السلام عليكم ورحمة الله وبركاته

أبغي حد يساعدني بمعلومات أو اي شي ثاني، حاولت افتح هالبزنس بس للأسف أكتشفت أنهم كنسلوا رخصة التاكسي فبوظبي ليش انهم جايبن شركة خاصة بالمواصلات.

فالحين ابي حد يساعدني كشريك أويقولي شو رايه لوفتحت في عجمان أو رأس الخيمة هل بيمشي ولا لأ.

الفكرة الاساسية اللي كانت في أبوظبي و(اللي ما تنفذت):

أ-أشتري ثلاث سيارات مستعملة أو جديدة.
1-فايدة السيارة المستعملة 1500 درهم شهريا بشرط ما تكون عدت خمس سنوات من تاريخ الأنتاج.
2- فايدة السيارة الجديدة 3000 درهم أول سنتين عقب 1500،مسموح لك أتشغلها لمدة خمس سنوات كحد أقصى

ب-أييب عمال من باكستان ( العمال موجودين – يتريوني أتصل)
ج-ما راح أكون ملزم بدفع الرواتب ليش أني راح أأجر السيارات بالرخصة لهم.

كنت حاط 70,000 درهم (طبعا للسيارة الوحدة) للمشروع على أساس اني أسترجع البيزات بعد سنتين كالتالي:
3000 درهم (ضارب) 24 شهر = 72000 درهم– لاحظ معاي أنها أكثرمن سعر الكورولا مع رخصة التاكسي وفيزت العامل وتذكرته.
1500 درهم (ضارب) 36 شهر = 54000 درهم– هذاصافي الأرباح تقدر تشتري سيارة ثانية وتشغلها
بعد خمس سنوات راح أبيع السيارة مب أقل عن 25000 ألف

الكلام اللي فوق كله في أبوظبي ما أدري عن الأمارات الثانية في حد يقدر أيفيدني.

13 thoughts on “مشروع تاكسي”

  2. اخوي فكرتك حلوة , وانا بصراحة كنت افكر في هالمشروع من قبل سنتين بس ما لقيت شريك, عالعموم فكرتك حلوة بس لاتنسى ان تكون معاك على الاقل عشر سيارات( اقل شي ) وثانيا يكون عندك مكتب وفية شخص مناوب 24 ساعة ونحتاج كذلك الى اجهزة اتصالات ووكي توكي هذا بالنسبة لمشروع بوظبي

    اما مشروع تاجير السيارات على هنود او باكستانييين فما انصحك الا اذا بيخلون ضمانات لك بانهم ما راح يتركون الشغل بعد شهر او شهرين وبعدها تضطر الى بيع السيارات بالخسارة لانهم في بداية المشروع راح اقولون لك ان بيشتغلون وبعد كم شهر بيون يقولون لك ( ارباب ما في فايدة يريد سوي ناقص فلوس ) واذا ما وافقت لهم بوقفون السيارة لك في مكان بيقولون( ارباب تعال شيل سيارة انا ما يريد) وبيشردون عنك وروح عمم عليهم وهم بيشتغلون 3 سنوات يجمعون فيها اللي يقدرون يجمعون وبعدها فيزة زيارة او بالتسلل يدخلون البلاد او بجوازات مزوره( هنود وباكستانيين يقدرون يسوون كل شي)

  3. الــــــــــــغالي

    شيــــــــــــــــــــــــــــك عالخاص

    ســــــــــــــــــــــــــــــــــلام

  4. أنا ربيعي يشتغل بالاتصالات وملم بهالاشياء

    بسأله وبرد عليك …

    بس انت لا تعتمد علي انا

    وان شاء الله اللي في المنتدى ما بيقصرون و بساعدونك حبه حبه لا

    ما توصل للافكار اللي تباها..

    وبالتوفيق ان شاء الله..

Comments are closed.