مشترياتي من القريه العالميه

دووورت الموضوع الخاص بالقريه العالميه وما لقيته فقلت انزله هنيه وانقلوه المكان المناسب

رحت اليوم القريه العالميه كانت هاااااااااااااااااديه وايد وما فيها زحمه وماي المطر راكد وخاست عباتي L
بس الحمدلله تجولت فيها ,…كنت واصله متاخره لو رحت لها من وقت شويه جان خذيت راحتي اكثر وكان ودي اني اصور محلات خواتي ام خليفه وام سواف بس ما خذت الكاميرا ويايه وللاسف محل ام سواف ما حصلته كنت ابغي اخذ عنها مقص الليزر وسوالف ثانيه بس ما دليته
[URL=http://up.arab-x.com/][/url]
النصيب الاكبر كان من نصيب اختي ام خليفه خذت من عندها سوالف وااايده لاني حافظه محلها من السنه الاي طافت
والي ويايه يااين متعنين عشانها
بعرض لكم مشترياتي بالدور واختي ام خليفه كل الي اشتريته من عندها صورته وبالتفصيل الممل لانها تستاهل كل خير

اول قريه دخلتها القريه الفلسطينيه ادور ام حمزه وما ليقتها بس حصلت وحده في نص القريه تبيع مكدوس ولبنه رهيب شغلها ال4 غراش ب 100 درهم سعرها واايد زين الباقين ما يطيعون الا ال3 ب 100،، كم واحد مرينا عليه من عقبها وما رضوا الا ال3 ب 100 وشغلها نظيف وتسوي لكم اللبنه ويا الفلفل رووعه
[URL=http://up.arab-x.com/][/url]

القريه التركيه حصلت فيها شي ووايد حلو صابون على شكل فواكه شوفوا الصور التفاحه والموزه على 20 درهم للحبه اما الصغار ب 15 وريحتهم حلوه وحط لي الفواكه في سله ..والسله مجانيه خذت من عنده تشكيله بس توزعت قبل لا اص]ورها ..صورت الباقي منه
[URL=http://up.arab-x.com/][/url]

والقريه اللبنانيه خذت لي النعال تكرمون ب 120 درهم واسعارهم ثابته وما ينزلون واغلب المحلات من الساعه 10 ونص مسكره .

[URL=http://up.arab-x.com/][/url]

القريه البكساتيه خذت لي قطعه مع شيلتها ب 40 درهم واايد حلوه رقعتها ومن عقبها على القريه الصينيه خذت الشال الوردي ب50 درهم مبين في الصوره وبنا ت عمتي خذوا من عندهم شنط حق السفر الوحده ب 120 درهم للحبه وخذت دلاغات للصغاريه ال3 حبات ب 10 دراهم
ومن عقبهم سرت عند الحريم الي يخبزن وطلبنا خبر رقاق من عند الحريم الي يخدمن برع عند قرية بدايتي الخبزه ب 10 بس لذيذه
توجهنا على القريه اليمنيه وخذت الخاتم العقيق ب150 مبين في الصوره والي ويايه خذوا البهارات وشاي الكبوس وانا خذت لي لبنان ادخن فيه البيت الغرشه على 30 درهم
واخر شي سرنا القريه الاماراتيه مقابله القريه اليمينيه يايه ومتعنيه لام خليفه

[URL=http://up.arab-x.com/][/url]
ومشترياتي وبالاسعار وبنات عمتي خذوا بعد ماشاء الله بس ما صورت اغراضهم وقلنا للبنت الي هناك نحن من المنتدى وما قصرت ويانا ..الله يبارك في رزقج اختنا
خذت 2 بلاك لذر واايد احبه واحد لي وواحد لاخويه موصني عليه ب700 للحبتين
[URL=http://up.arab-x.com/][/url]

وعطر يديد اسمه الضيافه ب300 درهم حبيت ريحته حق المعاريس …والزعفران غرشتين لي وللوالده فديتها الغرشه على
120 [URL=http://up.arab-x.com/][/url]
وطبعا لازم وواجب الي يمر على محل ام خليفه من يشم العود المعطر الملكي لازم ياخذه هو والدخون الملكي
عطوني الدخون 120 والعود على 160 وعطر للسياره يديد فنتك ب 50 درهم هي قالت لنا ب 60 بس لاني انا وبنات عمتي خذنا 5 غراش عطتنا بهالسعر وعطر فراش عروس ب 60 درهم غرشته كبيره
وايد حلوه ريحته ..والمخلطات ماشاء الله كل مخلط يزجر من بعيد بس ما خذت الا ال4 الغراش الموضحات في الصوره غلا زايد ب 60 درهم حقي
والحجرالاسود 150 والسحريه للملابس الداخليه ب 100درهم وعرب زايد والعود الفاخرحبتين الكيس ب150 لزوجي الغالي,,,,ريحته تشل واتحط عرب زايد صدق غاااوي …تندمت ما خذيت زياده منه المره اليايه وبنت عمتي خذت ريانة العود عيبها هي وخواتها انا ما حبيته وايد وخذوا على ما اضن دخون جميرا واليوم يتمدحمنه وما اضن اني جربته قبل بكتب في ورقه عشان المره اليايه على طول اخذهم
[URL=http://up.arab-x.com/][/url]

وقبل ما اطلع خذت شباصتين ب 40 درهم وايد سعرهم حلو طبعا ما عطوني هالسعر الا بطلعة الروح ههههه
[URL=http://up.arab-x.com/][/url]
واشكرج اختي ام خليفه من خلال هذا الموضوع على الخدمه المميزه اول ما قلت لها اني من المنتدى نزلت لي الاسعار
وكانوا شباب عند محلها وخذوا البلاك لذر ب 390 وانا اقول اوويه الحين بيعطونا بهالسعر وانا يايه متعنيه للبلاك لذر
بس من قلت لها اني من المنتدى على طول نزلت الاسعار وحتى بنات عمتي تشجعن يشترن شافوا فرق السعر وما قصرت سويت لج دعايه حلوه …
ولكم الصور وقولوا لي رايكم
وفي اشياء ما صورتها مثل السلال مال الخبز خذيتهم من الفيتناميه ومن يت البيت فريتهم في المطبخ