايشوفك يقولك نو قرنتي نووووو قرنتي نووووو قرنتي واذا شافك انسان محتار مايبيع لك عشان ماتبلغ عليه البلدية
واذا كان ايراني = خووو زمان نييست والله
يعني يا الغالي الحلال بين والحرام بين
اي شي ماعليه ضمان لاتشتريه علشان ماتتعب وتعب غيرك
وينك يا اخوي انت جه زعلان من الكل
اتصلت بك امس ومارديت علي ونحن اخوة واذا عضو تاجر ماعاملك معاملة زينه
ارجووووووووووووك لاتعممم
نحن نحب لك الخير ونتمنى لك التوفيق
قالووو للحرامي أحلف قال أتى الفرج ( فيس رافع خشته )
كل صاحب بضاعه يبا يبيع بضاعته في المنتدى يقسم بالله ثلاث مرات بان بضاعته اصليه وارخص عن السوق
مجرد راي والبركه في بقيه الاعضاء
اخوي
مره شفت موضوع لوحده من الاخوات تحلف ايمان مغلظه بأن الساعه اللي تبيعها اصليه وبالصفحه الثانيه بروحها قالت بأن الساعه تقليد
وغيرها عضو من الاعضاء يبيع بضاعته كلها في خلال ساعه ( داماك العقارية )
وبالنهاية تلاقي عنده حبه وحده بس ويقول عنده 50 حبه وفجأه خلال ساعه بقت عنده حبه وحده وكلها كذب في كذب
هالنوعية لو نحط لها قائمة سوداء راح تتحذر قبل لا تنزل اي موضوع
سوالف النصب ياكثرها والنصابين مب محصلين رادع
والله يعين