بداية ابي اتكلم وانزل اللى في خاطري من مواضيع بالمشاريع التجارية وما نواجه نحن المواطنين من مشاكل ,, يعني اللى في السوق تقريبا 75% من الوافدين وتقريبا 25% من المواطنين طبعا اقولها انا متاكد منها ان الوافدين متعاونين بشكل والله قوي مره اما نحن الله يستر علينا ,, طبعا انا اتكلم على المشاريع الصغيرة والمتوسطة وما قصرة الجهات المسؤلة عن التجارة تعامل المواطن و الوافد نفس الشي ما في اي تشجيع للمواطن فهذي هي النقطة يعني (( عندما يدخل اجنبي في مشروع ويتجه للبنك وسحب قرض مبلغ خيالي ويدخل في السوق في منهم يرفعه المبلغ هذا ويربحه ويرجع للبنك وفي بعضهم ويخسر وبدل ما يتحاسب يشتريله تذكره ويسافر وعلى مقالة الحباب ( ولا من شاف ولم من دري )) اما المواطن يوم يفكر ويريد يسحب مبلغ من البنك عندي طريقين يدفع المبلغ او يدخل السجن والله يبعدنا منه ,,,, وطبعا اي مشروع يبيله دفعة قوية على شان ينجح المشروع …… وبعد اللى في خاطري ما نزل مما اشوف في السوق من غصاات واهموم وتعقيد ……
الا هذا مش موضوعنا وخلوني اتكلم عن مشروعي اللى احس اني بدية غلط واخاف ينتهي بالفشل الحق عليه يا اصحااابي قمت بانشاء مشروع سنة 2008 وهو فتح رخصة مقاولات وصيانة عامة واستقدمة 4 عمال وعملة في مجال المقاول الباطن يعني المتر 10 , 12 , 14 يعني تعب وادور على المواقع وتتنازع وي المهندس واخر شي تطلع من الفله 10000درهم بعد ما اشتغلة فيها تقريبا 3 الى 4 اشهر بس كانت عندي طموح اكبر في هذا المجال وكنت المبالغة اللى احصل عليها استقدم على عماله من الخارج وتعرفون انتم عندنا العامل يكلف تقريبا 8000 الف درهم ولا استقدام لا مهندس ولا محاسب واكتفيت كمقاول باطن ,مره طابوق , ومره بلاستر , ومره صبغ , ومره سيراميك , ومشت الامور معاشات العمال كانت اهم قضية عندي يعني الحمدلله معاشات شهريا يستلمونها ولكن ما في اي راس مالي للمؤسسة وكل المبالغ اللى احصلها الاولوية للمعاشات والباقي استقدم عمال والحين بعد مرور 3 سنوات وصل عدد العمال 30 عامل واتوسع الشغل بس نفس الخطوات يعني كمقاول باطن والحين اواجه مشاكل كثيره كثرة العمال سكنهم مكلف روحاتهم وجياتهم استهلاكهم للماء ومشاكلهم اللى ما اتخلص يعني حسيت الفلوس اللى حطيتها في المشروع كلها راحت في الرسوم والدوائر الحكومية قهر (((ليتني سويت بقالة كل راس مالي جدام عيني )) المهم والمقاولين الرئيسيين ما شاء الله عليهم يعطونك مبلغ ويقولون الباقي بعدين وانت تتورط ونفس الشي المشاريع اللى انا فيها مشاريع ضعيف مشاريع فلل فقط انا في العين يعني ما في مشاريع كبيرة وبدات الامور تتشكل عندي وما اعرف شو العمل يعني النتيجة ,, 30 عامل يجيدون اعمال مختلفة ,,,,, مافي راس مالي لمؤسسة ,,,,, وتبيون الصراحة مليت من سالفة المقاول والمهندس وابي منكم يا اصحاب الافكار واللى والحلول في المجال يوجهوني ويدلوني لللحل اللى ما فيه خساره مع اني فكرة في كنسلة العمال كلهم بس اكتشف انهم بيخسرون فلوس اكثيرة فابي فكره متقنه ومدروسه …..
واسمحولي على الاطاله بس شو اسوي متوهق وابي من يساعدني .
