مشروع تجارة الأشجار..

8 thoughts on “مشروع تجارة الأشجار..”

1. فينه نوعين
   او ل نوع الانتاج وفيه الفائد اكثر اعطيك مثال بسيط
   الخطوه الاولى : في في تاريخ 1_11_2006 زرعنا في قطعه مربعه 1000 بذره سدر بلدي (طبعا بذر السدر مكثره ببلاش )
   الخطوه الثانيه : في تاريخ 1_2_2007 نروح ننقل السدر في اكياس بلاستيك ونتركه لمده شهر تحت بيوت بلاستيكيه خضراء
   الخطوه الثالثه : في 1_4_2007 نروح نطعم السدر بنوعيه مثمره وممتازه جدا مثل السدر التايلندي وبعد التطعيم نتركه لغايه التوريق يعني لين ما تشوف الشتله ورقت.
   _______
   الخلاصه من هذا الكلام كله الاتي:
   في الخطوه الاولى سعر الشتله يكون : من 1م لين 2 دراهم
   في الخطوه الثانيه سعر الشتله يكون : من 5 لين 10 دراهم
   في الخطوه الثالثه سعر الشتله يكون : من 10 درهم لين 100 درهم طبعا يعتمد على طول وعمر الشتله وكل ما زاد طولها وعمرها زاد سعرها
   ______________________________________
   هذا كله في حاله الانتاج وتحتاج فقط لارض زراعيه مع توفر الماء و لخبره وخلفيه انواع النباتات والاشجار اللي تناسب جو دولتنا الحبيبه واذا استصعب عليك امر استعين بمهندس زراعي من وزاره الزراعيه وما راح يقصر معاك
   ___________
   وفي النوع الثاني التجاره والاستراد والتصدير للدول المجاوره في الاشتال: محتاج فقط مشتل وتنكر ماي ووتبيع الشتلات كل شي في موسمه واحيانا تستوردده من بلاد الشام ولبنان وتوزع بدورك وفي نفس الوقت تبيع منه
   _________
   وهذا افضل مثال اشوفه للي يبي يشتغل في الشغله هذه وسامحوني ان بدا مني قصور

2. مشكوريين يا شباب على المرور و التعليق ..
   اخوي uae25 ممكن تخبرنا بتفصيل اكثر عن المشاتل .. تراني ارتحت اكثر لمشروع المشاتل … اذا ممكن تفيدنا بمعلوماتك القيمة … الله يبارك فيك ..

3. والله تجاره الاشتال ابرك من سوق الاسهم على الاقل كل ما جاها يوم الشتله يزيد سعر ها لكن السهم ما يندرابه…………………. واذا ناوي حياك ترى والله صار لي اكثر من 10 سنوات في الاشتال والحمدلله الامور طيبه

4. بالتوفيق يا خوي

5. وعليكم السلااام والرحمه

   تصدق قبل العيد ابيووم كنت ارمس نسيبي عن هذا الموضووع واقوول له ليش ماتحول جزء من المزرعه لمشتل..

Comments are closed.