البارحة كان اخر يوم في القرية العالمية و قررنا انا انسير وكان الصراحة زحمة وما رمنا ندخل كل القري لفينا في كمن قرية وبعد حواطة دامت 6 ساعات كاملة وفي هالزحمة اشتريت بعض الأغراض
وقررت أحطلكم صور لبعض أغراضي المتواضعة

نبدأ من القرية الكويتية

خذت فستان حلو على قولت الكويتين دراعة بس ما صورته وعطرين شيوخي خاص حق الثياب ريحتتتتتتته اتجنن وهادية كان ب110 وخذته البارحة عقب المكاسر ب 50

من القرية التايلندية
خذت عودين معطر من محل حليمة عيبتني ريحته خذت غرشتين الوحدة ب 60 بس مع انه يستاهل أكثر من خذت انا كلهم خذواااااااا منه
ومن القرية اليمنية
خذت عسل سمر الكيلو ب 100 كنت ماخذتنه قبل ب200

خذت ثلاث كريمات باللوز الواحد ب 15 درهم كان ب 30 يخلي البشرة ناعمة وطرية
ومن الايرانية خذت زعفرااااااااااااان وشاي بالزعفران الصراحة خباااااااااال

هاي بعض صور مشترياتي البارحة من القرية العالمية ان شالله اتعيبكم
وانتوا شو خذتواااااااااااااااا

9 thoughts on “مشترياتي من القرية العالمية ……….بالصور”

  1. و خذت شنطة نوعيتها ممتازة ماركة D&G بس ما اذكر من أي قرية لاني كنت أتحوط و ما ركزت على اسم القرية ب 120 والله انها تستاهل أكثر وهاي صورتها

  4. انا ما خذت شي

    لاني ما سرت لوووووووووووووووول

    ما شاء الله يعلهن مبروكات ان شاء الله

    مشكوور أخوي
    الله يهنينا جميع امين

  5. انا ما خذت شي

    لاني ما سرت لوووووووووووووووول

    ما شاء الله يعلهن مبروكات ان شاء الله

    الله يحفظج

Comments are closed.