انا وجهة نظري انك قمت بزيادة الاصول ووصلت لمراحل حلوة وتضاعف عدد العمال الى 30 خلال 3سنوات وانت تغطي جميع مصاريفهم من المدخول اعتقد انها دليل نجاح وتوسع جيد
يبيلك اخوي خطة تسويق مرتبة شوي يعني مثلاً تقدر تدخل السوق مباشرة وإذا تبي رايي ادخل السوق بأكثر من اسم عشان تزيد الطلب
اعد النظر في وقت العمال اثناء العمل يعني لو استطعت تقلل الوقت بنسبة 30% وزدت الطلب وغطيت ال30% من المؤسسة الثانية هذا يعني زيادة الربح بنسبة 30% ومارح تكلفك العملية الا رسوم الحكومة
والله يوفقك لكل مافيه خير وتاكد انو محد ياخذ الا رزقه
اخوي انته كمقاول باطن وفي هل الوقت المقاولين الرئيسيين متاثرين بسبب الازمة يعني هل الامور الحينه امر شد الحزام خاصتاص وماشي قروض نازلة واذا استمرت الامور جذي شركات كثيرة بتسكر
شوف اخوي نصيحتي لك اما تستمر في عملك وتصنف شركتك وتمسك لك مشروع او مشروعين فقط ولا تمسك المشروعين في وقت واحد لاكن يجب ان تاتي بمهندس متمرس او فورمن لديه خبرة لا تقل عن 5 سنوات بس التصنيف يباله فولس بعد
مسئلة تكنسيل الشركة ما انصحك بها اي تسفير العمالة اذا نويت تكنسل الافضل انك تعرض الشركة للبيع على الاقل بتيب لك شوي من خسائرك لان مجرد اقفال الشركة بيكبدك خسائر وفي نفس الوقت ما بتستفيد شي
انا مقاول وهذه الامرو تمر علي كثير لاكن اذا قفلت معاك حاول تعير العمالة لاي شركة حسب ما تتفق مع الشركة او على الاقل تيب عقود باطن بسعر رخيص شوي المهم تمشي الامور من رواتب الى مصاريف اخرى
بخصوص السكن الله يعينك صراحة لازم يكون عندك سكن نظامي والايجارات غالية
ارباب
مرحبا اخوي Ad high class
واشكرك على نصائحك ,,, ويسلمو على المرور
وانا انتظر اهل الاختصاص اللى بيوضحون الصوره واللى يعرفون شو معني المقاول الباطن يعني ما في ملايين ….
أهلاً عزيزي ..
بالنســـبة للي راح أقولكـ ياه .. فكلامي راح يكون من شخص غير مختص .. وغير مدرك تماماً بأمور التجارة
وأساليت نجاحها الكامل ..
لكن بعطيك نصايح أو شغلات تقدر تستفيد منهــا بإذن الله ..
أول شي وقبل لا أبدأ كلامي ..
موضوع إنك قدرت تحصل على رواتب العمال جميعاً من أرباح العمل يعتبر شي طيب .. خصوصاً في مشروع جديد العهد .. وأنا سعيد جداً لنجاحك عزيزي .. بس أنا أشوف إنك تسرعت شوي في التكبير ..
يعني التكبير شي حلو وجيد .. لكن التوسعة والدخول في مجالات جديدة يجب أن تدرس وأن تكون مجدولة بدقة ..
التخصص في عمل واحد أفضل في الـ 5 سنوات الأولى ..
ومن بعدها تبدأ تدخل في مجال بعد مجال .. لين ماتصير قوي فالسوق ..
وكـ نصيحة مني ..
حاول تقبض دائماً مبلغ مقدم .. يكون شامل على الأقل 70% من قيمة التكلفة ..
خصوصاً في المشاريع ذات التكلفة العالية ..
لأنك بهذا الشكل مابتتضرر وايد لو تأخروا عليك بالدفع .. فلو كانت تكلفة البناء (مليون) —> غير الأرباح .. أقبض من الناس مبلغ 700 ألف وقوله هذا المبلغ علشان أشتري اللوازم والأدوات …
ماعرف شو أقولك عزيزي ..
والله أتمنى لك النجاح من كل قلبي ..
ولو كان عندي مبلغ كبير كنت ماراح أتردد في مساعدتك ..
لكن جرب تروح لصندق خليفة بعد … أشرح لهم الوضع الحاصل عندك ..
عندهم استشاريين وخبراء .. ممكن على الأقل يعطونك نصيحة إذا ماوفروا لك مبلغ مالي
يعني بتستفيد في الحالتين منهم ..
أحترامي لك عزيزي ..
مع تمنياتي لك وللجميع النجاح
Outsourcing