السلام عليكم ورحمة الله وبركاته
أبغي حد يساعدني بمعلومات أو اي شي ثاني، حاولت افتح هالبزنس بس للأسف أكتشفت أنهم كنسلوا رخصة التاكسي فبوظبي ليش انهم جايبن شركة خاصة بالمواصلات.
فالحين ابي حد يساعدني كشريك أويقولي شو رايه لوفتحت في عجمان أو رأس الخيمة هل بيمشي ولا لأ.
الفكرة الاساسية اللي كانت في أبوظبي و(اللي ما تنفذت):
أ-أشتري ثلاث سيارات مستعملة أو جديدة.
1-فايدة السيارة المستعملة 1500 درهم شهريا بشرط ما تكون عدت خمس سنوات من تاريخ الأنتاج.
2- فايدة السيارة الجديدة 3000 درهم أول سنتين عقب 1500،مسموح لك أتشغلها لمدة خمس سنوات كحد أقصى
ب-أييب عمال من باكستان ( العمال موجودين – يتريوني أتصل)
ج-ما راح أكون ملزم بدفع الرواتب ليش أني راح أأجر السيارات بالرخصة لهم.
كنت حاط 70,000 درهم (طبعا للسيارة الوحدة) للمشروع على أساس اني أسترجع البيزات بعد سنتين كالتالي:
3000 درهم (ضارب) 24 شهر = 72000 درهم– لاحظ معاي أنها أكثرمن سعر الكورولا مع رخصة التاكسي وفيزت العامل وتذكرته.
1500 درهم (ضارب) 36 شهر = 54000 درهم– هذاصافي الأرباح تقدر تشتري سيارة ثانية وتشغلها
بعد خمس سنوات راح أبيع السيارة مب أقل عن 25000 ألف
الكلام اللي فوق كله في أبوظبي ما أدري عن الأمارات الثانية في حد يقدر أيفيدني.
نصيحه لك اخوي دامك حاب تشتغل في مثل هذي الشغله انك تفتحلك طويل العمر شركة باصات توصيل مش سيارات وخذلك 4 باصات خل اثنين توصيل داخلي باسعار رمزيه وخل اثنين شغالين على الخطوط الخارجيه وباسعار طيبه طبعا تفرق عن اسعار باصات البلديه باكثر لانه طويل العمر باصك لازم يكون يختلف مكيف ويعني التوصيل اسرع والخدمه افضل
وهذي تراها مربحه اكثر عن التكسي للعلم يعني وانا هذا البزنس ع ندي تحت الدراسه بس العرقله بتكون الرخصه لا اكثر
شكرا وبالتوفيق اخوي الكريم
وثاني شي بخصوص الصيانة بتكون على أنا ، بس كم يعني راح أتكلف 2000 درهم Maximum مب أكثر
لاتنسى من شروط رخصة التاكسي تأمين شامل
والتواير (الكفرات) ببدلها مرتين بس خلال الخمس سنوات
[/align]
منو قالك اني سعودي .. لا اخوي انا خيماوي وحياتك
KAS stand for khalid abdulla salem
على فكرة انا عندي رخصة تكسي من سنة .. بس مب عارف كيف اشغلها
على العموم بالتوفيج
أخوي مشروعك حلو
بس
محد يدري يمكن تدخل اي شركة مواصلات وتجاوزك على سرعة 180
وانت واقف مكانك واتخسر كل شي
أنصحك أسأل أكثر وانا بحاول أسأل لك..
بالتوفيق…
السلام عليكم
شفتوا شو قصدي بالشركة اليديدة
هذا الخبر من جريدة الأمارات اليوم
[align=right]
وثاني شي بخصوص الصيانة بتكون على أنا ، بس كم يعني راح أتكلف 2000 درهم Maximum مب أكثر
لاتنسى من شروط رخصة التاكسي تأمين شامل
والتواير (الكفرات) ببدلها مرتين بس خلال الخمس سنوات
للأخ boy3300 طرشتلك رقمي ع الخاص
“عذاب الأمس” بيكون بينا أتصال أنشالله
وشكرا للجميع[/align]