بداية ابي اتكلم وانزل اللى في خاطري من مواضيع بالمشاريع التجارية وما نواجه نحن المواطنين من مشاكل ,, يعني اللى في السوق تقريبا 75% من الوافدين وتقريبا 25% من المواطنين طبعا اقولها انا متاكد منها ان الوافدين متعاونين بشكل والله قوي مره اما نحن الله يستر علينا ,, طبعا انا اتكلم على المشاريع الصغيرة والمتوسطة وما قصرة الجهات المسؤلة عن التجارة تعامل المواطن و الوافد نفس الشي ما في اي تشجيع للمواطن فهذي هي النقطة يعني (( عندما يدخل اجنبي في مشروع ويتجه للبنك وسحب قرض مبلغ خيالي ويدخل في السوق في منهم يرفعه المبلغ هذا ويربحه ويرجع للبنك وفي بعضهم ويخسر وبدل ما يتحاسب يشتريله تذكره ويسافر وعلى مقالة الحباب ( ولا من شاف ولم من دري )) اما المواطن يوم يفكر ويريد يسحب مبلغ من البنك عندي طريقين يدفع المبلغ او يدخل السجن والله يبعدنا منه ,,,, وطبعا اي مشروع يبيله دفعة قوية على شان ينجح المشروع …… وبعد اللى في خاطري ما نزل مما اشوف في السوق من غصاات واهموم وتعقيد ……
الا هذا مش موضوعنا وخلوني اتكلم عن مشروعي اللى احس اني بدية غلط واخاف ينتهي بالفشل الحق عليه يا اصحااابي قمت بانشاء مشروع سنة 2008 وهو فتح رخصة مقاولات وصيانة عامة واستقدمة 4 عمال وعملة في مجال المقاول الباطن يعني المتر 10 , 12 , 14 يعني تعب وادور على المواقع وتتنازع وي المهندس واخر شي تطلع من الفله 10000درهم بعد ما اشتغلة فيها تقريبا 3 الى 4 اشهر بس كانت عندي طموح اكبر في هذا المجال وكنت المبالغة اللى احصل عليها استقدم على عماله من الخارج وتعرفون انتم عندنا العامل يكلف تقريبا 8000 الف درهم ولا استقدام لا مهندس ولا محاسب واكتفيت كمقاول باطن ,مره طابوق , ومره بلاستر , ومره صبغ , ومره سيراميك , ومشت الامور معاشات العمال كانت اهم قضية عندي يعني الحمدلله معاشات شهريا يستلمونها ولكن ما في اي راس مالي للمؤسسة وكل المبالغ اللى احصلها الاولوية للمعاشات والباقي استقدم عمال والحين بعد مرور 3 سنوات وصل عدد العمال 30 عامل واتوسع الشغل بس نفس الخطوات يعني كمقاول باطن والحين اواجه مشاكل كثيره كثرة العمال سكنهم مكلف روحاتهم وجياتهم استهلاكهم للماء ومشاكلهم اللى ما اتخلص يعني حسيت الفلوس اللى حطيتها في المشروع كلها راحت في الرسوم والدوائر الحكومية قهر (((ليتني سويت بقالة كل راس مالي جدام عيني )) المهم والمقاولين الرئيسيين ما شاء الله عليهم يعطونك مبلغ ويقولون الباقي بعدين وانت تتورط ونفس الشي المشاريع اللى انا فيها مشاريع ضعيف مشاريع فلل فقط انا في العين يعني ما في مشاريع كبيرة وبدات الامور تتشكل عندي وما اعرف شو العمل يعني النتيجة ,, 30 عامل يجيدون اعمال مختلفة ,,,,, مافي راس مالي لمؤسسة ,,,,, وتبيون الصراحة مليت من سالفة المقاول والمهندس وابي منكم يا اصحاب الافكار واللى والحلول في المجال يوجهوني ويدلوني لللحل اللى ما فيه خساره مع اني فكرة في كنسلة العمال كلهم بس اكتشف انهم بيخسرون فلوس اكثيرة فابي فكره متقنه ومدروسه …..
واسمحولي على الاطاله بس شو اسوي متوهق وابي من يساعدني .
اتفق مع ارباب
افضل الحلول بيع الشركه بالعمال على الاقل بترد راس مالك افضل من اغلاق الشركة وخسارة راس المال
ممكن اعرف جنسيات العمال.. و بذات الفورمن .. ؟؟
اخوى انا عندى لك حل
انا اعرف واحد اليوم كان يكلمنى فى القهوه انه بيجيب عمال راسلنى على الخاص وبعطيك رقم تلفونه بياخذ عنك العمال وبيفكك من بلاويهم وحقوقهم اذا بقيت الشخص هاذا راسلنى على الخاص
شكرا
موفق بإذن الله … لك مني أجمل تحية .
حاول ادور الشغل فى بوظبى فى المدن الجديدة مثل خليفة أ وب ومحمد بن زايد لان وايد شركات من دبى موجودين فى هالمدن وفى بوظبى الشغل فيها وايد
الحل الثانى ادخل فى مناقصات البنوك مثل الخليج الاول وابوظبى الاسلامى والتجارى وغيرهم
الحل الثالث وايد مواطنين يبنون بروحهم ومعتمدين على الباطن حاول اتمر وتعرض خدماتك
الحل الرابع سجل فى قسم المشتريات فى الدوائر الحكوميه اللى يشتغلون فى البناء مثل البلدية والمساندة والجيش
والله يوفقك